اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
________________
(في مكااان بعيييييد عن القصر ومشاكله)
"كانت واقفه بفستانها البسيط وشعرها المفتوح المرايه عاكسه جمالها وطلتهاا الانيقه 💖 التردد والخوف والتوتر متجمعين عندها ...شافت لعيونها ف المرايه تسأل ف نفسها هل كل شي يطلع كيف مامتخيله؟ هل حياتي حتتبدل ؟؟ ..تلفتت تشوف للكتب والوراق لي مغطيه سريرها بكثرتهم وتكلمت بضيق ... أكيد حيأثر ف مستقبلي
قامت إيدها تساوي ف خصلات شعرهاا ريحه برفانه وصوت الرجولي واصل لدارها ابتسمت وقربت من الباب تصنت ف هدرزتهم كل حرف يطلع من صوته الغليظ كانت من ورااه ترجف وخرت خطوه لما انفتح الباب وخشت امهاا والابتسامه شاقه وجهها عكس بنتها المضاايقه والرعشه فيها ملحووظه نظراتها ف بنتهاا فيها فخر ورضى🧡 كأنها حاسه النصيب اهواا حيعوضهاا ع هلبا حاجات مكانوش قادرين يوفروهالها أو بمعنى أصح ضامنه حيااتهاا معاه حتتبدل لخيير كبير ❤ أحياانا الفلوس تكون سبب السعاده!! 🤷♀️
دقايق مروو ....
وطلعت ورا أمها ماسكه سفره القهوه وعيونها تحت من توترها وقفت ع فم الباب ومعش قدرت تكمل وكأنه انشلو رجليهاا والأصح رعشت رجليها مش مخلينها تمشي بتوازن وبأنوثه الكل سكت ونظرات أختها وأمها توضح أن كملي ضيفيه ليش وقفتي؟ بس مكانتش قااادره حرفيااا دقات قلبها المتساارعه كانت تسمع فيهم
حست بيه وقف وجي شورهاا اهني هياا قلبهاا طاااح وخرت خطوه وقبل تهرب قامت عينهاا فيه وتمنت مارفعتهم وقفت سااارحه استمررت معلقه عيونها فيه وكأنما لي قدامها كائن غريب باش تشوفله بنظراتها الغريبه اهياا ابتسمت وقت لقت الحنان والطيبه ف عيونه يبرقو برق نظره وحده منه تكفي باش تخليها تساافر بمخيلاتهاا لبعيييد❤ فاقت من سرحانها وقت خدي منها السفره ولامس إيدهاا عرفاتها متعمّدها الحركه❤ شافتله كيف قدم وحطها ع طاوله واشرلها بإيده بعد تكلم بهدوء (تفضلي) ابتسمت بخجل وقدمت قعمزت بجنب أمها كانو خدوودهااا حمررر وعيونها يلمعوو من الخجل حست ب هم زاال من ع تفكيرهاا وكأنها بدت تتقبل ف لي يصير وتأكدت خطبتها المره اهياا غير عن قبل وااضح الراجل مذواق وعنده أسلوب..أنيق ف لبسه وجميل ف شكله وأهم من هاده كله بشهادته ويشتغل وهادا يعتبر الأهم عندهاا
