🌛 شمس الغريب 🌜
💞 💎 ياقوت 💎 💞
فأوج عصبيتها قرب منها وخطف منها قبلتها الأولى خلاها مصدومة بل جهلها وطلع ليها الgناوية: الله ياااخد فيك الحق أنا كنت عمري غادي نخلي شي حد يقرب مني ولا يبوسني من غير راجلي ااا المجرم تفووو عليك
قرب منها وزادها وحدة أخرى أقوى من الأولى: هادي عقوبة ليك حيت خليتي داك ال**** يقيس فيك قبل مني
غوتات ليه وسط وجهه: انت شكوووونك انت شكون
ضحك عاجبه هاد اللعب معها رغم جديته: ايوة بما أنني أول واحد نال هاد الشرف إذن أنا هو داك راجلك لي كتسناي
هزات صبعها: راجلي أنا خاص يكون بحالي عنده العذرية دياله ولا بلاش نبقا أنا صاينة راسي لواحد خدا من كل فن طرب مستحيييل
طيراته بحماقها؛ شكون قاليك ديك الهضرة لي قريتي عليا حقيقية كان كيصحاب ليا نتي ذكية بزاف ساعة كنت غالط على ما أظن
جمعات حواجبها وبفضول قاتل: كيفاش زعمااا ماشي بصح
حرك راسه: طبعا ماشي بصح فخارج المغرب وحتى داخله كاين واحد الصحافة ما عندهاش نزاهة فالعمل وغير بشوية ديال التضويرة يعطيوك حق أنك انت لي تكتب المقال كاع
بدات كتفهم: يعني إشاعات هادوك يعني المنافسين ديالك لي كانو كيديرو هاكاك (حرك ليها راسه) وعلاش عمرك خرجتي بتكذيب
شاف فيها بهدوء: إلى مشيتي قلبتي على الصحيفات لي كانو كينزلو مثل هاد الأخبار واش باقيين وايمتا تسدو وعلاش تسدو وحتى ديك العارضة ولا ديك ملكة الجمال لي قلتي فينهم دبا غادي تفهمي كلشي
بلا عجز جبدات تيلي ديالها وبدات دير البحوث: كيفاش واش انت تابعتيهم قانونيا حتى تسدو ودوك جوجات وحتى داك لي قايلين عليه صاحبك كذوب وكلشي نال العقوبة السجنية وتجرد من الخدمة دياله
ضحك على ملامحها: تماما كنظن دبا ما بقا عندك حتى مشكل باش ترفضي علاقتنا
ضحكات بانتصار وتكات على المقعد نفخات صدرها وتبندرات وهزات خنافرها للسماء: اييوة حتى نفكر
******* ****** ******** ******* ****** ****
وصلو لواحد الحديقة قريبة من دار عثمان وحتى ديال ناهدة لأنهم جيران تقريبا كانت غير هي والممرضة وإحدى المساعدات كتخرج تونس الممرضة وتدي وتجيب معها فالهضرة حيت سكينة (الأم) كاينة غير الكسدة
قرب عثمان والقى السلام وتحنى على ركابيه: الواليدة (باس يديها) الحبيبة ديالي شفتي نتي من ديما كنتي كتحلمي تكون عندك بنية (بانت لمعة فعينيها وسداتهم) ايوة شوفي أنا جبت ليك واحد البنيتة تعرفي عليها
قربات ناهدة بابتسامة عريضة وترمات فحضن سكينة معنقاها واخا عارفاها ما غاديش تبادلها العناق وسلمات حتى على البنات وبعدات كتشوف فيها وتبتاسم ومدات يديها تصايب ليها الفولار وتقيس فيها من هنا ومن لهيه
وقفات هازة كتافها بطفولية: ماماك زوييينة بزااااف (نزلات ثاني حتى باست خدها) وريحتها زوينة ولا بوو ديالها رطبة بحال ديال لي بيبي
جرها عثمان كيضحك: اا بعدي ليا من الواليدة غادي تصرطيها ليا (شاف فماماه) الواليدة هادي ناهدة دعي معها راه عندها الباك هاد العام ومع جميع الناس لي مقبلين على الإمتحانات
تبسمات ليها حركات ليها رموشها وناهدة هبطات على ركابيها وشدات يدين سكينة بين يديها: خالتي نتي زوينة وأنا غادي نعاود نرجع لعندك (قربات ليها زعما باش ما يسمعهم حتى واحد) حتى ما يكونش عثمان باش نبقا غير أنا وياك واخا
عثمان: يالاه نوصلكم حتى نتوما عاد نديو هاد البعلوكة لدارهم قبل الوقت لي قالت ليها ماماها
أنت تقرأ
💞💎ياقوت💎💞 ( مكتملة )
Romanceالسلام عليكم ورحمة الله وبركاته البنات لباس عليكم أولا وقبل كل شيء 🌛🌛رمضان مبارك كريم يدخل عليكم بالصحة والسلامة انشاء الله والثوبة والمغفرة يا رب🌜🌜 رجعت ليكم من بعد قصة 🌹بيان النصر🌹 لي عشنا فيها مجموعين أحداث شيقة مثيرة وواقعية قصة لي تعرفت ف...
