جريمة عشق 4 (ميراث العشق) بقلم/ مريم نصار.

انتباه يامعلمين 😁

😁

احب اوضح حاجه مهمه للناس الل محتاره من وفاة شيرين ومصطفى وحسام وهدي .
اولا الموت مافيهوش كبير ولا صغير . ثانيا انا قولت بعد مرور فتره من الزمن . الل هو تيم كان ف تالته ابتدائي . ووصل لحد تالته ثانوى يعنى حوالي 7 سنين . وحسام وهدى محدش اتوفي مع التانى . لانى هكتب بعد كده توضيح صغير .
وف حاجه تانيه . انا اتلخبط ف جزئيه تانيه وكتبت العكس إن مريم ف أولي ثانوي . وليليان ف تانيه .
انا عملت تعديل ليها ف الحلقه .
بعتذر عن الخطأ ده . لكن اعذروني الاعداد ف تزايد . وخطأ مش مقصود .

وف حاجه تالته . ضحكنا كتير وهزرنا ف اول كام حلقه . كفايه ضحك بقى 😂😂😂
وندخل ف الجد . انتو عارفين بخاف عليكو من كتر الضحك 😂😂 انا شابوه ليا والله ف النكد . نمبر وان . حاجه كدا فخمه . بس متستعجلوش . والصبر حلو . وهنفهم كل حاجه مع بعض .

وف حاجه رابعه .. انا ماليش مواعيد يابشر 😂😂
انا كنت كاتبه ٤ حلقات ع جمب للظروف . وعشان بحبكم نزلت كل يوم حلقه لكن متاخدوش ع كدا😂😂
انا إن شاء الله . اول ما بخلص البارت بنزله وقتى . انا من النوع الل بحب افاجي وافرح غيري بصراحه . فاسيبو حتة المواعيد دي ع جمب .  انا اول ما بخلص البارت هنزله ع طول ..
مش لازم مواعيد .
ف حاجه خامسه 😂😂. . التفاعل وحش جدا جدا جدا .

يعنى الحلقه بتوصل مشاهده لحوالي ٨ آلاف ع الجروب . ومفيش منهم لا اعجاب ولا تعليق غير حوالى ٥٠٠ بس . أما الواتباد المشاهدات بتعدي ال٢٠ الف . ومفيش غير حوالى 150 تعليق . طبعا ده مايرضيش حد . لكن هصبر . واكيد ف يوم إن شاء الله هلاقى تفاعل وتعليقات تبهرني ..

ف حاجه سادسه .. مش فاكراها 😂😂😂😂😂

يلا ف رعاية الله . اختكم ف الله مريم نصار