رواية ساغيرك رغما عنك.. (الجزء الاول).( مكتملة)..بقلمي/ملاك أسد .. ❤❤

الحلقة التاسعة والاربعون

قام فوزي بالرد علي مكالمه عادل وعندها تبدلت ملامحه الي الغضب الشديد والحنق وقال بصوت مرتفع : الكللللللب
نادر بسخريه : امممممم ايه بقا الخطه البديله
فوزي بغضب وهو يتجه نحو باب الفيلا : خليك انت هنا ادي دعوتك اتحققت ومش هتشوفها تاني مايا اتخطفت
نادر بقلق : انت بتتكلم بجد
فوزي بعصبيه : امال بلعب معااااك مايا اتخطفت
نادر بصدمه : بتقوووووول اييييييه
فوزي : منك لله يا طاهر الكلب ده اكيد عمل فيها حاجه
نادر بعصبيه : طاهر مين وزفت ميييين انت عارف يا بابا مين اللي عمل كده ف مايا
فوزي : ايوا يا نادر هو طاهر الزفت
نادر بصوت مرتفع : وساااكت يا بابا اتكلم فين مكان طاهر ده
فوزي : اعقل يا نادر انت مش قد طاهر
نادر : يبقي مين طاااهر ده يعني وايه مصلحتو من خطف مايا فهمننني
فوزي : طاهر ده يا ابني يبقي .......
حكي فوزي لنادر عن ماضيه مع عادل والد مايا وعن ما فعله به طاهر ....
نادر : طب وانتو عرفتو منين ان اللي اسمه طاهر ده هو اللي خطفها
فوزي : طاهر كلم عادل من شويه وقاله انو لازم يدفع ثمن تفتيشه وراه
نادر بصوت جهوري : يعني كل ده يحصل ومحدش يعرفني خليتوني زي الاهبل يعني مكنتش عارف يا بابا ان ده في خطر علي حياه مايا انا لو حصلها حاجه مش هسامح نفسي ابدا لاني انا السبب لو كنت جمبها مكانش زمان كل ده حصل سامحيني يا حبيبتي
فوزي : اهدي يا نادر انشاء الله هنرجعها احنا لازم نروح لعمك عادل دلوقتي
نادر وهو يتجه نحو باب الفيلا : اهدي اييييه بس وهباب ايه انت عاوزني اقعد ساكت لا واروح بيتهم كمان بكل برود وانا مش لاقيها وتقولي انت مش قد طاهر لا انا لازم اتصرف دي كانت جايه عشاني انا عشان انا فهمتها غلط يعني لو مكانتش نزلت من البيت كان زمانها ف امان انا ايه الغباء اللي عملته ده ليه ظلمتها كده ياااااارب ترجعهالي انا كل مره بضيعها من ايدي كل مره تبقي قدام عيني وانا اللي ابعد
فوزي : يا نادر انت ملكش ذنب ف اللي حصل يا حبيبي اهدي بس
نادر : مليييش ذنب ازاااي وهي كانت جيالي انا كانت نازله عشان تيجي تفهم غبائي انها مظلومه
امنيه بفزع وقد اتجهت نحوهما : في ايه يا جماعه صوتكو قلقني من النوم
نادر : في مصيييييبه يا ماما
امنيه : يا ساتر يارب مصيبه ايه
نادر : يبقي بابا يفهمك بقا انا رايح ادور علي خطيبتي
فوزي : يا نادر اعقل وارجع مش هتقدر تقرب سنتي واحد من بوابه قصر طاهر يا نااااادر انا مش عاوز اخسرك يا ابني
نادر بعصبيه : وانا مش هخسرها يا بابا انسي ده سلااام
اتجه نادر مسرعا خارج الفيلا متجها نحو القسم الذي يعمل به ادهم وهناك ....
نادر بلهفه : لو سمحت انا عاوز هو ده مكتب الرائد ادهم عادل
العسكري : ايوا يا فندم هو
نادر : طب لو سمحت ممكن تبلغه ان نادر الدمنهوري عاوز يشوفو ضروري
العسكري : ممنوع يا استاذ سياده الرائد مشغول
نادر بعصبيه : هو ايه اللي ممنوع خش قولو زفت الدمنهوري عاوزك برا وهو هيدخلني
العسكري : ما توطي صوتك يا استاذ انت بتتكلم كده ليه خليك واقف هنا وانا هبلغه ... ده ايه القرف اللي ع الصبح ده يارب
.................................................. .................................................. ....
