بنات المنشاوي 💚 (الجزء الاول)

بنات المنشاوي الفصل الثامن عشر

بقلم خلود وائل 🌻
خرجت هناء لعاصم ووجهها شاحب ويبدو عليها الحزن ليصعق عاصم من منظرها ويسألها بتوتر بالغ:ورد كويسه .....جرالها حاجه ياهناء طمنيني
ناولته هناء ورقه بوهن قائله:هات الحقنه دي بسرعه ياعاصم
عاصم:مالها ورد ردي
هناء:بسرعه ياعاصم
التقط عاصم الورقه الصغيرة من يد هناء واسرع بالنزول للصيدليه وإحضار الدواء المدون بالورقه والعودة سريعا لشقه ورد لتأخذها منه هناء ويسرع الطبيب بأعطائها لورد لتستعيد وعيها ببطء بعد عده دقائق لتمر اخريات ويخرج الطبيب من غرفه ورد ليقابله عاصم بقلق بالغ
عاصم:مالها يادكتور طمني بالله عليك هي كويسه
الدكتور مهاب:اطمن يابشمهندس دة ضغط عصبي عالي مع هبوط مفاجئ في الدورة الدمويه يعني اطمن متقلقش شويه زعل ولما يروحو لحالهم هتبقي ذي الفل
عاصم بقلق:طب والحقنه دي ايه لزمتها
دكتور مهاب:دي حقنه عشان تفوق وتستعيد وعيها متقلقش علي اخر النهار هتبقي كويسه جدا اطمن
عاصم:ربنا يطمنك يادكتور
دكتور مهاب:خير انشاء الله المهم تاخد الادويه دي في معادها وتاكل كويس وتبعد عن اي ضغط نفسي وعصبي يعني راحه تامه مفهوم
عاصم بتفهم:مفهوم يادكتور
القي الطبيب كلماته وهم بالخروج من الشقه لتخرج بعدها هناء لتواسي عاصم
هناء:ادخلها ياعاصم بلاش تتعبها اكتر من كدة
عاصم:انا مش عيل ياهناء عشان ارجع في كلمه قلتها
هناء:ياشيخ اتلهي البت جوة هتموت نفسها عشانك وانت دماغك في حته تانيه لوحدها بلا عيل بلا راجل
عاصم:قلقان عليها اوي ياهناء بس خايف.....خايف اخسرها
هناء:ادخلها ياعاصم عشان لو مدخلتش الوقتي هتخسرها فعلا لاخر يوم في عمرك
اطرق عاصم بنظراته ارضا لتتركه هناء وتدلف لغرفه ورد بينما تبعها عاصم بدون تفكير ليدلف هو الاخر للغرفه ليجد ورد نائمه علي سريرها تنظر للاشئ في فراغ الغرفه وبجوارها دعاء ...حمحم عاصم بصوت مسموع لتنتبه ورد لوجودة لتنظر له بنظرة مبهمه لا تحمل اي معني له مما أثار تعجبه لتتحدث دعاء :تعالي ياهناء نجهز حاجه لورد عشان تاكلها وتاخد العلاج
هناء بتفهم:طبعا ياحبيبتي تعالي يلا
خرجت كلا من هناء ودعاء تاركين لهم المجال ليتحدثو براحه لتعتدل ورد في جلستها علي السرير .....اتجهه عاصم ناحيه سرير ورد ليسحب كرسي من احد اركان الغرفه ليضعه بالقرب من السرير ويجلس بجوارها لتتلاقي اعينهم حامله كثيرا من التساؤلات
عاصم:الف سلامه عليكي ياحبيبتي
ورد بسخرية:حبيبتك!؟
عاصم:حبيبتي وروحي وكل حاجه حلوة في حياتي عندك شك في كدة
ورد بغضب مكتوم:ولما انا كل حاجه حلوة في حياتك بتعمل معايا كدة ليه
عاصم:عملت معاكي ايه ياورد عرفيني انا غلط معاكي في ايه
