اتجه نادر خارج المشفي فهو كان يشعر بالضيق الشديد بسبب ما فعله وقرر ان يذهب ليحصل علي قسط من الراحه في المنزل ولكن الحياه ليست بأرض الاحلام التي تحقق امنياتنا بمجرد ان تخطر ببالنا عندما ذهب نادر اللي منزله لكي يحظي بالراحه كانت امنيه ( والدته ) في انتظاره وعندما دلف داخل الفيلا ..
نادر بضيق : مساء الخير
امنيه : مساء النور يا ابني
كان نادر في طريقه لغرفته حيث صعد بضع درجات السلم ولكن اوقفته امنيه
امنيه : انت اتغديت يا ابني والا لا
نادر وقد التفت اليها وهو في قمه دهشته مما قالت : ها بتقولي ايه يا ماما
امنيه : بسألك لو كنت اتغديت والا لا عشان لو متغدتش احطلك تاكل
نادر فارغ الشفاه : نعمممم ماما انتي كويسه يا حبيبتي اجبلك دكتور والله دي عين وصابتنا منظورين من يومنا
امنيه : هههههههه كده برضو الله يسامحك يا نادر
نادر باسغراب شدييد : ماما يعني انتي مش هتتخانقي معايا وتقوليلي احترم وميصحش نفسك والجو ده
امنيه : لا طبعا يا ابني
نادر وهو في قمه دهشته : اللهم صلي علي حضره النبي كده كملت دي بتقولي كمان ابني مش الالفاظ دي كنتي بتقولي عليها من يومين بلدي وسوقيه انا كده هقلق عليكي
امنيه : قولي امي يا نادر بلاش ماما
نادر مازحا : مين اللي قدامي ده واحد معرفووش في ايه يا وليه مالك
امنيه : اتلم يا ولد تعالي يا نادر انا عوزاك ف حاجه مهمه
نادر : بس انا تعبان اوي دلوقتي و عاوز انام
امنيه : اللي انا عوزاك فيه اهم من النوم كفايه نوم اوي لحد كده لازم نصحي بقا
نادر مستغربا من حديثها : حاضر يا امي هطلع اغير هدومي واغسل وشي وانزلك
امنيه : ابقي تعالالي ف الجنينه يا نادر انا مخنوقه شويه وعاوزة اتكلم معاك
نادر : كمان الجنينه ده انا جايلك بسرعه بقا
امنيه مبتسمه : ماشي يا ابني
دلف نادر الي غرفته وهو متعجبا من طريقه والدته فهي لم تتصرف علي هذا النحو من قبل قام نادر بتبديل ملابسه ثم قام بغسل وجهه وبعد ان انتهي رفع نظره لينظر الي المرأه الموضوعه في حمام غرفته الفاخر و ..
نادر في نفسه : بذمتك مش مكسوف من نفسك كنت هتبوظ سمعه البنت وراجع البيت والدنيا عادي بالنسبالك انت ازاي بقيت كده انا مبقتش اعرفك انا بقيت اخاف من نفسي اوووف بقا انا تعبت انا هنزل اشوف ماما عاوزة ايه الاول
خرج نادر من غرفته متجها نحو الجنينه و ..