..... في قصر المغربي .....
كانت ضحي تري ما يفعله والدها مع تلك الفتاه التي لا تعرف هويتها ولماذا يصر والدها علي ان يعامل تلك الفتاه بقسوه ووحشيه .....
ضحي في نفسها : انت ليه بتعمل كده يا بابي بس ليه بتئذي الناس .... انا لازم انقذ البنت دي بأي طرييقه منو دول نزلوها ف البسين اكتر من عشر مرات الميا بقا كلها دم حرراااام يارب اللي بيحصل ده ساعدنا .....
.... في مكتب طاهر ....
دلف بهجت الي مكتب طاهر بدون استئذان علي غير عادته ثم جلس علي الكرسي الموضوع امام طاهر وضع قدم علي الاخري مما تسبب في اشتعال طاهر من الغضب وقوله بصوت جهوري : انت اتجننت يا بهجت ازاي تقعد كده قدامي قوم اقف علي حيلك وكمان داخل من غير استئذان انت نسيت نفسك والا ايه
بهجت ببرود تام : والله يا باشا انا فاكر نفسي كويس اوي بس بيتهيئلي انك انت اللي هتنسي نفسك
طاهر بغضب شديد : انت ازاي تتكلم كده يا بهجت معايا من الواضح انك اتجننت
بهجت بخبث : انت متعود علي اني دايما بجبلك اخبار بعدها انت تفضل تشخط فيا مش كده يا .. يا باشا طب المره دي بقا انا جايبلك خبر ممكن يجبلك جلطه
ثم شاور بهجت لاحد الحراس ليحضر له لاب توب ويضعه امام طاهر ليشاهد الفيديو الذي قامت لبني بالبث عنه بجميع القنوات وانتشر في السوشيال ميديا بسرعه رهيبه ما ان رأاه طاهر حتي شعر بأنه القم حجرا وكأن هناك اناء من الثلج قد وقع فوق رأسه لم يعد يستطيع الكلام شعر بالاختناق الشديد وبدأ في التعرق احمرت عيناه وكأن هناك ينبوع من الدماء قد انفجر بهما شل عقله عن التفكير فقط اكتفي بالنظر الي بهجت وهو في حاله صدمه كامله فهذا الفيديو الذي لا يزيد عن 15 دقيقه سيهدم امبراطوريه المغربي التي ظل يبنيها طوال عقوده الاربعه ولجأ الي جميع وسائل الغش والخداع وتهريب الاسلحه والقتل لكي يبنيها وفي النهايه يأتي فيديو يهدم كل ما بناه طاهر ...
ابتسم بهجت بخبث فور رؤيه طاهر بتلك الحاله ثم قال بسخريه : اتقلب السحر علي الساحر والصياد وقع ف الشبكه شغلك بقا ع المكشوف اااه ونسيت اقولك كمان ان كللل الناس اللي كننا بنتعامل معاهم ونتحامي فيهم وبنفوذهم كانو بيطلعونا من كل المصايب اول ما شافو الفيديو ده كانو اول ناس بصراحه يهاجموك طبعا كل واحد لبس وش الشريف وطلع يقول كلمتين بقا ضدك قدام الاعلام والكل لغي تعاقداته معاك ومع شركتك لا والضربه الكبيره بقا ان كل تجار السلاح بيوصلولك رساله انك خلاص وقعت وبقيت كارت محروق وانهم مش هيتعاملو معاك تاني ولا تعرفهم ولا يعرفوك
طاهر بعصبيه واضحه ونبره جهوريه : انتو مستنيييين ايه اقتلو الكلب اللي قدامكو ده انا مشغل معايا بهاااايم
بهجت بهدوء : اصبر بقا يا واد يا طاهر اما انا عاملك مفاجأه عارف بقا ان كللل الحراس اللي انت محمي فيهم دول بقو تحت سلطته مين .... انااااا مفاجأه مش كده شايف عينك حمرا ازاي اهو من المفاجأه الجميله اللي انا محضرهالك .... طول عمرك توسخ وانا الم وراك زبالتك وانضف نسيت اننا شركه سوا بس انت كنت المظهر قدام الناس وانا اللي مخفي ف شركتك وشغلك محدش كان عارف اسمي اصلا كنت باجي معاك كأني خدااام عندك نسيت ان انا اخوك والا ايه يا طاااهر امبراطوريتك اللي انت فرحان بيها دي انا ابقي اساسها بس انا تعبت من الحمل وقلت بقا اخفف عنك شويه انا همشي برا البلد يا طاهر وانا اول واحد هيتمني انو يشوفك ف السجن محبوس زي الكلب وكلها كام يوم وتتحول للمفتي هبقي اقرالك الفاتحه متخافش ..... ااااه نسيت اقولك انت ممنوع من السفر برا البلد ف فكر في اي مكان تقعد فيه عشان زمان نص الشعب خارج ف مظاهره دلوقتي وجايين يكسرو القصر ده ويوصلولك وحراسك الي انت كنت فرحان بيهم دول مبقاش منهم الا خمسه بس هديه مني ليك يلا اشوفك بالبدله الحمرا يا .. يا باشاااا
ثم اتجه بهجت خارج قصر المغربي وهو يضحك بهيستيريا بسبب ما فعله مع طاهر وترك شقيقه خلفه تائها في افكاره لم يكن يستطيع الحرك فقد كان في حاله صدمه مما حدث معه ولكنه سرعان ما .....
