💞💎ياقوت💎💞 ( مكتملة )

الجزء 23

                                   🌛 رمضان كريم 🌜

                                  💞 💎 ياقوت 💎 💞
                                         
أصبحنا وأصبح الملك لله فاق كلشي لي مع النبوري بدات ياقوت ومينة لي كانت ف أبهى حلة لابسة قفطان جوهرة بالاخضر مخيط بالراندة شعرها طالقاه والماكياج والروايح والذهوبات اما ياقوت كانت لابسة بيجامة سخونة سروال مخطط بالاسود والبلون كاسي مع تريكو بالبلون كاسي فيه رسومات بالاسود سخانين جامعة شعرها الفوق ولابسة طابلية اما إبراهيم كان لابس كيطما باقي جديدة وأسامة ورضا وحسام كلهم بكيطمات سخونين ديال الدار ريحة شامبوان والروايح كتشميها من الدخلة دالمدينة والطابلة الفطور كانت بحال شي لوحة ها اتاي ها القهوة ها العاصير ها الحلويات ها المملحات ها المكسرات الضياع وخلاص
سمعو صوت الطموبيل وقفات لتحت مشا طل إبراهيم من الخامية بالتخبية بانت ليه هابطة هي وخديجة من بعد ما حل ليهم الشيفور الباب هبط كيجري باش يحل ليها الباب قبل ما تغسلو فمغاسل اليهود وتعاودو فديال النصارى عاد مشات مينة طل عليها كانت لابسة جلابة 2 بييس لتحت كان قفطان جوهرة بالأبيض والذهبي وفوق منو جلابة حبة حبة سخونة فالابيض نيت لابسة معاهم بوط دومي طالون فالبيج مع صاك فنفس اللون وكاب على كتافها باين غالي بنفس اللون حتى كلها كتبرق بذهوبات شعرها الكاري مخلطين فيه الألوان الأسود والgري جات حداها خديجة لي كانت لابسة كسوة سخونة بالgري ما فايتاش الركبة مع بوط طالع حتى لركابيها فالاسود طاقية وكاشكول وهازا فيديها مونطو كلشي بالgرونة وصاك ادو بالسود على ظهرها شعرها الاشقر مطلوق على طولتو وبوكلي من لتحت كانت عندها طاي مقادة حتى حاجة ما داخلة وحتى حاجة ما خارجة كتبان كبيرة شوية على 18 سنة حتى هي لابسة اكسسوارات ذهبية تلائم عمرها
وصل عندهم إبراهيم حل الباب خدا من عند الشيفور الشانطات كانو 2 موايين سلم على عمتو وعلى خديجة عادي بحال ايلا ماشي بنتو هادشي مشروط عليهم طبعا من طرف زهرة هز هو الشانطات وهي شدات ف خديجة طلعو فالدروج وصلو للدار استقبلاتها مينة بالحليب والتمر والعطر فالمرشة سلمات عليها سلام ناقص زهرة وسلمت على ياقوت عادي ودازت للوليدات تعنق هادا وتبوس هادا اما خديجة ما سلمات على حتى واحد دخلات نيشان حيدات صباطها وجلسات
مينة بقات كتشوف فيها دايرة بحال شي منيكة اما ياقوت ما عرفات واش تحسدها ولا تفرح ليها حيت ما عايشاش هنا معاهم مشات جلسات مينة حداهم
ح.زهرة: شكون يسربينا كون يصحاب ليا نجيب خداماتي معايا
مينة قلبات عينيها مكرهة وإبراهيم بدأ كيتبسم ل عمتو وقال:مينة عيطي على ياقوت اش كدير بالسلامة
مينة: كترض الغداء بالحق واخا ياقوووووت ا ياقوووت سربيني
جات ياقوت عندهم بطابليتها كتسربي زهرة وخديجة وحتى مينة وإبراهيم عجبهم الدور
خديجة مرة مرة تهز عينيها ف ياقوت وخوتها وواليديها كتلقا غير عينين ياقوت لي عليها وكيشوفو فيها بحنان وكتعاود دور وجهها كملو فطورهم جمعات ياقوت الروينة ومشات تكمل الغداء لي كان عبارة على صالاض بالخضروات وبصطيلة بالحوت ريحتها عاطية فالدار كاملة صيبات وحدة كبيرة ووحدة صغيرة ل رأسها حيت أمها دبا مامسالياش

           💞💎💞💎💞💎💞💎💞💎💞💎💞💎💞
يخ يخ على بنادم