مراجعه سريعه للروايه زي مطلبتو مني
وضروري ضروووري تقرووها ❌❌
احداث الروايه هادي ادّور كلها ف قصر
يتجمعو فيه قلووب سووده وحاقده ع بعض
كل حد نااوي ع شي وكل حد ف باله شي ولازم يندار🔥
الجد ادريس لي كان ليه منصب عالي ف البلاد وسمعته الطيبه وسيرته لي تنجبد ف كل خير
كانو الكل يدورو ف رضااه ومحبته عشان الورث لي عمي عيوونهم وسود قلووبهم اكثر ماهي سوده
ادريس لي قلبه ابيض ومايرضى ف احفااده وولاده حتى وخزه انقتل غددر🔥
كان عايش ف وسط نااس تخطط وتنوي ع قتله وهو غافل
القاتل مش معروف لحد الان بس لي وضح عند المحامي أحمد وقت عرس ثريه
أن العريس كاان ف حاله غريبه وتصرفاته غريبه هادا لي قالوه الناس عليه
من غير ان جي بروحه بدون اهله ف يوم الحنه
وزي مقال جهاد للمحامي ان العريس (كمال) كلم الجد ادريس وخداه ع جنب برا الصاله
وجهاد كان ملاحظ ومفاتوش عشر دقايق الا صار طلق رصاص وبعد طلعو يجارو لمحو سياره طلعت من القصر تجري بدون مايعرفو لي كان فيها من!!
بس الكل شكو وتأكد ان كمال
وفعلا حققو معاه ومكانش راضي يقول ولا شي
بس نهايته كانت السجن للاسف
وطبعا خلوها ف بالكم كمال بريء تمام 🔥🔥🔥
والمحامي أحمد عارف بشي هادا بس ساكت لان
الشي هادا من ضمن لي مخططله🔥
رغم كاانو هلبا دلائل غريبه ليلتها ادل ان كل حد فيهم يمكن يكون القاتل بس كمال يلي كلاها زي مثلا
كوثر مرت رائد لي شافت الفرد(سلاح) ف إيد مروان مخبيه وراه
منار مرت عاصم لي شافت الدم ف كم سوريته ليلتها ووقت سألاته تلبك وخش بعضه
وأريج لي تشوف ف حنان مرت بوها كل ليله تطلع بدرقه مخبيه وجهها وترد ف اخر الليل وملامح وجهها ادل ع انها نااويه ع شي كبيير
وكوثر لي انصدمت من رائد وقت خبراته بموت جده واستقبل الخبر بكل برود وكأنه كان عاارف
وريهام لي مستغربه كُره زوجها لجدها ادريس
ومروان لي سمع اتصال أريج ليلتها وكلامها وكانت صدمه بالنسبه ليه لان فركست العرس بكبرهااا كانت هي وراه
وأكثثثثر من هكي🔥🔥🔥
كل حد داس ع تاني وساكت لان خوفه كبيير لو نطق بكلمه يمكن يصير فيه شي
بس مش حتصدقوني لو قتلكم سنااء لي تخدم ف القصر عاارفه بكل شي🔥
بكل شي صغير يصير ف القصر
وبرضو تعرف من يكون القاتل 🔥🔥
وتعرف كل حد ف القصر ع شن يخطط وع شن ناوي
بس محافظه ع سكوتها ومش قادره تتفوه بكلمه
لان لو نطقت بحرف يمكن يكون مصيرها الموت!
ليله عرس ثريه زي ماقلنا الكل كانو منتظرينه عشاان ينداار يلي مخططينله ليهم سنين
اشياء ف بال كل حد ف هالقصر تووصل للقتل!!
