*
شاف عمر متجه للمصعد مع وحده من ممرضاته اللي لاصقه فيه وتضحك معه عقد حواجبه وراح لهم وركب المصعد معهم .
عمر شافه وابتسم بوسع : مساء الخير دكتور هتان .
هتان تجاهله وضغط على الطابق السابع .
الممرضه قربت من عمر : المهم دكتور عمر بكمل لك السالفه بعد ما طلع...
عمر قاطتها وعينه على هتان : بنسولف بوقت ثاني مريم .
مريم استغربت والتفت لهتان اللي عمر يطالعه : ليش شو صار ؟
هتان تنهد بقوه وقف المصعد ونزل بسرعه اول ما فتح .
عمر طلع وراه بسرعه .
دخل هتان غرفة الاستراحه وفصخ البالطو بسرعه بعد ماحس بحر رماه على الطاوله .
عمر دخل وراه وسكر الباب قرب منه بشويش وحاوط خصره : حبيبي ؟
هتان تنفس بعمق : شو يابك ؟ كان كملت سوالف وياها ولصقتها فيك اكثر من بقى ماشافكم ولا سمع ضحكتكم .
عمر ابتسم ودفن وجهه في رقبته : احب غيرتك احبها احبها .
هتان حاول يطلع من بين يدين عمر : بعد عني تستهبل علي انت ؟
عمر عض رقبته بخفه : وقففف بعدين نحن كنا نسولف بس شو فيك مب انت اللي كنت تقولي انه مريم طيوبه وحبوبه وسوالفها تفتح النفس .
هتان تكتف مبوز : اسحب كلامي كله ما احبها دايماً لاصقه فيك وتتحمس من تشوفك او تسمع بطاريك .
عمر مسك يده راح يجلس وسحب هتان فوقه يبوس خده : وانت تدري انه محد مالي عيني غيرك ؟ يعني انت الوحيد اللي اشوفه .
هتان سند راسه على كتف عمر : ادري عشان جي لا تخليها تقرب منك وتتعدا حدودها معك .
عمر مسك يد هتان شبك اصابعهم في بعض وابتسم : ان شاءالله اي اوامر ثانيه حضرتك ؟
هتان ابتسم وغمض عيونه : هيه اسكت خليني انام .
عمر ضحك وباس يده : بخليك تنام ساعه بس عندي شغل ترا .
هتان هز راسه وغفى .
-
دخل المستشفى يمشي بملل شاف ابراهيم وشهاب يتغدون في الكافتيريا راح عندهم وجلس .
ابراهيم رفع حاجبه : في شي دكتور خالد ؟
خالد حط راسه فوق الطاوله : اسكت انت صوتك اييب لي صداع .
أنت تقرأ
خُـــذنـي إلــيكَ .
Action"لست عاديًا بالنسبة لي، دائمًا أراك كما لو أنك الشيء الوحيد الذي يجب علي أن أهدر الأيام معه ولا أبالي" ( قصه قصيره عشوائيه )
