اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جمعه : ربي يستتتر بس
جهاد : يااخالي فووته بالتريس رااك تركب ف ضغط لرووحك
تي ولدك نعرفه رااسه ياابس مااينقدرش
جمعه "تنهد يمسح ع وجه بإيديه لي يرعشو"
مروان "ربت ع كتف خاله": مدام عطااك كلمه
اطمن ... ولدك كلمته كلمه راجل وعمره ماوخر
جمعه "قام عيونه بخوف من ع الوطى ف المعازيم يدور بعيونه ف بوه لين لقاه مقعمز يتكلم بهمس مع رائد طلع نفسه براحه وقت لقاه لااهي ومعش دور ولا سأل عليه"
جهاد : اسمع شيخناا دور كيف ادرق علياا بنطلع اززح مليت
مروان "مسكه قبل ينوض": تي غر وين مااشي
جهاد : بنهرب للاستراحه الشباااب قايمينها غادي منبيش يفوت عليا الجو زي كل مره ننحبك فيها مع جدك اززف
مروان "شاف لجده وردله": فكناا ياراجل تحساابه مهوش ملااحظك
قعمز وهني روحك هما نص ساعه يجي العريس تنقرا الفاتحه وانتلف
جهاد :تي يمين بالله ماني قااعدها دقيقه تاانيه اهني.. عريس وهمي ولاكيف خشت العشره ومحدش جي ياااودي بعت موكل ولا داار لقطه كان متحشم
منبدووش زي البنااقله نرااجو
مروان : منيش عاارف والله حتى اني ماني متحمل غير بالسيف تقعميزتي
جهاد : جدك لااهي يهدرز هي نووض
مروان : لا ياجهااد فكناا ياراااجل جدك يقلبهاا ليله سوده
حكيم "خش بابتسامه عريضه يلف ف سبحه ف إيديه ووراه ولده منصف "
منصف"وقف قدامه قبل يطلع" : واخد وضع الهرووب ها ..رد مكانك فكنا من محاضرات الليل مع جدك
جهاد : اضرب الحوله وفوتني "وطلع قبل يلمحه جده"
رائد"متكي ع مسند الصالون مبتسم بهزوه
يمشط ف لحيته بإيده" : يديرها ياجدي
يديرها ويعفس عليناا معندااش مشكله
إدريس "غمض عيونه بغضب وفتحهم كان الخووف مسيطر عليه من داخل خاصه مع كلام رائد وتلقيحه بس ملامح وجه تبين شي تااني ومحافظ ع نظرااته الشامخه "
حكيم "قعمز ": متخافش كل شي كويس
إدريس : قول شنصار ؟؟
منصف "شاف لرائد فتره ورد لجده": اطمن كم دقيقه ويوصلو متخافش شي عادي الطريق طويله ويبو وقت يوصلو
حاليا ف طريق المطار قاعدين ..نص ساعه بالكثير ويكونو عندك"وشاف لرائد بنظره غريبه"
رائد : لماا يديرها فيكم قاايلكم اني
إدريس : بطل كلاام العوج لي تقول فيه تفوت انشالله
تفوت الليله علي خير بإذن الله
"مشت فتره
منصف ناار تاكل فيه دااخله يشوف لجده يطبس ع رائد مره مره وكأنه لي بينهم
المفروض محدش يعرف بيه
جمعه العرق مش وااقف صباان منه.. عيونه ف الباب يستنى ف ولده
مروان ف كل مره يسأل جده علي خوه يتحجج بشي
إدريس ارتااح شوي وخداته الهدرزه مع الشيوخ لين فجأه "
رائد "وقف": نستأذن كلا اني
إدريس : علي وين ؟
رائد : آهو منصف ياخد مكاني راكب بنرتااح داايخ عالآخر
إدريس"شاف لأنظار الرجاله لي جنبه عيونهم ف رائد
أشرله يقرب ..بصوت واطي" : مش عييب تخلي الصاله ملياانه وتنووض هادا وراافع خشمي بييك رد قعمز تنقراا فاتحة بنت عمك ودير رايك بعدين
منصف : اني قااعدلك ياجدي مدورااش
رائد : نقولك تااعب يااجدي رااسي النمم بينقلع تقوولي قعمز عطيني ساعه نريح فيهاا أعصابي وقت الأفندي يتكرم ويجي شرينو نفهم
إدريس : رااائد كلمه هي رد قعمز مش وقت تسكيره راسك
رائد "ضغط ع فكه نفذ الصبررر عنده
ومعش عنده خلووق لشي... كان واخد العرس بكبره بهزوه ومش طاايق ولا مخلوق ف الصاله"
مروان "شافله بمعنى اسمع كلامه يكون أحسن "
حكيم : خليه ياابوي آهو صغار عمه يغطو عليه
إدريس "سكت يشوف لرائد لي عيونه ف شي تااني عاقد حواجبه وحاط إيديه ف جيوبه ...قال بهدوء" : براا ارتاح
الساعه احداش تنزل توريني وجهك يكون العريس واصل
رائد "نحه إيد من جيبه وقدم باس راس جده"": اعتبره تم
إدريس"بانت ابتسامه الرضى وطبطب ع إيده لي ع كتفه": توكل را ياخدك النوم بس
رائد "وخر ": لا اطمن
إدريس "تبعه بعيونه لين طلع
كاانو الناااس كلهاا تعرف لولا وجود رائد لكاان إدريس مش وااصل للمستوى لي هوا فيه حاليا
نظراات الحقد كانت غااالبه هلبااا ف الصاله
من بينهم واولهم منصف وبوه
حرفيااا رائد الإيد اليمين ليه وكل شي بالنسبه ليه
رغم وجود أولاده جمعه حكيم عااصم وجمال وأحفاده بس رائد كان الشخص لي يُعتمد عليه وقد كلمته
ولي يحبه فيه تسكيره رااسه وطبعه الوااعر وشخصيته المتملكه والمتمرده
وكلمته لي لو تنزل السمي للوطى ميوخرش عليها..فا كان مطمن ف كل شي شاده رائد عوض عنه"