طاهر وهو يتصبب عرقا : هو .. هو فاضل كام حارس برا
احد الحراس : انا واربعه تاني يا طاهر بيه احنا معاك ورقابتنا قدامك ومش هنخلي حد يقرب منك
طاهر وهو يكور قبضه يده : اه يا ولاد ال ***** طب قول للكل يجهز عشان احنا هنطلع علي البيت الصغير اللي ف الارياف
الحارس : طب والبت اللي برا دي يا باشا ناخدها معانا والا نسيبها
طاهر والشر يتطاير من عينيه : اسيبها ازاي ده انا هخلي ابوها يندم انو جابها للدنيا واخوها اللي عاملي فيها دكر ورايح يفضحني انا هندمهم عليها هم الاتنين تتكتف البت دي وتترمي ف شنتطه عربيه تركبو فيها انتو وحد يبلغ ضحي انها تجهز وتحصلنا ع العربيه بتاعتي
الحارس : اوامرك يا طاهر باشا
.................................................. .................................................. ..
.... في قسم الشرطه......
دلف نادر الي مكتب ادهم وهنااك .....
ادهم بأبتسامه : نادر باشا القسم نور والله
نادر : مش وقته دلوقتي يا ادهم في مصيبه حصلت
ادهم بقلق : مصيبه ايه يا نادر
نادر : مايا اتخطفت
تكررت تلك الكلمات في اذني ادهم وكأنها صاعقه قد توجهت اليه شعر وكأنه فقد اهم شئ بحايته فبالرغم من محاولاته في حمايه زوجته الا انه لم يفكر في حمايه شقيقته مما تسبب له بالام كبير شعر وكأنه فشل في مهمته كأخ كبير وقال بصوت يظهر فيه القلق والتوتر : م .. مين اللي خطفها يا نادر
نادر : واحد اسمه طاهر
ادهم بعصبيه : اللي كنت متوقعه اه يا كللللب والله لاقتله
نادر بصوت جهوري : هو انت كمان كنت عارف ان اللي اسمه طاهر ده ممكن يئذيها ... منكو لله كلككككوووو انتو ليه بتعملو كده حرام عليكو كان حد قااالي لو مايا حصلها حاجه انا مش هسامحكو ولا هسامح نفسي ابدا طب احنا ممكن نعمل محضر
ادهم : مش قبل تلت ايام
نادر بعصبيه : يعني اييييه يعني هنفضل قاعدين مستنين الفرج يكون هو بقا هرب بيها بره البلد والا عمل فيها اي حاجه
ادهم : ميقدرش يهرب برا البلد يا نادر ممنوع من السفر بعد الفيديو
نادر : الله يخربيت الفيديو علي يخربيت اللي اسمها اروي علي يخربيت طاااهر احنا مالنا بالقرف ده وايه ذنب مايا ان يحصل فيها كده يا ادهممم انتو مفكرتوش انها ممكن تتئذي انتو ايه مبتحسووش
ادهم بعصبيه : نااادر لو سمحت انت اه عاوز تتجوز مايا بس ده ميمنعش برضو اني اخوها واخاف عليها اكتر من اي حد
نادر : لو كنت فعلا بتخاف عليها كان زمانك فكرت ازاي تحميها زي ما حميت مراتك بالظبط هي دي بقا مهمه الاخ الكبير
ادهم وقد شعر بالذنب نحو شقيقته : خلاص يا نادر كفايا والنبي انا بتقطع اصلا احنا لازم نلاقيها وبأي شكلل
نادر : قولي فين عنوان اللي اسمه طاهر ده
ادهم : كان ف الملف
نادر : فين الزفت الملف ده
ادهم : اهو اهو لقيته
نادر بلهفه : هااا فين
ادهم : ف (( .... ))
نادر : يلا بينا بسررعه
ادهم : استني بس هنروح ازاي من غير قوة
نادر : يعني القسم كله هيتحرك معاك يا ادهم وانت ممعكش تصريح من النيابه
ادهم : بس برضو مينفعش يا نادر نروح لوحدنا انت عارف المغربي ده الحراس اللي علي بوابه قصره قد ايه
نادر : طب وهو اصلا ممكن ميكونش خاطفها ف بيتو
ادهم : ودي مصيبه اكبر
نادر : طيب يلا بينا بس نروح هناك وربك يسهلها
ادهم : ماشي يا نادر خليني معاك للاخر
.................................................. .........................................
