رواية ساغيرك رغما عنك.. (الجزء الاول).( مكتملة)..بقلمي/ملاك أسد .. ❤❤

الحلقة الثالثة والعشرون

بعد رحيل مايا ظل نادر في حاله ذهول لانه لم يكن يدري لم اخبر مايا بما حدث معه و..
نادر في نفسه : هو انا ليه اصلا قلتلها علي اللي حصلي هي مالها اكيد قالت عني اني كنت ساذج وعبيط لاني حبيت واحده زي هايدي وصدقتها ... بس انا اول مره ارتاح ف الكلام مع حد اووي كده بنت الايه اقنعتني اني كنت غلط خاالص فعلا انا اتوجعت اوي بسبب اللي حصلي بس مكانتش مستاهله اوي كده ...... بس بصراحه بالرغم من لسانها اللي عاوز قطعه والمقلب اللي عملته فيا الا اني مبسوط عشان هي مطلعتش زيهم وانا كنت متأكد من ده
هو انا بقيت بفكر فيها كتير اوي كده ليه يمكن عشان حاسس انها طيبه ونضيفه من جواها ايوه بالظبط كده اصلا مبقاش في حد طيب كده .....
ظل نادر غارقا في شروده وتساؤلاته فتره طويله ثم اتجه نحو غرفته لينعم بنوم هادئ قليلا
وفي الصباح
بدأ نادر في الاستيقاظ ثم ااتجه نحو بلكونه غرفته لكي يتمكن من ان يهدئه هواء الصباح النقي الذي يجعلنا نشعر بحاله افضل وما ان خرج اللي هناك وجد تجمع العائله بالاسفل في جنينه الفيلا ومعهم مايا وحولهم جميع من يعملون بالفيلا فقرر ان يذهب ليري ما هو سبب تجمعهم بالاسفل فقد كان يخشي ان يكون هناك مكروه قد اصاب والده فأسرع اللي الاسفل ولكن عندما وصل كانت هناك مفاجأه في انتظاره فقد كان هناك صوت في شده الرقه يقوم بتلاوه بضع ايات القرأن الكريم مما جعل نادر في حاله ذهول وثبت في مكانه ولم يتحرك عندما سمع هذا الصوت الذي نفذ واخترق قلبه ....
و بعد ان توقف ذلك الصوت عن تلاوه القرأن ...
فوزي : الله يفتح عليكي يا بنتي
امنيه : بسم الله مشاء الله صوتك بجد يا مايا يدخل القلب علي طول
صباح : مشاء الله عليكي يا دكتور صوتك خلانا كلنا نبكي والله
نادر : هي مايا اللي كانت بتقرأ القرأن من شويه
فوزي : اه يا ابني شفت صوتها حلو ازاي
نادر : .....
فوزي : بصي يا بنتي انتي تقدري تصلي ف اوضه الضيوف براحتك وبعدها تيجي تشرفي عليا اتفقنا
مايا : اها اتفقنا ميرسي يا عمي
صباح : تعالي يا دكتور اوريكي اوضه الضيوف
مايا : لا لا يا صباح انتي اكيد وراكي شغل كتير قوليلي بس هي فين
صباح : طيب يا دكتور هي رابع اوضه علي ايدك اليمين اول ما تطلعي السلم
مايا : اها اوك يا صباح ميرسي
فوزي : ناادر تعالي طلعني اوضتي لحد ما مايا تخلص يا ابني
نادر وقد افاق من شروده : ها ... انت بتكلمني انا يا بابا
فوزي : هو في نادر غيرك تعالي طلعني يا ولد
نادر : حاضر يا بابا هات ايدك
استند فوزي علي نادر واخذو يتجهو لداخل الفيلا وكانت مايا تمشي بجوارهم و ....
مايا : هي صباح قالت رابع اوضه علي ايدي اليمين والا الشماال طيب ارجع اسئلها لا خلاص انا كده كده قربت اوصل
دلف فوزي اللي غرفته بمساعده نادر و ...
