*
منسدح على السرير يطالع الانستقرام بملل وصله اشعار انه نزل صوره دخل على حسابه بسرعه على اخر صوره مصور نفسك لابس البالطو وحاط يده تحت خده وكاتب تحت الصوره ( العزوبيه خايسه) .
عدل جلسته ورفع حاجبه على الكلام نزل تحت الصوره يقرا التعليقات وشاف محمد ( الممرض ) كاتب له ( افا تعال عندي اونسك) وسيف راد عليه ( جايك جايك في الطريق ) .
طلع من البرنامج واتصل على محمد .
محمد رد على طول : هلا هلا خلودي .
خالد رفع حاجبه : انت وين ؟ شو تسوي ؟
محمد ابتسم : في البيت توني راد من المستشفى ريولي تعورني .
خالد عقد حواجبه : منو معك ؟
محمد كتم ضحكته : عندي اهلي منو بعد ليش ؟
خالد تنهد : ولا شي كنت اسأل بس .
محمد ضحك بخفه : اها اوك، هيه صح عزمت سيف على العشاء بتروح ويانا ؟
خالد قام يفتح الخزانه يطالع ملابسه : لاطبعا ليش اروح ؟
محمد قلب عيونه : يله عاد تتريانا اترجاك ، الساعه تسع بكون عند بيتك اطلع لي باي الحين .
خالد بيرد بس محمد سكر في وجهه .
-
عمر جالس فوق الكنبه اللي في غرفة القياس يطالع في هتان من فوق لتحت .
هتان يدور حول نفسه : شرايك ؟
عمر يطالعه : مب حلو .
هتان فصخ البلوزه رماها عليه : هذا سابع مره اغير قوم اختار لي انت دام اختياري مايعجبك .
عمر بعد البلوزه عن وجهه : شو اسوي يعني كل شي يطلع حلو عليك مابا احد ينجذب لك .
هتان استحى وقلب عيونه : من زيني عشان ينجذبون لي ( جلس جنبه ) قوم اختار لي يله .
عمر قرب منه باس خده : خلاص خذ اللي عجبك حبيبي .
هتان ضرب عمر على كتفه : ماعرفت لك عمر مره تقولي لا تاخذ والحين خذ .
عمر ضحك مسك فك هتان وباس شفته : اسف بس كل اللي لبستهم جسمك طالع يجنن شو اسوي يعني ؟
هتان قام مستحي اخذ الملابسه : غبي انت بروح احاسب انقلع .
عمر ضحك وقام وراه بعد ماحاسبو رجعو بيتهم ، دخل هتان الحمام اخذ شور سريع وطلع لقى عمر منسدح فوق السرير بشورت ويطالع الابتوب .
أنت تقرأ
خُـــذنـي إلــيكَ .
Action"لست عاديًا بالنسبة لي، دائمًا أراك كما لو أنك الشيء الوحيد الذي يجب علي أن أهدر الأيام معه ولا أبالي" ( قصه قصيره عشوائيه )