توجه كلا من نادر برفقه ادهم نحو قصر المغربي و عندما وصلو الي هناك وجدو البوابه مفتوحها علي مذرعيها ولا يوجد حرس عليها ...
استغل نادر هذه الفرصه ثم انطلق مسرعا داخل القصر فوجد الباب مفتوحا مما اثار استغرابه كان ادهم يظن بأن هذه مكيده من طاهر فمن المستحيل ان يترك شخصا مثل طاهر القصر الخاص به بهذه السهوله ظل ادهم بالخارج ينظر للمكان من حوله وقرر ان يقوم بحمايه ظهر نادر .....
ظل نادر يبحث في ارجاء ذلك القصر الفاخر عن اي شخص او اي أثر ولكن بلا جدوي لم يجد نادر اي شئ مما تسبب له بخيبه امل كبيره .....
.................................................. ...........................................
.................................................. ...........................................
عاد نادر وادهم كلا منهم الي منزله لم يتحدث نادر مع اي شخص فقط كان يجلس في غرفته يقوم ليتوضئ في وقت الصلاه ثم يقوم بالدعاء الي مايا بأن يحميها الله وكان يردد دائما ...: يارب انا مش قادر اوصلها ولا عارف احميها بس هي اكيد تحت حمايه الاكبر مني هي تحت حمايتك يا خالق السموات والارض يارب تحفظها وتبعدها عن شر الراجل ده وتوصلني ليها ياااارب ......
اما عند اسره عادل مصطفي فقد كان الجميع يحمل ذنب مايا علي عادل لانه لم يفكر في عاقبه ما يفعله من الممكن ان يكون هذا حقه ويجب عليه ان يأخذه ولو بعد قرون ولكن ايضا يجب علينا ان نتوقع عاقبه افعالنا ......
