💞💎ياقوت💎💞 ( مكتملة )

الجزء 26

                                   🌛 رمضان كريم 🌜

                                 💞 💎 ياقوت 💎 💞
                                        
ناضت فتحات لقات خديجة غير حلات الباب دخلات لوخرة بالزربة وسدات الباب لا يشوفها شي حد وفعلا شافها حسام ملي دخلات ياقوت بقات كتشوف فيها مصدومة تداركات الموقف خافت لا يلقاوها عندها: غادي يخصك تخرجي من هنا قبل لا يقلبو عليك
خديجة ما تصوقاتش ليها شحال هادي كانت كتبغي دخل عندها للبيت وكتلقا المنع من كلشي اليوم من بعد ما كلشي دخل يدير القيلولة فبيتو تسللت وجات عندها ضورات عينيها على البيت كان بحال شي منزل وسط منزل فيه كل ما يجي على البال نطقات متحصرة على الوضع
خديجة: واش نتي كتعيشي فهاد البيت من أيمتا ونتي هاكا كا يعاملوك بحال شي خدامة ونتي ساكتة
ياقوت اول مرة تجرب هاد الجرح من هاد النوع جربت الكره من طرف أسامة ورضا ولكن فور ما كيشوفوها كتاكل العصا كتبقى فيهم ولكن هاد المرة كتجرب من طرف ختها جرح الاحتقار والتقليل منها
ياقوت بصمود: من نهار عقلت على راسي
خديجة: عرفتي شنو بصح يمكن كيما قال إبراهيم نتي تزاديتي نيت مصخوطة الحمد لله لي ما بقيتش فهاد الدار كون بقيت ما غاديش نلقا أخت قوية دافع عليا حيت نتي براسك ما قاداش تمردي باش تاخدي حقك شوفي حالتك كي دايرة يالاه عندك الباك اشنو كيصحاب ليك الباك شي حاجة حيت جبتيه ب mention صافي راك واعرة الباك راه والو نتي وحدة ضعيفة كنت ديما كنقول كون غير خلاتني ماما زهرة مع عائلتي ولكن لا مزيان ملي ما خلاتنيش مع أم أمية واب طماع واخت ضعيفة الشخصية ودراري قباح كنت نكون ليهم بحال المربية
ياقوت بقات كتشوف فيها كيفاش غايخصها تهضم هضرت أختها لي نصها ما كاينش بغات تقوليها انا راني كملت قرايتي ولكن غادي تقولها ل زهرة وهاد الاخيرة غاتقولها ل والديها وغادي ضيع فعامها الأخير فضلات الصمت
خديجة: كنت متوقعاك غادي تسكتي حيت هاكا ولفتي بحال الكلبة ما عليك غير السمع والطاعة شوفي حالتك شوفي فيها مزيان(قربات منها كتقيس شعرها ووجهها) نتي زوينة ولكن الزين فهاد الوقت ما نافعش بوحدو شفتي حتى العاهرات ايلا ما كانتش عندهم شخصية قوية ما كايطلعوش النهار نتي كيقولو عليك ق*** ولكن انا عارفاك ماشي هاكاك ماشي حيت تايقة فيك تو تو تو ولكن حيت صعيبة عليك
ياقوت دموعها طاحو من لداخل بكاو جوارحها فقط اما كتشوف فيها بلا مترمش بحال ايلا هي جندي كيسمع خطاب الشاف ديالو اما برا راه نايضة قربالة زهرة فاقت ومالقاتش حداها بنتها نوضاتهم كلهم كتغوت وتجدب حتى من ياقوت وخديجة سمعوها
خديجة بدأت كتمشي وتجي بلاصتها: شنو غادي ندير غادي تقلق مني ايلا عرفتني عندك
ياقوت: شافك شي حد
خديجة حركات رأسها بلا وجات حدا ياقوت تكاو ودنيهم على الباب يحاولو يسمعو
ح.زهرة: علاش ما شافها حتى واحد كيفاش مال بنتي برا أجي ما غاتقلبوش بيت بنتكم
مينة: اش غادير عند ياقوت
إبراهيم شاف فيها بغيض: ايلا لقيتها عندها ما تلوم غير رأسها ونتي معاها
حسام حاني راسو: انا شفتها فين مشات
كلشي مشا عندو كيجري زهرة جالسة نعطيك الفلوس نعطيك الشوكولا
خديجة: نتي ما فهامتش عاجزة حتى تخلي خوتك يبغيوك بصح نتي وحدة قليلة النفع ايلا قال ليهم شافني هنا انا غادي ندير راسي غير سخفانة زهرة غادير ليا بحال الماء القليل اما نتي غادي يقتلوك وصدقيني غا نكون فرحانة وانا كشوفك كتاكليها

