رواية ساغيرك رغما عنك.. (الجزء الاول).( مكتملة)..بقلمي/ملاك أسد .. ❤❤

الحلقة الخامسة

افاق نادر من شروده علي صوت رنين هاتفه
نادر بعد ان افاق من شروده : الو
امنيه ( والده نادر ) : الحقني يا ناااادر ابوووك بيمووووت
نادر وقد سمع هذه الكلمات التي ترددت في اذنه كأنها حبل غليظ يلتف حول عنقه اصبح كالذي القم حجرا ولم يعد قادرا علي الكلام اغلق الخط ثم دلف الي سيارته واتجه بها مسرعا نحو منزله اصبح كالذي يخوض سباقا من اجل رؤيه والده وعندما وصل للفيلا اسرع متجها نحو الباب ثم دلف الي الداخل
نادر بصوت جهوري يمتذج بنبره من القلق : يا صبااح صباااح فين ابويا هو جوا
صباح ببكاء : ايوا ايوا يا نادر بيه والد حضرتك نقلوه علي المستشفي من شويه
نادر بصوت عالي نسبيا : مستشفي ايه
صباح : مستشفي .....
لم تكمل حديثها واذ به يذهب الي سيارته وقاد بسرعه جنونيه الي ان وصل الي المشفي
ف الاستقبال
نادر بقلق : لو سمحتي في مريض اتنقل من شويه اسمه فوزي الدمنهوري
السكرتيره : ثانيه واحده يا فندم هتأكد لحضرتك ...
بعد بضعه ثوان.....
السكرتيره : ايوا يا فندم هو اتنقل علي العنايه المركزه قبل شويه
نادر بعصبيه : وفين العنايه الزفت دي
السكرتيره باستغراب : الدور الثاني اخر اوضه ف الممر
اخذ يسرع الي الطابق الثاني وهو يأمل ان يكون والده بخير ولم يصبه مكروه فقد كان يشعر انه السبب في حاله والده ولكن لا يعترف المغرور بخطئه سريعا
وما هو الا وقت ليس بطويل واذ به يلمح والدته جالسه في احد الاستراحات تبكي واضعه وجهها بين كفيها فأسرع نحوها و ...
نادر بلهفه : امي هو ايه اللي حصل بابا عامل ايه
امنيه وقد وجهت ناظريها نحوه : كل ده منك انت اللي وصلته للمرحله دي
نادر : سيبك مني دلوقتي وبالله عليكي ممكن تقوليلي بس ايه اللي حصل انها هموت من الخوف عليه
امنيه : بعد لما انت مشيت من الفيلا
فلاش بااك
فوزي : منك لله يا امنيه كل ده بسببك
امنيه : بسببي ليه انشاء الله انا كنت عملت ايه
فوزي : مش انتي اللي شجعتيه علي القرف ده اقلك لازم يفهم ان كده غلط لازم افوقه لازم يعرف انو غلطان تقوليلي سيبه بس هو متأثر من اللي حصله ولازم يشغل نفسه وهيرجع تاني اقولك اللي بيروح السكه دي عمره ما بيرجع تقوليلي لا مش نادر ابنك محترم وعمره ما هيكمل كده وتقوليلي اني بقلق زياده ... صباح يا صبااح
صباح : ايوا يا فوزي بيه
فوزي : هاتيلي كبايه ميه يا صباح
امنيه : يعني انا اللي بقيت وحشه يا فوزي انا دلوقتي اللي بقيت وحشه بعد كل اللي مرينا بيه سوا
فوزي بصوت جهوري : ايوااا انتي السبب انا غلطان اصلا اني اتجوزت واحده زيك انتي انسانه انانيه وجشعه ليه كده يا امنيه انتي مكنتيش كده حرام عليكي انا تعبت منك انتي وابنك رجعيلي ابني يا امنيه انا عاوز نادر يرجع تاني يا ناس ابني كده هيضيع مني ااااه قلبي همووت منكو لله
وما ان انهي حديثه هذا حتي وقع علي الارض مغشيا عليه ولم يعد يشعر بشئ من حوله
صباح : الميا اهي يا فوزي بيه ايييه ده يا ساتر يارب
امنيه بصدمه : فوززي فووووووزي يا صبااح اطلبي الاسعاف بسرعه
صباح : حالا يا ست هانم يارب استرها معانا استرها يارب
امنيه ببكاء: بسرعه والنبي يا صباح اطلبي الاسعاف فوزي هيضيع مني
صباح بخضه : لا حول والا قوه الا بالله انا رايحه اطلب الاسعاف بسرعه استرها ياارب
بااااااك
امنيه : ونقلناه علي هنا ومش عارفين ايه اللي هيحصل
نادر في سره : سامحني يا ابويا انا السبب
امنيه : انت سرحان ف ايه اهو الدكتور خرج
دكتور علاء : والله يا جماعه احنا عملنا كل اللي نقدر عليه والحاله منقدرش نحدد اذا كانت هتستقر والا لا بس هو هيفضل في العنايا لحد ما الحاله تستقر
نادر : متشكرين اوي يا دكتور بس هو انا ممكن ادخل اتطمن عليه