سميره ببكاء : حسبي الله ونعم الوكيل فيك يا طااهر مكفاكش اللي عملته ف ابني اللي انا مشفتهوش عاوز تموت بنتي بعد ما كبرتهاااا
عادل بضيق : يا سميره والنبي انا ما ناقص بطلي اللي انتي بتعمليه ده
سميره بصوت مرتفع : مش ناااقص ايييه يا شيييخ منك لله انت السبب ف اللي حصل لبنتي كان لازم تدور وراااه ما انت عارف انو ميتسلكش فيييه اهو خد منك بنتك نفعك دلوقتي الادله اللي جبتها ضده قولي لو خدت فلوس دلوقتي هتفيدك ب ايييييه .... عيني عليكي يا بنتي يا تري انتي جعانه والا شبعانه والا حيه والا ربنا افتكرك
عادل بعصبيه : بطللللي بقا يا سميييييره ادهم قول لامك تسكت وتخرس خالص انا مش طايق اسمع صوووت
ادهم بأعين دامعه : لا يا بابا هي عندها حق انت السبب وانا كمان احنا مفكرناش ازاي نحميها كان المفروض نفكر فيها وانت يا بابا مفكرتش فينا كنت اناني اوي كل اللي همك الفلوس بتاعتك ومنصبك يرجعلك طب اهم رجعولك يا بابا قولي ازاي هنعوض مايا لو حصلها حاجه واحد زي ده اكيد قتلها دلوقتي ويارتنا عارفين مكانها فين اهو فات يومين ولا حس ولا خبر عنها يارب استرها معاها
سميره وهي تتجه نحو باب الشقه : انا رايحه ادور علي بنتي اذا مكنتوش انتو هتتحركو من مكانكو وقاعدين زي دكر البط ممنكوش فايده
عادل وقد صفع سميره : انا مش قلللت اخرسي يا سميررره
ادهم بصدمه : بابا ايه اللي انت عملته ده مينفعش
سميره وهي تضع يدها علي وجهها وقالت بأعين دامعه : بتمد ايدك عليا يا عادل طب والله مانا قاعدالك فيها يا عادل
عادل : عليا الطلاق يا سميره ما انتي مهوبه نحيه الباب ده ف ليلتك السودا دي ووريني هتعملي ايه
ادهم : بابا بقا لو سمحتتت كفايا ... تعالي معايا يا ماما ندخل جوا
سميره : تعالي يا ابني ابوك شكلو جري لعقله حاجه النهارده
عادل بعصبيه : استغفر الله العظيم انا اللي مش قاعدلك ف البيت يا سميره مرتاحه كده
ادهم : يا بابا .. استني بس ..
لم يستمع عادل الي ما قاله ادهم بل توجه مسرعا نحو باب الشقه وقام بغلقه خلفه بشده ...
سميره ببكاء : شايف يا ادهم ابوك بيعمل ايه يرضيك يا ابني كده
ادهم وقد اقترب من والدته : معلش يا امي اهدي بس يا حبيبتي
سميره : اهدي ازاي يا ادهم بنتي مخطوفه وتقولي اهدي والنبي يا ابني ترجعلي بنتي رجعلي مايا يا ادهم والنبي ....
ادهم وهو يقبل رأس والدته : حاضر يا امي والله هنرجعها متخافيش
سميره وهي مستمره في بكائها : يارب اهديني بس وخليني اعرف اذا كانت بنتي عايشه والا لا
ادهم : يا امي متقوليش كده هي اكيد بخير بلاش يا امي الكلام ده ارجوكي
سميره بطريقه هيستيريا : انزل شوف فين اختك يا ادهم مترجعليش الا بيها يا ادهمممم انا عاوزة بنتي يا نااااس
قالت سميره تلك الكلمات ثم وقعت مغشيا عليا مما تسبب في فزع ادهم وقام بطلب الطبيب لها علي الفور ....
ادهم : خير يا دكتور
الطبيب : والدته حضرتك اتعرضت لصدمه نفسيا اكيد في مشكله كبيره واجهتها
ادهم : طيب وهي حالتها ايه دلوقتي يا دكتور
الطبيب : انا اديتها حقنه مهدئه وكتبتلها علي شويه مهدئات لازم تنتظم عليهم وتبعد عن اي حاجه تعصبها ولو حصل الموضوع ده واتكرر اكتر من مره لازم تنقلوها المستشفي فورااا
ادهم : اكيد يا دكتور انا متشكر جدا
الطبيب : لا شكر علي واجب ده شغلي
ادهم : طيب اتفضل يا دكتور
الطبيب : ميرسي عن اذنك
ادهم : اتفضل
وبعد ذهاب الطبيب .....
وقف ادهم في منتصف الرسبشن وفجأه شعر وكأنه لا يستطيع حمل نفسه وقع علي ركبتيه ومال قليلا الي الامام ووضع احدي يديه علي الارض والاخري علي وجهه واخذ يبكي بشده و ...
ادهم في نفسه : كده كتييير اوي عليا يارب الحمل زاد كده اوي يااارب خف من علينا شويه واحميهم هم التلاته انا دلوقتي يارب اراعي امي اللي ف السرير جوا تعبانه والا انزل ادور علي ابويا اللي نزل وهو متعصب وممكن يجراله حاجه والا اختي اللي مش عارفها هي فين والا اذا كانت عايشه والا ميته ياااارب تخف من عليا الحمل انا من برا عمال بقويهم كلهم بس انا من جوا اضعف واحد فيهم يارب انا عارف انك حاسس بيا رجعهملي يارب كلهم ....
