اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
صحه سحوركم ❤
________
مروان "سكر باب سيارته ونزل فتح باب السور لكبير وخش متجهة للقصر
بس لي وقفه صوت شهقات بكي
تبع الصوت وانصدم وين لقاها مقعمزه مكمشه ف نفسها ف هالجمود"
مروان : كوثر!! شن فييه انشالله خير
كوثر "قامت وجها من ع رجليها كان منظرها يخلع بدموعها ووجها الأحمر"
مروان "انصدم وقعد ساكت فهمها متعاركه معاه زي العاده"
كوثر : تعبت منه
مروان : به غر خشي دااخل وهدي مش حيعطي فايده بكيك اهني
كوثر : منبيش نخش
مروان : متعاركين ولاه
كوثر "هزت راسها وهي تشهق بعبرتها"
مروان"تنهد " : شن قاايلك عليه يااكوثر هو هكي طبعه واحد مستفز ومشكلجي
وانتي ساايريه متبديش معانديه زيه
كوثر "تحكي وتبكي": دييمه اني لي نسااير ونفوت ونتغااضه وهو عمره ف حيااته تناازل ديمه شاايف نفسه الصح والنااس كلها غلط
مروان " وخر شعره بإيده وهو مش عارف شن يحكيلها وهي ب هالحاله "
كوثر "مسحت دموعها ووقفت خدت نفس وحكت بنبره ضعيفه وترعش": نبي نروح وملقيتيش من يروح بياا
رائد يعلم بيا اهني لتوا وع أساس بيروح بياا بس صارت العركه وفاتني
شفت قدااش ماوااطي تو اهنااك حد يديرهاا
ولا حتى اتصل شافني مروحه ولاه لا
مروان : مدايرك اكثر وحده تفهميه وتقدري طبعه طلعتي العكس
كوثر : حااولت بس خلاص تعبت منه💔
مروان : اني نتفاهم معاه ولايهمك نلقالك الحل "وبرم بيمشي"
كوثر : لااا وين مااشي
مروان : دقيقتين وتلقيه عندك
كوثر "مسكت إيده بلقطه سريعه": لااا لاا منبيش نشوووفه خليه المره اهياا هو يتنازل مش اني
مروان " برم بخلعه ونفض إيده ع طوول"
كوثر " وخرت بتوتر وفهمت دارت شي غلط وجت ف مروان المحترم أكثر من اللازم تحشمت ع نفسها وسكتت"
مروان "تلبك عارف كوثر بنت مش متحجبه وعندها الحاجات اهياا عاديه فا عذرها
لو غيرها كان تكلم وحط حدود
وكيف بيمشي وقفها كلامها"
كوثر : آسفه مش بقصدي والله ..معلش
مروان : هئحم لا صاار خير
كوثر " مشبكه إيديها بتوتر قامت عيونها لقاته عاطيها بظهر
وفاات بيخش لمحت شي ماسكهاا ف إيده اليسار ومدرقهاا
لمحت سلاح(فرد) ملامحها تبدلو لخوف 😨
لي تعرفه ف القصر اهواا ان أي شي تتوقعه ممكن يصير
أن الخووت يتقاتلو ويتعاركو ع سبه فلوس!!
أن الكل غايض من رائد عشان القريب لجده وماسك المنصب معاه
الخوف تجمع عندها
ومحستش بنفسها إلا واقف قدام دار رائد بدون تفكير ولا شعور حتى
كان التردد عندها كبير انها تخش "
_______________
