*
شهاب سمع اصوات برا الغرفه رفع راسه عن المخده وعقد حواجبه *يارب مب حرامي مافيني اقوم* .
انفتح الباب فجأه ودخلو عمر وهتان لابسين قبعات العيد ميلاد ويغنون سنه حلوه يا جميل دخل ابراهيم وراهم شال كيكه ويغني معهم .
شهاب جلس فوق السرير مبتسم بوسع : عيد ميلاد منو ؟
ابراهيم حط الكيكه قدامه وضربه على راسه : عيد ميلادك يا حمار.
شهاب فرك راسه ورفع حواجبه : اوههه عيد ميلادي اليوم ؟
هتان يضحك عليه : صباح الخير عاد .
ابراهيم جلس قدامه : يله تمنى امنيه وانفخ الشمعه .
شهاب مسك وجهه باس شفته : امنيتي متحققه من زمان .
ابراهيم ابتسم ضرب يده بخفه ولف وجهه مستحي : انفخ الشمعه .
هتان ضحك وحاوط خصر عمر : همممم حلوييين .
عمر ابتسم حط يده على كتف هتان وبعثر شعره : هيه .
شهاب نفخ الشمعه اخذ طرف الكريمه اللي في الكيكه باصبعه ومسحه على انف ابراهيم وضحك .
ابراهيم عقد حواجبه مسك راس شهاب ونزله على الكيكه قام من السرير يمسح يده ومبتسم بفخر : كل عام وانت بخير حبيبي .
شهاب شهق ورفع راسه عن الكيكه مصدوم .
هتان طاح على الارض من الضحك على شكله وجهه كله كيك وكريمه .
عمر انسدح قرب هتان ميت ضحك .
شهاب شل الكيكه وقام يركض ورا ابراهيم : انا اراويك تعاااال هنييي .
ابراهيم هرب منه بسرعه ويضحك : لااااا خلاص خلاص اسف اسف مابعيدها .
بعد كم دقيقه شهاب تعب من الركض وجلس على الكنبه والكيكه في حضنه .
ابراهيم واقف عند الباب حاط يده على صدره ينظم تنفسه : حبيبي .
شهاب رفع راسه يطالعه وعقد حواجبه لف وجهه عنه وجلس ياكل من الكيكه .
ابراهيم ضحك بخفه اخذ كلينكس من الطاوله وجلس قربه مسك وجهه بيد واليد الثانيه يمسح الكريمه من وجهه : اسف حبيبي .
شهاب قلب عيونه : انسى هذا وين هديتي ؟
ابراهيم عض شفته السفليه : مب الحين .
أنت تقرأ
خُـــذنـي إلــيكَ .
Action"لست عاديًا بالنسبة لي، دائمًا أراك كما لو أنك الشيء الوحيد الذي يجب علي أن أهدر الأيام معه ولا أبالي" ( قصه قصيره عشوائيه )
