*
قام عطى الطفل مصاصه وبعثر شعره : خلك شاطر واسمع كلام ماما وخذ دواك في وقته عشان تصير قوي اوكي ؟
الطفل اخذ منه المصاصه وهز راسه : اوكي .
ابتسم ولوح للطفل وامه ورجع لمكتبه جلس قدام الابتوب وتثاوب : اوففف يوعاان (سمع الباب يندق ورفع راسه ) تفضل
انفتح الباب ودخل هتان راسه من الباب وابتسم : صباح الخير دكتور سيف .
سيف ابتسم بوسع : صباح النور هتوني .
هتان دخل مسكه من يده وسحبه معه : قوم بنروح نتريق .
سيف وقف سكر لابتوبه بسرعه وطلع وراه بعد ماسكر الباب : ليش مب متريق مع حبيبك ؟
هتان التفت له ضربه على كتفه : اقصر صوتك بعدين تريقنا مع بعض بس يعت مره ثانيه .
سيف يمسح كتفه ومشى قربه : انزين .
نزلو لكافتيريا المستشفى يسولفون ويضحكون سيف رفع راسه التفت عينه بعيون خالد وعض شفته بإبتسامه .
خالد اول ماشافه كشر لف عنه ينتظر قهوته حس بأحد وقف وراه ولاصق فيه تأفف اول ما شم ريحة عطره تقدم خطوتين لقدام .
سيف ضحك بخفه وقرب منه اكثر غمض عيونه ياخذ نفس يشم ريحة عطره فتح عيونه متخدر وهمس : غيرت عطرك؟ هممم هذا يجنن بعد .
خالد التفت لسيف كشر في وجهه رفع يده لصدر شهاب بعده لورا : قلت لك ألف مره خلي بينا مسافه لا تلمسني .
سيف ابتسم اكثر من لمسة خالد وهز راسه : تبيني المسك اكثر؟ امر بس .
خالد عقد حواجبه : من وين تسمع انت؟ بعد عني احسن لك دكتور سيف نحن في مكان عمل ( التفت خذ قهوته وراح ) .
سيف خذ نفس قهوة خالد وراح عند هتان اللي ياكل بسرعه مبتسم وجلس شاف هتان ورفع حاجبه : شفيك شوي شوي مابيطير الاكل .
هتان يطالع سيف ويمسح فمه : مايخصك فيني بعدين شو تبا تتحرش في خالد ونبتلي نحن بنفسيته الزق يحط كل حرته علينا .
سيف ضحك وشرب قهوته : احب اطفر به يعصب بسرعه على كل شي يطلع كيوت مع تكشيرته .
هتان يقلب عيونه ويشرب عصيره : تحرش فيه بعد الدوام مب من الصبح والله نفسيته زق علينا .
سيف قام يطالع ساعته : المهم عندي مريض الحين بروح اشوفه باي .
هتان هز راسه ولوح له : باي .
أنت تقرأ
خُـــذنـي إلــيكَ .
Action"لست عاديًا بالنسبة لي، دائمًا أراك كما لو أنك الشيء الوحيد الذي يجب علي أن أهدر الأيام معه ولا أبالي" ( قصه قصيره عشوائيه )
