اسرتني ملتزمة

الفصل الرابع

اسيل : حاسب يا يامان 

التفت يامان بدهشة : ايهم 

اسيل : انت لسه هتتفرج اضربه اعمل اي حاجه 

ثم صمتت لبرهة وقالت :ايه ده انت قلت ايهم انت قصدك ايهم اللي هو ايهم 

ايهم : اه قصده ايهم اللي هو ايهم 

نظر يامان لايهم وقال : ايه يا بني انت عرفت مكانا ازاي 

ايهم بتوتر : عادي اصل احم ..بص ...احم....هو الموضوع مش زي ما فاكر ....امممممم

يامان وهوعلي وشك الغضب : اه مدام قلت مش زي ما فاكر يبقي عامل حاجه عامل ايه بقي عشان عرفت مكاني انا قلت هلبس واطلع ع البيت بعدينا بكام شارع اي اللي جابك هنا 

ايهم ببسمة غبيه : مفيش هو بس انا نزلت برنامج علي تليفونك من غير ما تعرف عشان يتعقبك كنت فاكرك رايح في المرة ديه تقابل مزة فقررت وعزمت نفذت بس واستخدمته دلوقتي عشان اوصلك 

صمت ايهم ثم نظر هو واسيل الي يامان وجدوه يشتعل غضبا 

يامان بصوت جهوري : انت قلت ايه انت بتراقبني انا تصدق انك عيل *****

ايهم وهو يكتم فمه بسرعه قبل ان يكمل : يخربيتك معانا بنات معانا بنات 

انتبه يامان لاسيل التي تشاهدهم في صمت 

يامان بغضب : يعني انت تطلعني عن شعوري وعايزني اسكت انت والله ما بني ادم انت ملكش اصل حتي انت فصيلة من الحمير علي الجماويس طلعلنا ايهم فعلا اسم علي مسمي 

ثم نظر لاسيل وقد عاد لهدوئه : يلا يا بنتي عشان نروح البيت عندي 

اسيل بعفوية : طب مش هتعرفني علي ايهم الاول 

ايهم وهو يبعد يامان بيده : يا بني يا بني سيب الناس عاوزه تعرفني وانت كده دايما قاطع رزقي وواكل عيشي 

اسيل بطفوليه : ازيك انا اسيل 

ومدت له يدها 

ايهم : لا لا لا نسلم ايه بس عيب الكلام ده تعالي فحضن اخوك افواز 

كادت تقترب اسيل لتحتضنه الا ان يامان امسكها ومنعها 

يامان : ايه ايه حيلك حيلك كده انتي دايسة فاي حاجه طب يا شيخه ده من شوية كنتي عاملة فيها خضرة الشريفة وانا قالع التيشرت تقومي تسيبيني وتروحي تحضني ايهم مش لاقيه غير البغل ده ده سافل درجه اولي  

اسيل ببرائه : هو ده اللي انت بتقول عليه ما اترباش وانت بس اللي اتربيت 

يامان بتاكيد : ايوة هو بعينه 

ايهم بصدمه مصطنعه :صدمتني فيك يا اخويا هو ده اخرت الكفته الحمضانه والكشري ابو طماطم ضاربة اللي اكلتهملك مطمرش فيك رايح تسوء سمعتي قدام خلق الله كده 

شعرت اسيل بدوار غريب وكادت تسقط ولكن تمالكت نفسها 

اسيل بتعب تحاول اخفائه : ممكن يلا لحسن انا مستريحتش خالص وعاوزة انام 

ايهم بمرح وهو يفسح لها الطريق : تعالي يا اختي اتفضلي ده احنا هنريحوكي 

نزلت اسيل وكاد ايهم ينزل خلفها ولكن وجد يد يامان تمنعه ونزل خلفها نظر له ايهم بدهشه ثم لحق به ركب ايهم السيارة وكادت اسيل تجلس بجانبه ولكن امرها يامان ان تجلس في المقعد الخلفي لكن اسيل اسيل لم تكن معه تماما حيث كانت مدهوشة بمنظر الناس والشارع والسيارة وكل شئ

افاقت علي قول ايهم بغمزة : الجميل سرحان في ايه 

انتبه يامان لاسيل علي حديث ايهم وجدتها كانت شاردة في الناس 

يامان مبتسما : هه يا ستي الناس والخلق عجبوكي ولا مش قد المقام 

ابتسمت اسيل اليه وتحدثت وهي تشير لشئ : هو ايه ده 

ايهم وهو ينظر حيث تشير : باه سيبتي ده كله ومسكتي في التسجيل طب استني اما اسمعك حاجه يا ستي 

شغل ايهم مشغل الصوت ومرة واحده صدحت اغنية ( انتي معلمه )

وقبل ان تكتمل ضغط ايهم بسرعه علي المشغل كي يغير الاغنيه تحت نظرات يامان المشتعلة بالغضب واسيل التي لا تفهم شئ وهو يضحك فقط وبشدة 

ايهم مسرعا : ينهار اسود ايه ده افصل افصل هايكلني هايكلني 

ثم ظهرت اغنية (ياعم يا صياد رميت شباكك )وفور ظهور الاغنية بقي ايهم يردد وفجاه وجد من يفصل المشغل ولم يكن سوي يامان الذي ظهرت عروقه وقد انفعل 

يامان بغضب : ايه القرف ده ده منظر مهندس محترم ده انت كانك قاعد في كباريه وكمان مش مراعي ان في بنت عمرها ما سمعت ولا عرفت اي حاجه هو انا مش قلتلك يا حيوان مليون مرة ما تسمعش الزفت ده 

وفجاه انتبه يامان ان باب السيارة الخلفي مفتوح واسيل ليست موجودة انتفض مرة واحده 

يامان بفزع : اسيل اسيل هي راحت فين 

ايهم بخضة : ايه يعني ايه يعني راحت فين بسرعة ننزل ندور عليها قبل ما تبعد 

نزل كلا من يامان وايهم للبحث عن اسيل 

ايهم وهو يجري : بص انت روح الناحية ديه وانا هروح الناحية التانيه ولو حد لقاها يتصل بالتاني بسرعه 

يامان بخوف : تمام تمام ونتقابل عند العربية تاني ماشي 

ايهم : ماشي بسرعة 

كان يامان يجري بسرعه كمن فقد امه وكانت العبرات تتساقط من عينيه دون ان يلاحظ 

بينما ايهم كان يبحث عنها وهو يخاف فقدانها مع انه لايعرفها كثيرا ولكنه تذكر يوم ضياع اخته كذلك واكن يعلم كم هي مهمة ايضاً عند يامان وفجأه توقف ايهم عن الحركة وصدم مما يري امامه وجري مهرولا ناحية ...؟

                                                                           #بقلمي:عاشقة الفردوس