بعد ان انتهي ادهم من دعائه وجد هاتفه يرن برقم ندي فأسرع بالرد عليها وقال بصوت يظهر به البكاء : الو ندي لو سمحتي انا مش قادر اتكلم دلوقتي ممكن نتكلم كمان شويه
ندي بقلق : ادهم انت بتعيط ..
ادهم وقد انفجر مره اخري في البكاء : مش قاااادر يا ندي مش قادر انا من كتر اللي فيا مش عارف اقف علي رجلي انا فشلت كأخ وكأب وكزوج صح يا ندي
ندي : لا يا حبيبي انت احسن ابن واحسن اخ واحسن زوج ف الدنيا انت يا ادهم لازم تقوي شويه وتثبت خليك صخره بالظبط محدش يقدر يكسرك خليك قوي عشانهم يا ادهم كلهم محتاجنلك لازم تقويهم انت خليك جمب خالتو وعمو عادل ولازم تكون قوي عشان مايا اوعي تضعف يا ادهم وعلي فكره انك تعيط ده معناها انك وصلت لمرحله لا تطاق من الخنقه لانك اقوي واحد ف الدنيا دي كلها عشان خطري يا ادهم قوم عشانهم عشان هم محتاجينك وانا كمان محتاجاك ادعي ربنا وصلي يا ادهم وهتلاقي ربنا فتحها ف وشك وبلاش تخلي الافكار السلبيه تأثر عليك عشان تعرف تفكر ف حل تلاقي مايا بيه لو فضلت متدايق عقلك هيتشتت ومش هتعرف تفكر عشان خاطري يا حبيبي روق وبلاش تفكر انك ضعيف لانك اقوي مما تتخيل
ادهم : ياااه يا ندي انتي ريحتيني اوي بجد انا مش عارف انا عملت ايه كويس ف حياتي عشان ربنا يرزقني بيكي ربنا يخليكي ليا يا حبيبتي وادعيلي يا ندي ربنا يقويني ويقدرني الاقي مايا
ندي : بدعيلك يا حبيبي والله ربنا معاكو يا ادهم وانشاء الله هيوصلنا ليها ...
ادهم : انشاء الله يا ندي
ندي : طيب اسيبك انا بقا تنام عشان تعرف تفكر كويس وبكرا انشاء الله هتصل بيك تكون فكرت ف اي حل اتفقنا يا ادهومي
ادهم : اتفقنا يا قلب ادهومك
ندي : يلا تصبح علي خير يا قلبي
ادهم : وانتي من اهلي يا نوده
.................................................. .................................................. .
.................................................. .................................................. .
... في منزل صغير بمكان مهجور علي طريق مصر اسيوط ...
توجه طاهر ومن معه الي ذلك المنزل الصغير الذي فكر به طاهر وبأن لن يصل اليهم اي شخص هناك ثم قام بحبس مايا بغرفه ما في هذا المنزل .... اكتشفت ضحي بأن طاهر هو زوج والدتها وليس بوالدها الحقيقي مما تسبب لها بصدمه وشعرت بالكره الشديد نحوه ثم قررت ان تقوم بالانتقام منه لانه كان يجعلها تعيش بوهم كبير كل يوم وهي تظن بأنه والدها لذا قررت ان تقوم بمساعده مايا علي الهرب .....