نادر وقد جلس بجوار والدته علي الارجوحه : ايه يا ماما بقا مالك يا ست الكل احكيلي ايه اللي مدايقك
امنيه : انا يا نادر انا متدايقه ومخنوقه من نفسي انا كرهت نفسي
نادر بأستغراب : ليه بس كده يا امي بتقولي كده
امنيه وقد بدأت في نوبه شديده من البكاء : يا نادر انا عمري ما حسيت اني وحشه اوي كده الا لما ابوك دخل المستشفي اول مره اعرف انو غالي عندي اوي كده حسيت اني انا السبب حسيت اني مكانش لازم اقف ف وشه واتحداه بالطريقه دي مشفتش قدامي غير اني لازم ابين اني مش غلطانه مشفتش قدامي غير غروري ونفسي مهمنيش بقا دمرت مين ف وشي وانا مستمره في العند ده مفكرتش ابدا اني غلط كنت حاطه ف دماغي اني انا الصح دايما واي حد كان بيقولي عكس كده كنت بعاند معاه حتي لو عارفه ومتأكده اني غلطانه ده غير اني كان المفروض احتويك واقرب منك بعد اللي حصلك انا غلطانه انا عارفه انا كنت فاكره اني بعنادي ده هقدر امشي اللي انا عوزاه دايما و احرق اي حد ف طريقي بس للاسف محرقتش غير نفسي
ده انا حتي انا لا ينفع يتقال عليا ام ولا زوجه والا حتي انسانه انا وحشه اوي يا نادر مش كده
نادر وقد احتضن والدته : لا يا امي لا عاش ولا كان اللي يقول عليكي كده انتي ست الكل وميهمكيش يا امي اي حاجه عملتيها بطلي عياط بقا والنبي يا امي
امنيه وهي مستمره في بكائها : سامحني يا ابني انا اسفه اوي اني كنت انسانه انانيه بالشكل ده بس اوعدك اني هتغير والله هحاول اتغير
نادر : متتأسفيش يا امي انتي ست الكل ومهما عملتي مينفعش غير انك تفضلي تاج علي راسي
امنيه : يعني خلاص سامحتني يا ابني
نادر وقد قبل كف والدته : هو انا بزعل منك اصلا يا ست الكل ربنا يخليكي ليا بس بقا بالله عليكي بطلي عياط
امنيه : تفتكر ابوك هيقدر يسامحني انا حاسه انو كرهني
نادر : لا لا يا امي متقوليش كده بابا مفيش اطيب منه وهو كل امنيته انو انتي تبقي كده كيوت وعسوله بس خليكي كده يا امي ومتخافيش انا معاكي
امنيه بضحكه خفيفه : ههههه كيوت وعسوله ماشيي يا بكاش ...
ثم صمتت لبرهة وعادت تتحدث لولدها قائله
امنيه : نادر هو انت ممكن ترجع زي ما كنت
نظر نادر للسماء واخذ يسرح في تفاصيلها كأنه يشكي همومه لله بتلك النظره التي حملت كثير من المعاني ثم نظر لامنيه برفق و ...
نادر : موعدكيش يا ماما صعب .. صدقيني صعب عليا اوي مش سهل يا امي
امنيه : ليه يا نادر طب مانا اتغيرت اهو الحكايه مش صعبه اوي زي ما انت فاكر انت اتعرضت لتعب ووجع كبير اوي يا ابني انا فهماك بس كل حاجه بتتصلح والالم هيختفي مع الوقت
نادر بضحكه مكسوره وهو يميل رأسه لاسفل قليلا : لا يا امي الالم مش بيختفي بسرعه تخيلي معايا لو في طفل بيتعلم المشي وبيحاول يمشي وقف مشي خطوتين ووقع رجله اتكسرت الطفل هيعيط صح دور الناس اللي حواليه هتلاغيه وتشجعه وتقوله قوم اقف تاني بس هما ميعرفوش انو رجلو اتكسرت ممكن الطفل يقوم تاني لما الناس تساعده وهيضحكلهم بس الكسر اللي ف رجله مش هيخف يا امي
امنيه بأشفاق علي ولدها : ايوا يا ابني حاسه بيك و احنا و غلطانين ف حقك جامد احنا حتي ماحولناش نخفف عنك سيبناك انا اسفه يا ابني انا غلطت ف حقك اوي
نادر : متتأسفيش يا امي يلا بقا اسيبك يا ست الكل وادخل انام شويه احسن جسمي مكسر خالص
امنيه : ده الساعه لسه 7 يا ابني
نادر : اهو يا دووب بقا اناملي شويه حلوين كده
امنيه : ماشي يا ابني
نادر : تصدقي يا ماما كلمه ابني احسن من يا ولد او يا نادر قوليهالي علي طول بعد كده يا موني واوعي تعيطي تاني يلا اوعديني
امنيه بابتسامه : وعد يا احلي ابن
نهض نادر من جانب والدته و اتجه نحو الداخل و ...
امنيه : نادر
التف لها نادر ووجه نظره نحوها
امنيه مبتسمه : شكرا
ابتسم لها نادر ثم اكمل سيره نحو الداخل ثم دلف الي غرفته و ...