فوزي : بس كده يا ابني ربنا يكرمك بس انا حسيت انك كنت سرحان تحت كده مالك
نادر : ها .. لا والا حاجه يا بابا كل الحكايه ان صوت مايا كان جميل اووي بجد عجبتني
ااااا اقصد صوتها عجبني يعني
فوزي : امممم قولتلي صوتها بقا اللي عجبك
نادر : ايوون بالظبط كده
فوزي : طييب .. عاارف يا نادر من يوم ما البنت دي دخلت ف حياتنا وانا حاسس ان حياتنا بقت احسن بكتيييير اوي عارف انا وامك قررنا اننا نواظب علي الصلاه من تاني
نادر : اهاااا ربنا يهديكو يا حاج اللهم قوي ايمانكو
فوزي : يلا ياض من هنا انا غلطان اني بقولك حاجه اصلا خليك انت كده مبتصليش
نادر : ومين قالك يا حاج اني مش هصلي
فوزي بفرحه : يعني تقصد انك هترجع تصلي تاني
نادر : يااارب يا بابا اواظب عليها زي الاول تااني
فوزي : انشاء الله يا حبيبي تقدر تواظب عليها وانا ووالدتك هتلاقينا فوق دماغك لو فوتت فرض واحد بس
نادر : ههههههههه انشاء الله مش هيكون في حاجه تفوتني يلا عاوز مني اي حاجه تاني
فوزي : لا يا ابني ربنا يكرمك
نادر : طيب انا هطلع اوضتي لو عاوز اي حاجه منني ابعتلي صباح تقولي بس ماشي يا حاج
فوزي بأبتسامه : ماشي يا ابني ربنا يهديك
نادر : يااارب يا حاج عن اذنك
خرج نادر من غرفه والده ثم اتجه نحو غرفته وكانت المفاجأه عندما رأي ....
نادر بصدمه : اييييه ده يا فضيحتتتي انتي بتعملي ايه ف اوضتي
مايا بخضه : هو انت ... انت بتعمل ايه ف اوضه الضيوف
نادر : لا دي مش اوضه الضيوف دي اوضه العبد لله ع الكسفه اللي انت فيها يا حاازم
مايا بأرتباك : اااه ... انا اسفه والله بس عمي فوزي قالي اطلع اصلي ف اوضه الضيوف وصباح قالتلي انها رابع اوضه بس ف لقيت دي رابع اوضه ودخلت ممكن اكون اتلغبتط
نادر : امممم رابع اوضه علي ايدك اليمين دي رابع اوضه نحيه الشمال بس ياريت تتلغبطي علي طول والنبي
مايا : احم اهااا خلاص انا اسفه والله هقوم حالا
نادر : لا لا تقومي ايييه اثبتي زي ما انتي انا هتوضي واجي نصلي جماعه
مايا : ايه ده سبحان الله هو انت بتصلي اصلا
نادر : بصراحه كنت بصلي بس وقفت صلاه بعد اللي حصل معايا بس بعد ما سمعت صوتك ف القرأن تحت حسيت اني عاوز اصللي اووي واني مقصر ف حق ربنا اوووووي استنيني بقا اما اتوضي واجي
مايا قاصده اغاظته : طيب فاكر الوضوء ازاي
نادر : لا يا شييخه اسكتي بقا متقفلينيش منك انتي هتصلي مع ابن اختك اللي ف اولي ابتدائي
مايا : هههههه طيب يلا بسرعه عشان انا ورايا شغل لسه
ذهب نادر للوضوء ثم عاد مره اخري وبدأ في الصلاه كلا منهما وبعد ان انتهو ...
نادر : حرما يا دكتور بس انتي كنتي بتطولي ف السجود اووي كل مره كده ليه
مايا : بصراحه كنت بدعي دعوه ف كل سجده
نادر : لو مفهاش رخامه يعني ممكن اعرف انتي كنتي بتدعي ايه
مايا : ولو ان فيها رخامه بس هقولك كنت بدعي ان ربنا يهدي اي حد ف الضلمه ويرجعو تاني للطريق الصح
نادر : مش عارف ليه عندي احساس ان ربنا استجاب دعوتك دي
مايا بأبتسامه : يااارب يكون استجابها
نادر : مايا انا عاوز اقولك بصراحه متزعليش مني عشان يعني اللي كنت بعملو ليكي وكل الخنقات اللي كننا بنتخانقها دي
مايا : بصراحه انا كمان عاوزاك متزعلش مني بسبب احم يعني المقالب اللي كنت بعملها فيك
نادر : هههههه ده انتي وريتيني يومين مسخررره والا لما جيت افتح الهديه لقيتلك ده بيبصلي وشنبو قد كده وعاوز يجري وربنا قلبي كان هيقف
مايا : هههههههه خلاص خلاص غلطه وندمان عليها
نادر وقد امد لها يده ليتصافحو : يعني خلاص صافي يا لبن
مايا بأبتسامه : حليب يا قشطه يلا عن اذنك
نادر : اتفضلي
بعد ان غادرت مايا
نادر في نفسه : والله بت كيوت وطيبه ويخربيت صوتها ده انا سررررحت ف دنيا تانيه سمعت منها كام ايه من هنا افتكر قد ايه انا مقصر ف حق ربنا الحمد لله يارب ثبت قلبي علي ايمانك يارب و ما اوقفش صلاه تاني ياارب استجيب دعوتها
خرجت مايا من غرفه نادر والابتسامه تعلو وجهها و ...