ضحي : بابي هو احنا ليه جينا المكان ده اصلا ليه ممشيناش برا مصر
طاهر : ممنوعين من السفر يا بنت خديجه بقولك ايه متزهقينيش روحي شوفيلك شغلانه غيري
ضحي بتردد : بابا ... هو حضرتك ليه قتلت الست العجوزة دي
طاهر بصدمه : هو انتي عرفتي
ضحي : ايوا يا بابا شفتها ع اليوتيوب قبل ما نمشي من الفيلا
طاهر : طب قفلي ع السيره دي بدل ما تلاقي قلم يخلي ودانك تصفر يا بنت خديجه
ضحي بعصبيه : انت ليه دايما تقولي يا بنت خديجه هو انا مش بنتك برضو والا هي خديجه جابتني لوحدها
طاهر بنبره جافه : الله ينور عليكي خديجه جابتك لوحدها ضحي بقلق : ي .. يعني ايه
طاهر : يعني انتي مش بنتي انتي بنت مراتي
ضحي بصدمه : بتقوووول ايييييه
طاهر :زي ما بقولك كده انا كنت بحب امك ولما هي ماتت سابتك ليا فكرت اكتر من مره اني اتخلص منك بس كنت ف كل مره بشوف فيكي امك ف خليتك معايا
ضحي ببكاء : يعني انا عايشه معاك كل ده مستحمله القذاره اللي انت بتعملها وتهريب سلاح وقتل ناس علي اساس انك ابويا كنت بدعي ربنا انو يهديك وف الاخر اطلع عايشه مع واحد غريب عني طول الفتره دي انا لايمكن اقعد معاك ثانيه واحده
طاهر وهو يجذبها من شعرها : لا هتقعدي وغصب عنك يا ضحي مهي مش بمذاجك انا مفيش حد يقولي لا علي حاجه انا عاوزها
ضحي وهي تتألم بين يديه : ااااه ابعد عني يا حقير انت
طاهر وقد وجه لها صفعه قويه : اخررررسي خدوها ارموها مع البت اللي جوا دي مفيش اكل ليهم ومفيش شرب يتحطلهم خلوهم زي الكلاب كده لحد ما يبان لهم اصحاب
ضحي : حسبي الله ونعم الوكيل فيييك
طاهر وهو يركلها ببطنها بشده : اتلمي يا بنت خدييييجه
ضحي وهي تتألم : اااااه بس بقا بططططل منك لله ااااه
احد الحراس وقد اشفق علي ضحي : خلاص يا باشا متحرقش دمك عشانها انا هاخدها ارميها ف الاوضه جوا هدي نفسك يا باشا ...
طاهر بعصبيه : خدها من قدامي بسررررعه
الحارس : فورا يا باشا قدامي يا بت
تحرك الحارس برفقه ضحي نحو الغرفه التي توجد بها مايا ثم قام برميها الي الداخل قائلا بصوت مرتفع : غوررري هنا جوا ومش عاوز اسمعلك نفس ثم همس في اذن ضحي : متخافيش انا من طرف بهجت بيه وهساعدك بس متجبيش سيره لحد وانا هطلعك من هنا اتفقنا خليكي انتي بس ممثله انك مش عارفه
ضحي : فهمت اوك
الحارس بصوت مرتفع : ابقي اسمعلك نفس بقا
ضحي ببكاء : من .. منكو لله يا .. يا مفتررين اااه بطني
شعرت مايا بوجود شخص ما معها بالغرفه فقامت بفتح عينيها بتعب شديد وقالت بصوت ضعيف : ع .. عاوزة اشرب ميا
ضحي وقد اتجهت نحوها مسرعه : منهم لله عملو فيكي ايه انا هساعدك متخافيش قوليلي بس انتي اسمك ايه
مايا وهي تحاول فتح عينيها المتورمتين وتحريك شفاهها التي ازرقت من كثره الضرب : م .. مايا
ضحي : متقلقيش يا مايا احنا انشاء الله هنخرج من هنا هفكر ف حل
مايا وهي تهز رأسها بالموافقه : ممكن تفكيلي ال .. الحبل اللي رابطين بيه ايدي ورجلي
ضحي : حاضر يا حبيبتي انا اسفه جدا عارفه انو انسان معندوش قلب والا رحمه بس احنا هنخرج من هنا
مايا بتعب : آآ .. ازاي
ضحي : هقولك بس انتي لازم تساعديني بصي انا اخدت المبايل بتاعي وخبيته كويس اوي من طاهر عشان لو كان عرف كان خدو مني احنا ممكن نكلم البوليس يجي ينقذنا
مايا وهي تغمض عينيها من التعب : انتي نسيتي انو اكيد حراسه منتشرين ف المكان ولو شافو اي عربيه شرطه قربت ممكن ياخدونا ونمشي من هنا تاني لا لازم نفكر ف حل تاني
ضحي : طيب انا معرفش اي حد يجي ينقذنا انتي فاكره رقم اي حد من اهلك
مايا : مش .. مش فاكره رقم اي حد فيهم
ضحي : ابوس ايدك افتكري رقم اي حد ركزي كويس
اغلقت مايا عينيها للحظه لتحاول ان تتذكر رقم آسر لانه كان يجعلها تكرره بسبب المهمه التي اشتكرو بها ....
