بنات المنشاوي 💚 (الجزء الاول)

بنات المنشاوي الفصل الثالث

بقلم خلود وائل 🌻
الوقت بيمر ببطء وكل بنت بتفكر مرة والف مرة تانيه
ورد:هنعمل ايه دلوقت
دعاء:انا خايفه قوي
آيه:لو خفنا وقعدنا هيكون مصيرنا واعر قوي
ورد:انتو عاوزين ايه
آيه:معوزاش اتجوز الكلب ال اسمه فراچ
دعاء:انا خايفه عليكم وخايفه فارس يزعل مني
ورد:فارس هيديلنا عزرنا اكيد
نظرت الفتيات لبعضهم البعض وكأنهم اتخذو قرارهم وبدائو بجمع مقتنياتهم من ملابس ومجوهرات واي شئ قد يحتاجونه ومر الليل وفي تمام الساعه الواحدة بعد منتصف الليل دخلت صفيه بهدوء لغرفه ورد وهي تحمل صرة كبيرة بين يديها
ورد:تعالي ياما اتفضلي چيتي بدري ليه
صفيه:خدي ياورد
ورد:ايه دة
صفيه:دي فلوس ياحبيبتي هتحتاجوها
ورد:لا خليهم معاكي احنا معانا دهبنا هنبيعه
صفيه:لا اوعاكي ياورد دهبك انتي واخواتك زينتكم يابنتي بس عشان خاطري ادارو من عيون الناس وبلاش تلبسوة عاد
ورد:حاضر
صفيه:خدي يابنتي انا عارفه ان حسان الله يسامحه مانع منكم المصاريف من اول الاجازة ودول مني انا مش منه وكفايه حرمانكم من خيركم وعزكم
ورد بدموع:معوزاش امشي واسيبك يما
صفيه بدموع:يعز عليا فراقكم ياضي العين
بعد دقائق قضتها ورد في احضان صفيه افاقت علي دخول اخواتها دعاء وآية
دعاء:مش هوصيكي ياما تفهمي فارس انه غصب عننا
صفيه:متحمليش هم يابنتي فارس عيحبك ويخاف ع خواتك
آيه:عتوحشيني كتير قوي يما
صفيه:وانتو ياحبايبي ربنا وحدة يعلم قد ايه فراقكم دة بيقطع في قلبي
ورد:وبعد مانهرب هنعمل ايه
صفيه:دلوك هننزل وتخرجو من باب القصر الوراني بتاع الاسطبل هتلاقي الغفر نايمين تطلعو ع محطه القطر وتفوتو في اول قطر تلاقوة المهم تبعدو من اهنه بأسرع وقت ولما الاقي فرصه هكلمكم اطمن عليكم بس بلاش انتو تتصلو عليا علشان محدش ياخد باله
دعاء:وبعدين
صفيه:هتتدارو بعيد لحد ماآيه تتم ٢١سنه وبعدها ربنا يكرمكم بحد يقف جاركم وترفعو علي عمكم قضيه وتاخدو حقكم منه وتعيشو حياتكم وتتجوزو ال تتمنوة وترتاحو معاه
بعد دقائق من البكاء تسللت الفتيات من الباب الخلفي القصر وبعد فترة طويله من المشي المتعب علي الاقدام وصلو لمحطه القطار وهاهو القطار يعلن انطلاقه من المحطه لتسرع إليه الفتيات ويجلسن بداخله ويبدأن حياه جديدة خاليه من ظلم حسان وجبروت سليم وعناد فراچ
دعاء:ممكن اكلم فارس ياورد
ورد:دلوقت؟
دعاء:عشان خاطري
ورد:كلميه براحتك ياحبيبتي
اخرجت دعاء هاتفها الايفون الحديث الذي اهداها اياه فارس في عيد ميلادها واتصلت به عدة مرات وفي اخر مرة قام بالرد عليها
فارس بنعاس:خير يادعاء مصحياني دلوقت ليه
دعاء:معلش ياحبيبي كنت بس عاوزة اسمع صوتك
فارس:بقي مصحياني في نص الليل عشان تسمعي صوتي
دعاء:ممكن تسامحني يافارس
فارس:علي ايه ياروح فارس
دعاء:علي اي حاجه اعملها
فارس:مسامحك من كل قلبي بس سبيني انام وبكرة هنحكي ونسامح في بعض
دعاء: تصبح علي خير
فارس:تلاقي الخير
اغلق فارس الهاتف واستكمل نومه دون ان يهتم بما قالته دعاء اما صفيه فعادت لغرفتها لتكمل نومها وعندما صعدت علي السرير تفاجأت بصوت حسان
