مُقيدة بالحب

الفصل الثاني

(2)

_مين اللي كنتي واقفه معاه ده؟؟

قالها بحده وهو يسحب يدها ويدخلها الي داخل شقتها بينما هي تنظر اليه بدهشة تحولت لغضب وهي تتحدث :

_هي ديه ازيك يا ابن عمي؟؟

_بقولك مين اللي كنت واقفه معاه ده يا ملك مش هكررها تاني؟

قالها بغضب وهو ينظر اليها بينما هي كانت تنظر له بحده مماثله له وقبل ان تتحدث اتت والدتها وهي تنظر اليهم بتعجب :

_مالكم في ايه؟؟

نظرت ملك اليه بغيظ شديد و قبل ان تردف بكلمة استمعت الي طرق علي الباب مما جعلها تنظر الي محمد بتوتر .. ابتعد عنها واقترب هو من الباب ثم فتحه وهو ينظر الي الواقف علي الباب وبيده شنطة سوداء وعلي وجهه ابتسامة سرعان ما تلاشت وهو ينظر الي وجه الغاضب امامه وقطب حاجبيه وهو يردف :

_مين حضرتك؟؟

ضحك محمد بسخرية قبل ان يجيبه بنبرة ساخره :

_اعتقد انا اللي فاتح الباب يعني انا اللي من حقي اسألك مش انت .. مين انت بقي؟؟

نظر مصطفي خلف ممد وهو ينظر الي ملك ووالدتها ثم نظر الي محمد من جديد واجابه بهدوء :

_انا مصطفي جارهم !

_وانت كنت بتعمل معها ايه بقي يا جارهم؟؟

قالها محمد بسخرية بالغه ممزوجه بالحده استشعرها مصطفي في كلماته مما جعله يشعر بالتوجس للحظه قبل ان يرمقه هو الاخر بسخرية جعلت محمد يستشيط غضباً وقبل ان يردف بشئ اقتربت ملك من مصطفي وهي تتحدث :

_معلش يا مصطفي .. كنت عايز ايه؟؟

نظر اليها مصطفي بلوم قبل ان يمد يده بالكيسة البلاستيكيه السوداء في يده اليها وهو يتحدث بخفوت :

_دول حاجتك نسيتيها تحت!

نظرت اليه بتعجب لانها لم تحضر شئ حتي تنساه ولكنها ادركت انه يحاول ان يقيها من المشاكل التي قد تحدث .. فـ حركت رأسها بتفهم واردفت بنبرة بها امتنان :

_شكرا يا مصطفي.

حرك رأسه والقي نظرة عابرة علي محمد قبل ان يتركهم ويغادر .. اغلقت ملك الباب خلفه ثم نظرت الي محمد وتحدثت بغضب :

_ايه الطريقة اللي انت كلمت بيها مصطفي ديه .. ازاي تكلمه كده؟

_نعم ياختي .. وعايزاني ان شاء الله استقبله بالاحضان وهو راجع مع بنت عمي في عربية واحده وواقف بيتحاور معها في الشارع وطالع ليها البيت .. ليه شيفاني عيل بريالة .

قالها محمد بغضب شديدة قبل ان تردف ملك بحده :

_ده اخويا يا متخلف انت بتقول ايه؟