برا عند حسام: انا شفتها مشات للباب حلاتو وخرجات ما هرفتش واش هي طلعات للسطاح ولا هبطات لتحت
غير كمل كلامو تقسمو شي هبط شي طلع أسامة ورضا مشاو يكملو لعبهم وهو جا يدق على ياقوت غير حلات ليه الباب حسام شاف ف خديجة بنظرة مامفهوماش وعنق ياقوت من رجليها هبطات بادلاتو العناق
حسام: قوليها تمشي هي بغاتهم يضربوك هي قبيحة
ياقوت: صافي تهدن ا حبيبي وسير لبيتك نتا باش ما تشوفكش ماماك
خديجة ما تحملاتش تشوف عناقهم خرجات نيشان للبيت هزات تيلي بدأت تصوني على زهرة اما حسام مشا لبيت عند خوتو وجلس معاهم عادي ياقوت سدات بيتها وجلسات بكات مزيان كون بقات خديجة كانت غادي تزيد فنضالها على قبل ختها ختها لي كتكرهها والسبب حتى هو مجهول غير مضرقاه بديك نتي ضعيفة الشخصية زهرة جات تتجري عند بنتها ومن وراها مينة سدات عليها زهرة الباب ملي دخلات للبيت
ح.زهرة: حبيبتي مالكي اش وقع فين مشيتي
خديجة: ماما انا خاصني نمشي من هنا انا تخنقت هاد العائلة كتعصبني
ح.زهرة: بنتي عاد جينا صباح كيفاش نرجعو
خديجة عارفة نقطة ضعف زهرة هي تكثر عليها من ماما لي تحرمات منها وتبدي كرهها ل عائلتها الحقيقية: ماما الله يخليك ا ماما انا تخنقت مع هاد الناس كننكرههم
زهرة تخلعات هاد المرة بصح حيت خديجة تقنات التمثيل ضغيا بدأت كتجمع فالحوايج اما مينة كتمشي وتجي قدام البيت وتيلي فيديها من بعد ما صونات على إبراهيم لي حتى هو طلع كيسولها بعينيه زعما مالك اش كاين مع ما شرحات ليه والو ف تيلي ملي هضرات معاه حتى خرجات زهرة بجلابة غير لي جات بيها وخديجة حتى هي لبسات احسن ما عندها من لي جابت غير باش ترضي نفسها بغات تبين ليهم بلي هي عايشة احسن عيشة خرجات جارا لا فاليز من وراء زهرة لي كتقاد ففولارها والكاب
إبراهيم تصدم: الله ا عمتي عاد جيتي صباح فين غادية الحاجة لي تخصر خاطرك ما كاينة
ح.زهرة: شوف ما درتي ليا والو ولكن بنتي ما مرتاحاش ما ولفاتش هنا
إبراهيم قرب بغا يقيسها: علاش ا بنتي شكون خصر خاطرك
خديجة: ما تقيصش فيا(بعدات منو مشمازة)
اما زهرة يالاه بغات ضورها فيه ساعة عجباتها ردة فعل خديجة وخصوصا ملي جات ترمات فالحضن ديالها قدامهم إبراهيم ماشي هادشي لي كان باغيها تقرب منهم باش ملي تورث زهرة تجي عندهم اما مينة غير مصدومة كتشوف ومتقدرش تهضر شنو غاتقول

                💞💎💞💎💞💎💞💎💞💎💞💎💞
ايوة اش غادي نقوليك خلي البنات يقولو