حسان بنعاس:كنتي فين ياوليه
صفيه بتوتر:هه سمعت صوت تحت فنزلت اشوف في ايه لقيت البت المخبله آيه بتتفرج ع التلفزيون ومعليه الصوت قوي
حسان:طول عمرها بتاعه وجع قلب نامي يلا ورانا يوم طويل بكرة
صفيه:عندك حق ورانا يوم طويل بكرة
نام الاثنان ومر الليل واشرقت شمس الصباح معلنه قدوم يوم جديد ملئ بالاحداث الكثيرة
في القطار كانت الفتيات مستغرقين في النوم عندما اتي عامل القطار وقام بأيقاظهم
العامل:اصحي ياابله منك ليها
آيه:انت اتجنيت ولا ايه كيف تدخل اهنيه اوضتي يامخبل انت
العامل:اوضتك مين يابلدينا انتي نايمه في القطر من ساعه مدفعتو تمن التذكرة بليل انتي والبنات ال معاكي دول
آيه:وانت عاوز ايه دلوقت
العامل:وصلنا اخر محطه وخلاص القطر هيروح الجراش اتفضلو انزلو
آيه:واحنا فين دلوقت
العامل:احنا في القاهرة
آيه :وة كل دة واحنا نايمين
العامل:اخلصي بقي ياابله يلا
آيه:طيب روح انت
ايقظت آيه اخواتها واخبرتهم بما حدث فهم من التعب غلبهم النعاس ولم يشعرو بالطريق ....دقائق وحملو حقائبهم ونزلو من القطار وبدأت رحلتهم الطويله ...قامت ورد بالاشارة لتاكسي وتوقف أمامهم وقامو بحمل حقائبهم وركبو التاكسي
سائق التاكسي:علي فين ياهوانم
دعاء:والله محنا عارفين ياحاج
سائق التاكسي:صعايدة ولا ايه
آيه بتوتر :لا احنا مصرويه بس كنا في اسكندريه والراجل صاحب العمارة الله يسامحه غلي علينا الايجار ورمانا في الشارع
سائق التاكسي:لا اله إلا الله مفيش في قلبه ايمان ولا ايه عشان يرمي بنات ذي الورد كدة
دعاء:هنعمل ايه ياحاج امر ربنا
سائق التاكسي:طب وليكو حد هنا تروحوله يابنتي
دعاء:لا احنا ملناش غير ربنا
سائق التاكسي:لا اله إلا الله طب ولا عم ولا خال حتي؟!
ورد:احنا مقطوعين من شجرة ياحاج
سائق التاكسي:طب يابنتي انا عمكم جمال ولو متعرفوش حد انا اعرف شقه فاضيه في المنطقة ال ساكن فيها ممكن اخدكم هناك تأجروها لحد ماترتبو اموركم ولا ايه
ورد:يبقي كتر الف خيرك ياعم جمال
انطلق بهم عم جمال في شوارع القاهرة لينهي طريقه في منطقه شعبيه وتوقف امام احد العمارات لينزل منها هو والبنات ويخرج لهم حقائبهم
عم جمال:استنوني هنا دقيقه هناديلكم الست تهاني صاحبه الشقه
دقائق مرت سريعا وعاد عم جمال مع الست تهاني
الست تهاني:بسم الله مشاء الله ايه الجمال دة كله ياعم جمال مين القمرات دول
عم جمال:دول بنات غلابه ياست تهاني ومقطوعين من شجرة والراجل ابن الحرام غلي عليهم الايجار ورماهم في الشارع
الست تهاني بحزن:لا اله الا الله الناس جرالها ايه ياولاد ..ولا يهمكم ياحبايبي اعتبروني امكم والحته دي كلها اعتبروهم اهلكم احنا هنا كلنا اهل وبنخاف علي بعض
ورد بأبتسامه:ربنا يخليكي ياست تهاني
الست تهاني:انتي اسمك ايه ياست الصبايا انتي
ورد بكثوف:اسمي ورد
الست تهاني:ودول اخواتك
ورد:اه دي دعاء ودي آيه
الست تهاني:وانا خالتكم تهاني اعتبروني ذي امكم بالظبط تعالو ياحبايبي نطلع نشوف الشقه بدل وقفتنا في الشارع دي
.............في قصر المنشاوي............
