💞💎ياقوت💎💞 ( مكتملة )

الجزء 64

                                   🌛 شمس الغريب 🌜

                                  💞 💎 ياقوت 💎 💞 
                                        

فالليل هاد المرة وصلو عائلة مصعب بملابس تقليدية باهية حضارية بتحميرة الوجه جايين ومكونين من مصعب زين العرسان والأم والأخ دياله وزايد عليهم رفيق دربه سيدي هلال زين السمية مع خال مصعب الكبير محملين حتى هما بهدايا قيمة تليق بلالة العروسة ديالهم شروق زينة البنات لي غادي ضوي دارهم
وعائلة الرايس كانو فالباب فأحسن حلة حتى هما مستقبليهم بالعطور والحليب والتمر وزغارت الدادا ديالهم ماليين المكان رافقوهم للصالون البلدي المغربي قابلين الهدايا ديال تكبيرة الوجه لي جايبين وفرحانين بحضورهم وبدخول عائلة رمزي مرة أخرى لعند عائلة الرايس والكل فرحان برجوع العلاقة ديال زمان
مريم بفراشة بلدية جات مع سنها: مرحبا مرحبا بختي وصاحبتي سكينة
سكينة بفرحة: اييه اا ختي وقريبا نساااب اا ختي
الكل: انشاء الله
عثمان باغي يشوف ناهدة وحيت ما عندوش الحق اش قاليه راسه: ايوة اا خالتي مريم ما غاديش نشوفو نااهدة (تدارك نفسه) ااه بغيت نقول لالة شروق العروسة ديالنا
صغرات فيه مريم عينيها: اييه اا وليدي نعيطو على ناهدة (ضربات جبهتها) بغيت نقول شروق تهبط
ضحك عليه الكل زعما راه عايقين بيك غير برد على راسك اا سي عثمان أما مصعب داكشي لي كان الصراحة باغي تهبط لالة شروق خاطفة قلبو ولي غادي تخط ليه العقل وتخليه بحال الهبيل نادت عليها إحدى المساعدات وهبطوها ثاني بالصلاة والسلام وحيت حتى شي حد ما كيعرف يزغرت كانت كتولى زمام الأمور وهادي هي شروق تحفة وما منهاش جوج
جلساتها ياقوت جنب سكينة ومصعب وباركات ليهم من بعدما سلمو وجلسات بدورها جنب هلال أما خديجة مشات فالدخلة ديال الصالون وجلسات تما كتراقب بابتسامة وتشوف تصرفات الناس العادية صعيب يكونو الناس عارفينك ماشي طبيعي والاصعب أنه تكون عارف راسك ماشي طبيعي وهذا حال خديجة أما عثمان لالة ناهدة سول عليها وهي حلفات لا بانت ليه مشات للكوزينة كتنقب قتلها جوع والخلعة تقول هي لي جايين فيها الخطاب ماشي شروق
مدة عاد تمات داخلة إلى كان محمد الرايس كيقول ليها فراشتي راه ما كدبش ناهدة هي الفراشة ديال الدار ما كتجلسش وخالقة جو زوين فالدار سلمات على كلشي والكل كيمدح جمالها وأناقتها إلا هو مسكين لي ضرباته الساكتة المسكوتة كيشوف فالحلوى قدامه وما قادش يمد يديه ليها ولا يقول ليها شي حاجة وحتى هي عاطياه النخال مخلياه يتقلى وملي كتحس براسها غادي ضعاف كتنوض تمشي برا الصالون وفواحد القنت كتجلس تبرد شوقها منه بالشوف واخا ما كيبر الجوف
وقفات عليها مريم وياقوت هازين ضيافة" اااش كديري اااا المشة هنا
قفزات ناهدة وياقوت ميتة بالضحك: احممم والو اا ماما غير جالسة كنت زعما بغيت نطلع نحفظ شوية
تبسمات ليها مريم: لا سيري جيبي كتوبك هنا وجلسي تحفظي (جمعات الضحكة فالبلاصة) ياا زيدي دخلي خليه حتى هو يشوف لاش كتشوفي فيه فالقنات ماشي عدل هذا هممم
جات خديجة من وراهم: حشووومة ااا صاااحبتي ماماك قاااااضية قد الدنيا ونتي ما كتحتارميش القانون ديال الغرام والحب
دخلو وخلاوها حشمانة حتى عيات وهي دخل لعندهم وجلسات هاد المرة مقابلة معاه ولي ليها ليها خايفة لا يدير ليها شي حركة لي تخليها تنسى كاع لي حفظت وتسقط فالامتحان وفعلا ملي جلسات وهو كيدير فيها شوفات ديال غانشدك غانمحنك بقات مطمرة وكتشوف فأختها وكتخايل راسها غادي تكون بلاصتها حتى هي ملي يجي عثمان يخطبها حتى هي