ورد :والله مش شايف انك غلط في اي حاجه
عاصم :انا مش شايف اني عملت حاجه غلط بس فهميني يمكن اكون مش واخد بالي
ورد:وانت هتشوف نفسك غلطان اذاي ....ثم أكملت بغصه :هو انا ليا مين تعمله حساب انا يتيمه ولا ليا اب تحترمه ولا ام تخاف من زعلها قلت لمين انك خطبتني ها .....ولا حد وكل ال يعرف يستغرب اذاي خطبتني من غير شبكه ولا اشهار ولا حتي دبله تثبت بيها اي حق ليا فيك واول ما فارس كلمك اخدت جمب وبعدت عني مين في الدنيا بيتجوز بالطريقه دي مين بيتعمل معاها كدة الا اذا كانت واحدة سهله هتاخد منها ال انت عايزة وترميها وبعدها تجيب واحدة ليها حسب ونسب ....صح صح ولا انا غلطانه
استكملت كلامها بدموع تنساب من عينيها بشدة ليرتفع صوتها نسبيا::: انطق رد عليا
عاصم بحزن شديد:لا ياورد مش صح مش صح تفكيرك ابدا
ورد :ولما هو مش صح معملتش عكسه ليه
عاصم:لما شفتك حبيتك ياورد حبيتك لدرجه مكنتش اتخيل ان الانسان ممكن يحب حد كدة ولما جيت ارتبط بيكي دخلت البيت من بابه لا حورت عليكي ولا قضيتها مقابلات ولا تليفونات في انصاص الليالي وجيت طلبت ايدك من ابن عمك ولو كان في حد اكبر منه في العيله كنت هروحله وخدتك ونزلت نشتري فستان شبكتك وتاني يوم كنت ناوي اخدك انتي واخواتك ونجيب الشبكه واعملك حفله كبيرة افاجئك بيها عشان متحسيش انك لوحدك بس ابن عمك هو ال فرض عليا اني ابعد عنك غصب عني لازم اسمع كلامه واستحمل عشان تكوني حلالي حطي نفسك مكاني
ورد:😭😭😭😭
عاصم: ارجوكي ياورد بطلي عييط دموعك بتكويني.....والله ياورد انا عمري مشوفتك سهله ولا فكرت اني اققل منك عشان يتيمه وملكيش حد ولو انتي شايفه اني عملت عكس كدة شوفي العقاب ال يرضيكي وانا موافق بيه حتي لو عايزة تسبيني
اكتفت ورد بدموعها التي تهطل بغزارة من عينيها ليقترب منها عاصم لااراديا ويحتضنها رغما عنها لتستكين بين احضانه وتهداء تدريجيا لينفزع كلاهما من صوت تحطم الاكواب التي تصتدم بالارض لينظرو سريعا ناحيه مصدر الصوت ليتفاجئو بدعاء الواقفه بدهشه مما رأت وعينيها مفتوحتان علي مصرعيهما وخلفها هناء التي سقطت منها الاكواب المملؤة بالعصير الذي اعدوة لها ليبتعد عاصم بسرعه عن ورد التي بدورها اشاحت بنظرها بعيدا عنهم من شدة الاحراج
هناء:كدة ياعاصم بقي نسيبك تصالحها تقوم تعمل كدة
عاصم:استري عليا يستر عليكي ربنا
دعاء:ان الله حليم ستار ياعاصم بس متعدهاش تاني
عاصم:لا تاني ولا تالت ياستي انا هسمع كلام ابن عمك ومش هقرب منها تاني ليوم الفرح وبكرة هنزل اشتري شبكتها وهجهز للفرح وهخلص اي حاجه تخص الشقه خلينا احضنها براحتي وهي مراتي حلالي
ابتسمت دعاء وورد وهناء لكلام عاصم ليخرج من جيبه الروشته الخاصه بورد قائلا:انا هنزل اجيب العلاج وهبعتهولكو مع ماما عشان تيجي تطمن علي ورد يلا سلام