علاء : انا اسف والله بس حضرتك متقدرش تدخله وهو في الحاله دي ممكن انشاء الله بعد ما الحاله تستقر ويخرج من الرعايه تقدر حضرتك تبقي تدخل تشوفه في وقت الزياره وبعدين متقلقش الحاله مش خطيره اوي
نادر : انا متشكر اوي يا دكتور
دكتور علاء : لا ده واجبي عن اذنكم
امنيه \ نادر : اتفضل
وبعد ان رحل علاء
امنيه : فرحان يا نادر صح مبسوط مش كده
نادر : يا امي طب وانا من امتي بافرح لما حد فيكو يجرالو حاجه
امنيه بعصبيه : لا تصدق فعلا بتخاف علينا ومش بتحب يحصلنا حاجه وحشه بأماره ان ابوك نايم جوا بين الحياه والموت من كتر خوفه عليك وعلي انك مستهتر ومبقاش يعتمد عليك ف حاجه لا انت فعلا بتخاف علينا بجد برافو يا نادر هو ده الابن اللي يعتمد عليه
نادر : يا امي متضغتيش عليا اكتر من كده
امنيه : ماشي هسكت هسكت واهرب من مشاكلك زي كل مره يا نادر
في مكان اخر في المشفي
علاء : دكتوره مايا يا دكتور
مايا وقد التفتت له : ايوا يا دكتور علاء
علاء : صباح الخير يا مايا
مايا : صباح النور يا دكتور
علاء : بصي يا دكتور انا كنت عاوز اطلب منك طلب صغير انا اليومين دول عندي كذا عمليه ومش فاضي وفي حاله خطيره شويه واحتمال الحاله تدخل ف غيبوبه وقلت مفيش احسن منك هيقدر يساعدني ده طبعا بعد اذنك ولو مش هتدايقي
مايا بابتسامه : طبعا يا دكتور انا تحت امرك وبكرا انشاء الله هستلم الحاله
علاء : انا متشكر جدا يا دكتوره
مايا : لا مفيش شكر والا حاجه
علاء : بصراحه يا دكتور انا كنت عاوزك في حاجه تاني كمان ممكن تغير رأيك في الموضوع
مايا : خير يا دكتور
علاء : بصي يا دكتور الموضوع انه .........
انهت مايا حديثها مع علاء ثم ثوجهت الي الكافيه الخاص بالمشفي
في الكافيه
مايا : ياااااه يا ندي ده انا تعبانه جدا انا والله قربت انسي شكل الترفيه هو الشغل متعب اوي كده
ندي : شفتي بقا يا ستي ده احنا هنبقي ف المرمطه دي ليلي نهاري وتعااالي حبيبي
مايا : ههههههههه ومالو المهم نبقي سبب ف ان الناس تفرح ونخفف عنهم
ندي : يا سلاام والنبي قلبك الحونين ده اللي موديكي ف داهيه
مايا : علي اساس انك ابو لهب ما انتي كيوت اهو ... علي فكره دكتور علاء كلمني النهارده قالي انو عاوز مني خدمه
ندي وقد انتبهت لحديثها عندما سمعت اسم علاء : اييييه علاء تاني
مايا : مالك يا بت وفيها ايه
ندي : يا بنتي انتي نسيتي الواد ده اصلا مكانش بينزل عينه من عليكي ف المحاضرات
مايا : ايه يا بنتي الهبل اللي بتقوليه ده طبعا لا
ندي : والله يا بنتي الواد ده بيحبك وبكرا تقولي ندي قالت ما علينا كان عاوز منك ايه ها ها ها اعترفي
مايا : ها لا ولا حاجه بس عاوزني اتابع مريض بداله عشان هو مشغول اليومين دول
ندي : اهااا طب وانتي قولتيلو ايه
مايا بأرتباك : ها .. وافقت
ندي غامزه : ااااه قولتيلي
مايا : يابت هديكي بالنيسكافيه ف وشك
ندي : لا وعلي ايه انا هسكت خالص وبعدين يلا بقا عشان نروح احسن انا جسمي مكسر خاااالص وعاوزة انام بشكل
مايا : اه وانا كمان حاسه اني جالي كساح يلا بينا يااه وحشتني يا سريري يا حبيبي وبطانيتي
ندي : خلاص ياما هتنامي ف الشارع اهدي لما نروح
مايا : خليكي انتي كده كابته مواهبي علي طول
ندي : اشيخه هي دي مناظر ليها مواهب اصلا
مايا : اتتريقي اتتريقي
ندي : لا هو انا اقدر برضو يلا بقا احسن الدنيا بدأت تبقي ليل هو مش المفروض ادهم يجي ياخدنا اقصد ياخدك يعني
مايا : اه هو كان المفروض يجي ياخدنيييي بس طلبوه في الشغل ضروري
مايا : اوك يلا بينا
وذهب كلا من مايا وندي الي منزليهما نامت مايا بأمان فهي لا تعلم ان هناك عاصفه ستهب عليها لم تكن في الحسبان تمتعي بالنوم عزيزتي قبل ان يأتي مغرورك وتعانين من الأرق ..
و تاني يووم حصل ....
تفتكرو علاء كان عاوز ايه من مااايا وليه هي مقالتش لندي !!!!
عاوزين تعرفو قربو عشان اقلكو بس بصوت واطي بدل ما حد يسمعنا