💞💎ياقوت💎💞 ( مكتملة )

الجزء 27 :

                                   🌛 رمضان كريم 🌜

                                 💞 💎 ياقوت 💎 💞
                                        

إبراهيم: واخا ا عمتي واخا(كيحاول يكالمي راسو)جلسي تسناي غير شيفور ديالك يجي غاتسناي فالزنقة وشتاء خيط من السماء
ح.زهرة:(معنقا عندها خديجة) انا عيطت عليه هو اصلا ما مشاش باقي غير هنا شوية يوصل (هما كيهضرو سمعات الكلاكسون ديال طوموبيل عرفاتو وصل)يالاه ها هو وصل زيد هز لينا هاد الباغاج
هبطو(جبدات من صاكها 500 درهم مداتهم ليه قدام بنتو)هاك هادو بعدا شد شد يالله يالله تكافا مع هاد الباطل لي لحتي على راسك
مينة عرفاتها كتهضر عليها: الله يعاونك الآلة زهرة تهلاي ليا فبنتي
بلعاني حتى هي قالتها ليها فقصاتها وخديجة كتشوف فيها كيفاش كيتعايرو بيها بصح داكشي لي دارت لياقوت ردوه ليها بهاد الاعتبار لي ماكيعطيوهاش خلاتهم وهبطات كتجري لتحت تبعاتها زهرة وعينيها على مينة لي ردات واخا غير شوية اما إبراهيم بدأ كيهبط فلي فاليز وكيتحلف على مينة غير بعينيه وصلهم لتحت توادع معاهم زادت طوموبيل قدام عينيه قلب الفلوس بانت ليه 500 درهم وطلع مكره مع حل الباب لقاها قدامو كتمشي وتجي طار على شعرها نيشان كيخبط فينما جات وهي كتحاول ضرق وجهها خرجو وليداتها كيطالو ملي سمعو الغوات ياقوت عيات تحبس رأسها باش ماتخرجش حيت عارفة اش غايوقع فالاخير ولكن فالاخير تغلب قلبها على عقلها وخرجات بانو ليها خوتها مشات ليهم هما لولين
ياقوت: أسامة رضا حسام اجييو معايا
كتجر فيهم وهما رضا عينيه مغرغرين اما حسام كيبكي ساكت أسامة هاداك حالو حال كيشوف فداك المنظر لي اعتاد عليه وعينيه مركزين فنقطة وحدة وكأنه كيتلذذ بعذاب أمه دخلاتهم للبيت
ياقوت" هانتوما حاولو تقراو هاد القصة وملي نجي لي عطاني تلخيص مزيان ديال القصة لي قرأ عندي ليه جائزة
(هي ديما كتحاول تشتت تركيزهم وفعلا كيستاجبو ليها كل مرة يمكن حيت كيلقاو راحتهم بهاد الفكرة واخا الغوات كيخربقهم خلاتهم وخرجات تشوف صطاج صعيب) لقاتو شادها من شعرها مرجعو لور وكيصرفق فيها
ياقوت: بابا صافي الله يخليك باركة شوف كيف درتي ليها
إبراهيم: انا ماشي بااااك(دفل عليها)بزاف عليك نكون باك سمعتي ا لموسخة(جرها من شعرها)غاتمشي ولا نخلط أصل مك معاها
مامشاتش بقات حتى شدها سلخها هي وياها ولكن مينة بزاف هلكها ملي سالا مشا للبيت هز شي لبسات فواحد صاك صغير وخرج خلاهم تما بحال الهيضورات غير خرج ناضت ياقوت عاونات أمها حتى وقفات داتها لبيتها غير وصلات للباب
مينة دفعات ياقوت بجهد لي عطاها الله حتى جات على قزيبتها: نتي سباب هادشي كولو الله يعطيك شي مصيبة لي تهنيني منك الله يعطيك العذاب اهءهءهءهءهءهء

    مشات ياقوت من بعد ما وصلاتها لبيتها هي كانت عارفة بلي هادشي لي غايوقع فالاخير رجعات لبيتها هزات العدس رضاتو يطيب ورجعات لي بوليكوب ديالها تحفظ وتبقشش فالانترنيت حتى طاب العدس طفات عليه خرجات من البيت مشات لبيت خوتها دخلات لقاتهم ناعسين كيبقاو فيها نفسيتهم غادي تدمر مشات لقات كل واحد مصايب ملخص للقصة حطات لكل واحد شوكولاته فوق من ورقته ورسمات فيهم قلب وخرجات تاني للكوزينة غسلات الماعن لي لقات ووجدات gراطان بالبطاطا والكفتة وعصير ديال الليمون خدات قريعة صغيرة دارت فيها gيمة كأس ديال العصير وخرجات لبيتها ثاني
هزات حوايجها مشات دوش دبا احسن من صباح فركات رأسها مزيان حيت عارفة مينة دبا ما غاتسوقش ليها وفعلا مينة لي كانت خدات دوش وبقات كداوي فدوك الضرابي لي بقاو فلحمها لبسات بيجامة طويلة هاد المرة ودارت زيف حياتي ني ماكياج ني والو(الحداد راه غير حيت عرفاتو غادي يغيب شي يامات حيت هز شراوطو يصحابكم دارت النفس)من بعد ما كملات خرجات من البيت مشات للكوزينة بانت ليها نقية وريحة الgراتان فايحة طلات عليه بان ليها العصير فوق البوطاجي حيت اصلا البرد مشات للبيت لقات ولادها ناعسين بلا وقت غير دخلات فاق أسامة جات كتشوف هي دوك الوراق لي كتلقا ديما فوق منهم شي حاجة فكل مرة كتاكل العصا من عند إبراهيم ولكن للأسف ما كتعرف اش داكشي لي عارفة بلي ياقوت هي لي كتخلي داكشي جات بغات تحيد داك شوكولا من تما
أسامة: واش حماقيتي علاش غادي ترميهم(بدأ يغوت حتى فاقو خوتو)حيت هي لي عطاتهم لينا انا اا اانا ما عرفتش علاش خليتونا نكرهوها اااااه كنكرهها ولكن ما عارفش علاش كنحس براسي غادي نحماق اناااا مكنحملهاش يييه ولكن ملي كنقلب علاش كنلقا بلي هي كتصرف معانا مزيان كتعامل بحال كيما كتعامل هند خت صاحبي ريان معاه وكما كتعامل فوزية لووطفي ولااا احسن gاااع(الولد بدأ كيبكي بحال شي حمق بطريقة غير عادية)
رضا كيشوف فيه كيفاش كيبكي: اااه ا ماما ختي ياقوت ضريفة
مينة غوتات تا عينيها خرجو: ماشي ختكم هي السبب فكلشي كنا غادي نكونو مزيانين هي السبب(بقات كتورك على كل حرف)ودبا قدامي للطابلة باش تعشاو وتجيو تنعسو
جراتهم قدامها جلسو غير حيت خايفين منها حيت ولاو كيخافو بسبب الأحداث لي كطرا فدارهم جلسو كياكلو بلا شهية واخا راه داك الgراتان بنين ولكن فين الشهية اما مينة راه كتاكل عادي بالنسبة ليها راه كياكلو ادن راه نساو صافي راه غير وليدات مكيفهموش

                   💞💎💞💎💞💎💞💎💞💎

مساكن الوليدات 😢😢 كيقطعو القلب