اهلين حبايبي
حنوضح ع كم حاجه وكم سؤال يجيني ف الخاص ف الباارت اهواا🖤👇👇
عاااارفه والله عاارفه مقصصره الفتره هادي بس وربي مش هكي وخلاص
مسجاات ف الخاص كلهاا وينك ..وعطلتي ..وآخر مره نتابعلك روايه
و لو انتي مش قد الكتابه بطلي....أووفر بصراحه🤦♀️
حبيبااتي كل حد وظرووفه فا قدرو شوي مش معقوله
تهجمو علياا هكي لين كرهت شي اسمها روايه
والله قريب نزلت بارت وقتلكم بنبطل كتابه بجدياات
قايله اني تخصصي طب
عارفين شن يعنى طب!؟
يعني صببح لييل عيونك ف الشيتاات والكتب والمراااجع
وداري منطلعش منهاا إلا وقت صلاه فقط
حتى الماكله منقصه
عارفه حتقولو خيرك تكتبي وتشحوري فينا معاك مدام عارفه تخصصك صعب
هادي هواااايه بس للأسف ظروفي لي مدايرتلي حااجز
وقاعده نحااول نعوض النقص ونكتبلكم ف كل دقيقه نفضى فيها
اني بطلت نكتب الفتره هادي ع ماعتقد اسبوعين أو اقل
لان بدت كليتي وكيف ماتعرفو ف البدايه حناخد وقت باش انظم وقتي
قاعده نحاول نرتب احساباتي واموري
وبإذن الله لو نظمت كل شي
حنبدا انزل وحنعطيكم موعد محدد يعني مش زي قبل ف الاسبوع حلقتين او حلقه
هاد هو منلحقش قرايه وكتابه🥺💔
لين ربي يسخر ونحااول انزللكم حتى لو عطلت بحلقتين تعويض
❌ أما بالنسبه لي يسالو فيااا ف الخاص وف تعليقات ع روايه أحببت المتكبر ( الجزء التاني)
يختي استني مش تو بنزلهاا هادي حتكوني بعد جرائم في قصر ادريس
من قبل جايه بنقسم الروايه لجزئين بس بعد شحورتكم معاي قلت خل ننهيها بسرعه
فا هلباا حاجات واحداث تخطيتهم
مكنتش نبي ندير جزء تاني
بس وين سألتكم ولقيت قبوول هلباا
ع طوول بديت نكتب ف الاحداث
استنو عليهاا عااد مش طوول هكي بنزل
رااا أحدااث الجزء التاني يبيلها وقت بااش تتنظم وتتعدل
انتو تحسابو الكتابه هكي وخلاص متاع مكسده خل نكتب
لاااااا❌
مش حتصدقوني لو قتلكم الحلقه الوحده تااخد منيي ف يووم
كتاابه وترتيب احداااث وطريقه السررد باش يوصلكم كل شي
وتنزل وتقروهاا وتستمتعو ف كل حرف فيهاا
وطبعا أحداث الجزء التاني حتكوون ناااااار 🔥بس الحلقات مش حتفوت العشرين او التلاتين حلقه ممكن!!!!
حاليا قاعده نكتب ف الحلقه الأولى ووقفت فيهاا
ولي تقولي واحد زي هيثم كيف يطلع والشي هوا مش منطقي يطلع بكفاله !!
حبيبتي القصه حتوضح ف الجزء التااااااني
هيثم قصته برووحه ونجاته من الاعدام ورااها شي👌
شوقتكم اسفه😂❤
اما روايتي هادي جرائم ف قصر ادريس
حنخبركم ع كم نقطه
وبالله لي مش عاجبتهاا وله اللي متبيش تصبر ع الحلقات
من توااا تفووتها الرواايه بككككل ❌
خير مااتخش تسب وتكفر وتنتقد راا لي ديري فيه وربي مايأثر فيا حتى شعره
وهادا يرجع ل تربيتك
بسببك تكيتهاا عركه مع لي مرتبطه بيه وكلاامه اصلاا مزبووط شندير بوجع الرااس
وتجيبي ف الكلاام الغلط لي نفسك
بس معاانده 👌مداام فيه نااس منسجمه وتدعم فيااا ف كل حلقه وحاافظتهم كويس منهماا بزبط👌❤
الباقي مندورش
المهم
اولا ابطالهاا حيكونو هلباا يعني اكثرر من قصه حتصير
وحتستمتعو فيها لان قصص منووعه
مش حتتلخبطو مقصوود درت البداايه بالشكل هادا باش تتعرفو ع شخصيات وحده
وحده ومنبعدهاا نخشوو ع الاحداث القويييه🔥🔥
والاحداث والقصص لي حتصير فيهاا خدت مني وقتتت طويييل باش عدلت كل
شي
وصدقوووني صدقووتي حتكوون اقواااا بهلبااا من احببت المتكبر🔥🔥
وفيه قصه وحده وااقعيه تمااامااااا حتصير فيهاا
يعني السرد حيكون غريب عن سردي المعتااد
لان منقدرش نضيف شي منعندي ولا حتى شوي تخيلوو !!
إلا بعد إذن
حنتعب فيها بس يالله كله يهوون❤❤
اني ذكرتهاا ف كم حلقه
الذكيه تقولي اما شخصيه او قصه
لي حتكوون وواااقعيه😉✅✅ تراا نشوف توقعاتكم
طبعا الرواايه هادي عبااره عن غمووض للنهاااايه وبولسيه
سؤااال واااحد حيرااودكم طووول الرواااايه ( من وراه كل شي يصير
او من القااااتل)؟؟؟؟
وكم غمووض حيووضح كله مع الحلقاات او ف الآخر منعرفش 🤷♀️😉
وطبعاا متخلاااش الروايه من رومااانسيه والكوميدياا والتشوييق اهممم شي❤🔥
يعني احدااثها راا متعوووب فيهااا وحتطلع رواايه منلاااخير بجد👌
متاكده حتووصل للنجااح لي وصلاته روايتي الاوله❤
وآخر شي بعد شطييح 😂
يلي شااااطره وعندهااا ف التصمييم والجو اهواا وهك تخشلي خااص
نبيها ف موضوع😉
وبالله نبي نشر للقروب ف الفيس لي عندها كيف تجيني خاص
+ ادعولي نجاااوب ف امتحان العضويه بكرا🥺
كثررر ت علييكم عااارفه بس هادو أسئلتكم واني جاوبت
وكيف ماقلت لي مش عاجبتهاا ومعندهاش صبرر تخطاهاا الروايه من تواا بالله فكني من النفخ❌❌ مش نااقصه
ومحلاااهاا النااس لي مقدرتني وصاابره معااي
نحبكم هلباات هلبااات❤
اي سؤال اكتبو ف تعليقات حنجااوب ع الكل
وقولولي عالشخصيه لي حبيتوهاا لحد الآن
ولي تبوني نذكرهاا ف كل حلقه👌 ❤
عطلت عليكم آسفه