مايا في نفسها : الحمد لله اووي كده ياارب بقا يصلي تاني علي طول ويبدأ يتعدل تاني واقدر اكول قد الثقه الكبيره اللي حطوها فيا عمي فوزي وامنيه هانم ويارب اكون اللي بعمله ده بفايده بس الغريبه ان انا فعلا مكنتش اعرف ان دي اوضته هو ممكن يكون فعلا دي صدفه القدر لا لا ايه اللي انا بفكر فيه ده اما اروح اشوف عمي فوزي ...
اتجهت مايا نحو غرفه فوزي الدمنهوري ثم طرقت بضع طرقات حتي اذن لها بالدخول و ...
مايا : انا اسفه اوي يا عمي علي التأخير ده
فوزي : لا يا بنتي ولا يهمك انا عاوز اقولك خبر حلو نادر قرر يرجع يصلي تاني
مايا بفرحه : وحصل فعلا يا عمي
فوزي بفرحه : بجد يا بنتي يعني نادر صلي طب امتي وفين
مايا : لما حضرتك قولتلي اطلع اصلي ف اوضه الضيوف ف سألت صباح هي فين ولما قالتلي وانا طالعه بصراحه كنت متلخبطه ما بين اوضتين ورحت سلمت امري لله ودخلت واحده فيهم ولسه بحط سجاده الصلاه لقيت نادر دخل واكتشفت ان دي تبقي اوضته بس انا والله مكنتش اعرف ف لسه بقوله انا اسفه وخلاص هقوم لقيتو بيقولي لا استني انا هاجي اصلي معاكي جماعه بس كده ولما خلصنا جيت علي هنا
فوزي بفرحه : انا مش عارف اقولك ايه يا مايا انتي بجد يا بنتي نجحتي من اول يوم كده ربنا يكرمك يا بنتي انا متشكر جدا يا مايا
مايا بأبتسامه : لا شكر علي واجب يا عمي
فوزي : طيب ايه الخطوه الجايه يا بنتي
مايا : انا كنت عاوزة اخد رأي حضرتك ف حاجه كده اننا مندخلش اي حاجه جديده دلوقتي شويه كده لححد ما يتعود يرجع تاني يواظب علي الصلاه لان لو في اكتر من حاجه جديده دخلت حياه نادر ف ده ممكن يسببله تشتيت وكمان ممكن يزهق ف ايه برضو رأي حضرتك
فوزي : عند حق والله يا بنتي خلاص اللي انتي شيفاه احسن اعمليه
مايا : خلاص يا عمي انشاء الله كمان اسبوع كده هبدأ في الخطه الجديده
فوزي : وهو كذلك يا بنتي
مايا : المهم يا عمي حضرتك لسه بتحس بالالم اللي بيجي فجأه ده
فوزي : انا قلب ارتاح يا بنتي من ساعه ما شفت نادر بدأ يتعدل الحمد لله دلوقتي مبقاش في اي الم
مايا : طيب الحمد لله
وبعد ان انتهت مايا من الاشراف علي حاله فوزي الصحيه التي بدأت في التحسن اتجهت خارج الفيلا تنتظر ادهم وفي طريقها اللي هناك رأت صباح فقررت ان تسألها عن شئ ما و ...
مايا : يا دادا صباح ممكن ثواني
صباح : اؤمريني يا دكتور حاجه تاني تبع الخطه
مايا : ههههههه لا يا صباح انا بس كنت عاوزة اسئلك سؤال كده
صباح : اتفضلي يا دكتور اسئلي اللي انتي عوزاه
مايا : هو نادر يعني كان بيحب اي هوايه اي حاجه كده كان بيستمتع بيها زمان مثلا يعزف موسيقي او يلعب لعبه رياضيه
صباح : ايوا ايوا يا دكتوره انا فهمت قصدك نادر بيه كان دايما بيلعب اللعبه اللي بيلبسو فيها حاجه زي الجوانتي المنفوخ كده ويفضلو يضربو ف خلق الله
مايا : هههههههه تقصدي ملاكمه يا صباح
صباح : ايوااا الله ينور عليكي يا ست هانم هو كان دايما يلعبها وكان بيجيب فيها بطولات كتير اوووي لحد ما حصل اللي حصل
مايا وهي تفكر في شئ ما : امممممم قولتيلي خلاص متشكره اوي يا صباح
صباح : اي خدمه تاني يا دكتور
مايا : لا يا صباح ربنا يخليكي
مايا في نفسها : امممم الملاكمه بقا كده خلاص انا هتصرف
اتجهت مايا خارج الفيلا اللي ان اتي ادهم و اخذها ثم اتجهوا سويا نحو المنزل وهناااااااااك .....
حصصصصل ......