عند مايا
بعد ان ذهبت مايا كانت تشعر بالضيق الشديد لانها لم تتصور ان يكون هناك شخص بهذا السوء كان تجلس بأحدي ارجاء المشفي حيث رن هاتفها
مايا : ايوا يا ادهم
ادهم : ايوا يا ميويه يا قلبي يا حبيبتي تصدقي انا من كام يوم كده عمال افكر مين اجدع واحده ف الدنيا كلها اكتشفت انو انتي
مايا : امممم خش ف الموضوع ايه نوع المصلحه اللي انت عاوزها
ادهم مازحا : تعرفي عني كده ها تعرفي كده
مايا : هو كده وبس ربنا يعينني علي ما ابتلاني
ادهم : طب بصي بقا انا النهارده اللواء مشاني بدري من الخدمه وقلت انو دي فرصه مبتتكررش كتير قلت استغلها واخرج مع ندي شويه
مايا : انت بتستعبط يا ادهم تخرج معاها ازاي لوحدكو
ادهم : الخير والبركه فيكي بقا
مايا : امممم طب تفتكر خالتك هتوافق اصلا تخرجو سوا لوحدكو انت وندي
ادهم : ودي تفوتني برضو اكيد كلمتها وقولتلها
مايا : صح مانا بكلم مين هااه ووافقت
ادهم : عيب عليكي يا بت اقنعتها اكيييد هو انا اي حد والا ايه
مايا بفضول : طب وهتروحو فين ها ها
ادهم : وانتي مالك يا اوزعه انتي
مايا مازحه : انا اوزعه طب شوف مين هيقنعلك نددي
ادهم مازحا : يرضيكي يا ميمو اخوكي يفضل كده هيموت ويقعد يتكلم معاها كلمتين ومبشوفش غير المجرمين واليوم كمان اللي فاضي فيه اقعد ف وسط الحراميه عبدو سرنجه و ابو عقله وابو دومه ها يرضيكي
مايا بضحك : هههههههههه عبدو سرنجه لا تصدق صعبت عليا خلاص لا تقلق يا كبيير وراك رجاله
ادهم : تمام يا عسكري بصي انا هاجي عند المستشفي وانتي قوليلها وخليها تنزل وانتي ابقي روحي بتاكس مش مهم
مايا : بقااا كدده يرضيك اختك تروح لوحدها بليل كده هقعد معاكو ورا ف العربيه ومش هعمل صوت والله يا ادهومتي
ادهم مازحا : هش بطلو تسول بقا
مايا : ماشي ماااشي ابقي افتكرها بس
ادهم : هفتكرها هفتكرها يلا بقا عشان بسوق بدل ما البس ف عمود لا هعرف اخرج مع ندي والا اقبض علي عبدو سرنجه ساعتها
مايا : ههههههه ماشي يلا اتكل وانا هروح اظبطلك الجو
ادهم : يا سلاام عليكي اخت هايله سلام يا زومول
مايا : زومول اي بس
ادهم : ده انا بدلع حتي مش عاجبك يا بت والا ايه امال عوزاني اقولك زي العيال الملزقه دي وكوكي وقلبي واحلي اخت والجو ده
مايا : ههههههه تصدق وربنا انت مسخره ضحكتني وانا مليش نفس
ادهم بقلق : في ايه يا مايا انا حاسس من صوتك ان في حاجه
مايا بأرتباك : ها لا ابدا مفيش حاجه
ادهم : مايا لو حد عملك حاجه قوليلي ومتخافيش
مايا : ولا حد يقدر يا كبيير بس هو من تعب الشغل وكده
ادهم : متأكده يا مايا
مايا : اها
ادهم : ماااشي هعديهالك مع اني مش متطمنلك بس اوك انا كلها نص ساعه وجاي تحت المستشفي ابقي خلي ندي تنزل اول لما ارن عليكي متخليهاش تقف ف الشارع لوحدها واول لما تركبي تكلميني ولما تروحي تكلميني عشان اتطمن عليكي وهش من هنا بقا يا اوزعه
مايا : حاضر احضره الظابط سلام
مايا في نفسها : طيب انا هقول لندي ازاااي
ندي من بعيد وهي تجري : مايا انتي كويسه
مايا بخضه : في ايه يا ندي مانا زي القرد قدامك اهو