مايا : ايوا افتكرت
ضحي : ابوس ايدك اشجيني بالنمره
مايا : ( ******* 01 )
ضحي : جرس اهو
مايا : اتكلمي انتي وقوليلو علي المكان انا مش قادره اتكلم حاسه اني بالعه حجره
ضحي : حاضر ارتاحي انتي بقا ومتتكلميش
مايا وهي تغمض عينيها : تمام
قامت ضحي بالاتصال بآسر اكثر من مره ولكنه لم يجبها مما تسبب في غضب ضحي و ..
ضحي : احم انسه مايا الرقم اللي ادتيهولي مش بيرد
مايا : ازااي طيب جربي معاه تاني
ضحي : جربت كتير مش بيرد
مايا : يااااربي بقا كده حراام رد يا آسر بقا .....
ضحي : هو صاحب الرقم ده يقربلك ايه
مايا : ميقربليش حاجه ده يبقي ظابط شرطه اعرفه
ضحي : اهااا طيب ممكن يكون مشغول دلوقتي ف حاجه مهمه خلينا نستني لحد بليل ونشوف ايه اللي هيحصل معانا
مايا بتعب : طيب
انتظرت ضحي حتي المساء ثم قامت بأعاده الكره ولكن هذه المره نجح ما كانت تخطط له وقام آسر بالرد علها و ...
ضحي بلهفه : اخيررا الو
آسر : هو ايه اللي اخيرا من الصبح يا استاذه عماله تتصلي الناس وراها مصالح مش فاضيين للمعاكسات دي
ضحي : يا استاذ بس ركز معايا معاكسات ايه انا مش بعاكس والله في حاجه مهمه بس انت لازم تعرفها
آسر : حاجه ايه دي بقا انشاء الله اللي انا لازم اعرفها
ضحي : حضرتك تعرف الانسه مايا
آسر بقلق : ايوا اعرفها مالها مايا
ضحي بنبره منخفضه : احنا مخطوفين دلوقتي وف مكان ف الارياف اسمه (( .... )) لو حضرتك تعرف اي حد من اهلها ياريت تبلغه وتجولنا بسرعه ارجوك احنا ممكن يحصلنا اي حاجه
آسر بعصبيه : مخطوفيين ازاي وانتي بتتكلمي ف الموبايل انتي مخطوفه ف بيت الرعب خليني اكلم مايا عشان اتأكد
ضحي : بس هي مش قادره تتكلم
آسر : هاتيها بس
ضحي : حضرتك هو مش سنترال بقولك مخطوفين وبتكلم من ورا اللي خاطفيني ولو اكتشفو كده ممكن تحصلنا مشاكل
آسر : مهو لو تبطلي رغي شويه كان زماني كلمتها هاتيها ده لو هي معاكي فعلا شكلك اصلا واحده ظريفه كده بتستخف دمها وهقفل ف وشك السكه والا اقولك هلبسك قضيه ازعاج سلطات
ضحي : استغفر الله العظيم من كل ذنب عظيم استني يا سيدي .... يا انسه مايا اصحي الظابط عاوز يكلمك
مايا وهي تمسك الهاتف بتعب وتضعه علي وجهها المتورم من اثر اللكمات القويه التي تعرضت لها : ايوا يا آسر
آسر بصدمه : مااااياااا يعني الحكايه صح
مايا : آسر لو سمحت الحقني ق .. قول لنادر وادهم يا آسر متسيبونيش انا خايفه اوي
آسر : متخافيش يا مايا انا جايلك حالا ده انتي جنب القسم ب مفيش
مايا : لا يا آسر لو سمحت ممكن نتئذي لو قربت من القسم اي عربيه شرطه او لو حسو ان في حركه جمبهم لو سمحت يا آسر تقول لاهدم ونادر يتصرفو بس بلاش تدخلو الشرطه ف الموضوع
آسر بقلق : طب انتي كويسه حد فيهم عملك حاجه حد قربلك يا مايا
مايا : الحمد لله لا والنبي يا آسر متتأخروش انا خايفه جدا الراجل ده مش ممكن يكون طبيعي ابدا
آسر : اقفلي يا مايا انا جايلك
ما ان اغلقت مايا الخط واذ بكل من مايا وضحي يذهلو بدخول طاهر الي الغرفه و ....
طاهر ووجه يملائه الغضب والحنق : ااااه يا بنت ال ***** فكراني نايم علي وداني
ضحي بصدمه : ط .. طاهر