اجتمعت كل العائله علي مائدة الافطار وتغيبت الفتيات وصفيه يتملكها الخوف علي غير العادة
حسان:بردو راكبين راسهم ومعاوزينش يفطرو
صفيه بتردد:معرفاش عنيهم حاجه ولا شفتهم اصلا
سليم:قلتلك يابوي سيبهم لما يموتو من الجوع هينزلو غصب عنيهم
فراچ:طول بالك ياعريس روق اكدة ودلوك ينزلو
فارس للخادمه:روحي يابنتي نادي ع ستك ورد وستك دعاء وآيه ياجو يفطرو معانا
الخادمه :فوت عليهم قبل سابق يافارس بيه بس ملقيتش ولا واحدة في اوضتها
فارس:هيكونو راحو فين يعني روحي دوري عليهم
غابت الخادمه لدقائق ثم عادت خاليه الوفاض: دورت عليهم في التراس والجنينه وحتي علي السطح وبردو ملقياهمش
حسان بقلق:يعني هيكونو طفشو ولا ايه روحي يابنتي هتلاقيهم ذي عادتهم في اي جمب
سليم للخدم:انتو يابهايم كلكم تروحو تدورو عليهم
مر بعض الوقت وعاد كل الخدم بعدما بحثو عنهم في كل القصر
رئيسه الخدم:ملهمش اثر ياحسان بيه وكأن الارض انشجت وبلعتهم
حسان بغضب:يعني ايه راحو فين دول تقلبو الدنيا وتجبهوملي من تحت تقاطيق الارض فاهمين ولا لااا
انتفض سليم بغضب:الله في سماه لو كنتي عملتيها وهربتي ياورد لكون مخلص عليكي انتي واخواتك كمان
فراچ:اكيد دة تفكير طويله اللسان آيه وديني لجيبها راكعه تحت رجلي واخليها تطلب العفو ومهتلاقيهوش
فارس بصدمه:ليه ..ليه يادعاء ليه تسبيني وتهربي
كانت صفيه تتابع ألم فارس وتبكي في صمت ولم تستطع ان تخفف عنه خوفا من ابيه واخوته وبعد فترة اخرج الهاتف من جيبه وقام بالاتصال بدعاء
في القاهرة....
كانت تهاني مع البنات في الشقه تتكلم معهم وتداعبهم بخفه دم فهي لم ترزق ببنات ومنذ ان رأتهم وقد شعرت بمحبتهم تغرس في قلبها في هذة الاثناء رن هاتف دعاء وامسكت به وعندما رأت ان المتصل هو فارس شهقت من الفزع وسقت الهاتف من يديها ارضا
تهاني:ياساتر يارب خير ياحبيبتي خير
امسكت دعاء بالهاتف من علي الارض ونظرت لاخواتها وهم بدورهم فهمو معني نظرتها
ورد:تعالي ياست تهاني وريني الاوضه دي بلكونتها بتطل علي ايه
تهاني:من عنيا ياحبيبتي تعالي اتفضلي
ابتلعت دعاء لعابها بغصه وقامت بالرد علي فارس
دعاء بخوف:الو اسمعني يافارس
فارس بغضب: اسمعيني انتي دلوقت حالا تكوني قدامي والا قسما بالله هجيبك يادعاء وساعتها متلوميش غير نفسك
دعاء:علشان خاطري افهمني
فارس:افهم ايه وزفت ايه ايه ال هببتيه انتي واخواتك دة اتجنيتي ولا ايه
دعاء:فارس انا مرجعاش وعملت اكدة علشان اخواتي ومهفضلش نفسي وحياتي علي حساب راحتهم وسعادتهم
فارس:وانا يادعاء هونت عليكي تكسري قلبي
هنا انتزع سليم الهاتف من يد اخيه بغضب
سليم بصوت مرعب:دعااااء
هنا انتفض جسد دعاء من الرعب
دعاء:عاوز ايه ياسليم
سليم:تجيبي اخواتك وتاجي بالذوق وتطلبو السماح علي عملتكو المهببه دي والا قسما بالله لهجيبكم لو في اخر الدنيا وقولي لورد ان عملتها دي مهسامحهاش عليها واصل وهدفعها التمن غالي قوي
هنا لم تتمالك دعاء اعصابها واغلقت الخط في وجه سليم بل واغلقت الهاتف كله واخذت نفس طويل وكأن رئتيها لم تذق الاكسجين قط
بعد فترة قصيرة ..
تهاني:معلش ياحبايبي هي الشقه متربه ومتبهدله بس دة عشان بقالها فترة مقفوله انا هستأذن دلوقتي واسيبكو ترتاحو وبليل هاجي اطمن عليكم لو محتاجين حاجه
آيه:تسلمي ياذوق
تهاني:والنبي انتي ال زوق وعسل اوي يلا سلام
اغلقت ورد الباب وتوجهت ناحيه دعاء التي تجمدت ملامحها ولم تقدر علي نطق كلمه
ورد:فارس قالك ايه يادعاء
لم ترد دعاء وانما اكتفت بدموعها تنساب من عينيها لتشرح لورد كل ماحدث........
بعدما هدأت دعاء حاولت ان تروي ماقاله سليم ولكنها فضلت السكوت فأختها ورد عانت كثيرا بسبب خوفها من سليم وافعاله
آيه:بقولكو ايه ال فات دة كله ننساه ومنتكلمش فيه خالص فاهمين
اومئت الفتاتان برأسهما بمعني انهم موافقين
آيه:وننسي كل حياتنا ال فاتت ونبداء حياه جديدة حتي كلامنا نبطله ونحكي زين ذي بنات البندر
ورد:عندك حق
دعاء:.......