ندي : امال ايه اللي قالهولي علاء ده
مايا بأستغراب : علاااء قالك ايه بالظبط مش فاهمه
ندي : انا وقت البريك نزلت اتغدي ونسيت انك قولتيلي اعدي عليكي وبعد ما اتغديت جايه ارجع بقا للشغل عادي عشان كان في كذا استشاره لقيت علاء ف وشي و
فلاااش بااااك
ندي : ياااه يارب اليوم ده يخلص بقا انا تعبت وجالي صداع وكمان لسه هعدي علي مايا ... ايه ده مايا صصصصح ده انا نسيت خاللص زمان البت واقعه من الجوع يارب متضربنيش بس
علاء من بعيد : دكتووره ندي يا دكتور
ندي : ايوا يا دكتور علاء
علاء : الحمد لله اني لقيتك هي مايا عامله ايه دلوقتي
ندي بأستغراب : مالها مايا يا دكتور
علاء : يعني بعد اللي حصل اختفت هي يعني كويسه
ندي بخوف : في ايه يا علاء مالها مايا ايه اللي حصل
علاء : متخافيش يا دكتور هي خدت حقها بزياده
ندي بنرفزة : انت بتتكلم بالغاز كده ليه ما تقول ايه اللي حصل وبعدين مخافش ازاي بعد اللي انت بتقوله ده
علاء : بصي يا دكتور اللي حصل انو ....... ( وقص لها ما حدث لمايا من قبل نادر وكيف واجهته مايا بكل شجاعه )
ندي : ياااه بقا كل ده يحصل وازاي الانسان ده يتجرأ اصلا يعمل كده طب متعرفش مايا راحت فين يا دكتور
علاء : ده اللي كنت عاوز اعرفه منك انا قلقت عليها بصراحه بدل ما يكون اللي اسمه نادر ده عملها حاجه تاني
ندي بنبره من القلق : اييه اللي انت بتقوله ده يا دكتور لا طبعا بعد الشر انا هتصل بيها ثواني يا دكتور
اخذت ندي تتصل علي رقم مايا ولكنه كان مشغولا ( لان مايا كانت تتحدث مع شقيقها )
ندي : اووووف ده موبايلها مشغوول
علاء : لا انا كده هقلق عليها زياده طيب لو عرفتي اي حاجه ابقي بلغيني يا دكتوره
ندي : ربنا يسهل متشكره يا دكتور علاء
علاء : لا ده واجبي دي مايا زي اختي بالظبط
ندي : عن اذنك
ندي في نفسها : روحتي فين بس يا مايا منك لله يا نادر انا احسن حاجه اعملها ادور عليها بس المستشفي كبيره اووي يارب ادور عليها فين والا فين .... بببس لقيتها اكيد اكيد هي ف قسم الاطفال هي بترتاح لما بتشوفهم وهي متدايقه
انا هروحلها هناك وانشاء الله هلاقيها
بااااااااك
ندي بس ولقيتك هنا يا ستي ازاي يا مايا الواد ده يعمل كده انتي لازم تقولي لادهم
مايا : لا يا ندي ادهم مش لازم يعرف
ندي : بس انتي وقفتيه عند حدو بجد برافو يا مايا راجل بصحيح
مايا : هههههه بس انا عوزاكي توعديني وعد
ندي : وعد ايه
مايا : انك متقوليش النهارده لادهم علي اللي حصل
ندي : واشمعني النهارده هو انا اصلا هشوف ادهم
مايا : ايوا يا ندي ادهم هيخرجك النهارده
ندي وقد لمعت عيناها : هااا بتقولي ايه ....
وحصل ...
تفتكرو ايه هيكون رد ندي
أنت تقرأ
رواية ساغيرك رغما عنك.. (الجزء الاول).( مكتملة)..بقلمي/ملاك أسد .. ❤❤
Romanceكالسهم انت تطلق وانت تعلم هدفك لا تخطئ في اختيار فريستك كالظلام انت هادئ ومخيف تخيف من حولك ولكن بداخلك خوف كبير من نفسك كالبحر الهادئ انت لا ادري هل اطمئن لك واغطس في امواجك ام احذر منك واراقبك فقط من علي الشاطئ !.. كالملك المغرور انت تريد كل شئ مل...