خرج عاصم من الشقه بأكملها وهو في قمه احراجه من دعاء واخته هناء ليتنفس اخيرا براحه بينما جلست الفتاتان بجوار ورد لاستجوابها عما دار بينها وبين عاصم بطريقه مرحه لتنتهي اسئلتهم الطويله بنفي ورد لشكوكهم الكثيرة التي غيرت مزاجها للافضل بفعل كلماتهم المضحكه لتصعد بعد قليل ام عاصم اليهم حامله كيس العلاج لتقضي معهم وقت ليس بقصير لترتفع بعدها اصوات المساجد بآذان العصر لينهضو جميعا لأداء فرضهم في جماعه
******في شركه الحديدي******
سيف:لسه عندي مواعيد تانيه النهاردة ياروان؟
روان سكيرتيرة سيف: لسه معاد مع البشمهندس باهر الشافعي
سيف:انا اتأخرت النهاردة جدا اجلي المعاد دة لبكرة
روان:بعتذر من حضرتك ياسيف بيه بس المعاد دة اوردي متأجل من الاسبوع ال فات والموضوع ال هو جاي فيه ميستحملش التأجيل اكتر من كدة
سيف:موضوع ايه دة
روان:المناقصه بتاعه شركه الدويدي يافندم ومعادها اخر الاسبوع الجاي
سيف: ياخبر داانا نسيت الموضوع دة خالص طب لو عو برة خليه يتفضل
روان:امرك ياسيف بيه
خرجت روان من مكتب سيف للخارج لتسمح لباهر بالدخول
باهر:السلام عليكم
سيف: وعليكم السلام ورحمه الله وبركاته
باهر:بقي كدة ياسيف لا انا زعلان منك خالص
سيف:وهو انا اققدر يابيبو بس انت عارف زحمه الشغل وكدة بس اوعدك اول ماافضي هنسهر سهرايه من بتوع زمان
باهر:انا عارف ومقدر انت كتر الف خيرك هتلاقيها من الجامعه ولا الشركه ولا البيت ربنا يكون في عونك
سيف:يارب......المهم انت كنت فين كدة وجيت عليا بدري عن معادك
باهر :عند امك
سيف:متحترم نفسك يلا
باهر:منا محترم اهوة ......اققولك ايه بس منا فعلا كنت عند امك ال هي تبقي خالتي
سيف:نينينيني ماشي ياخويا وهتيجي بليل بقي ولا هتنفض
باهر:عيب يسطا انا بس هخلص معاك هنا وهطلع علي البيت اخد دش وافوق واجيب المدام وهديه ليان واجي طيارة عشان اللحق الجاتوة وهو ساقع😂🤭
سيف: طول عمرك طفس ياحبيبي
باهر:الله يخليك ياحبيبي تسلملي
سيف:خش في المهم يابارد ياابو دم ابيض انت
باهر:اممممم المهم بقي ياسيدي عندنا مناقصه *************
اشغل كلا من سيف وباهر في العمل لساعات ولم يشعرو بالوقت ليمر بقيه اليوم سريعا اما في شقه ورد عادت آيه لشقتها بعادتها المرحه لتدلف للداخل وهي تصيح:يااهل البيت يااهل الدار اين انتم
دعاء:تعالي ياآيه احنا كلنا هنا
آيه بتعجب:كلكم .....كلكم مين
دلفت آيه لغرفه ورد لتتفاجئ بهناء ووالدتها يجلسون بجوار ورد علي سريرها لتهرع سريعا لاحضان ورد
آيه بخوف:مالك فيكي ايه ياقلب اختك مالك
ورد:انا كويسه ياحبيبتي متخافيش والله كويسه
آيه :اختك مالها يادعاء متخبيش عليا
ام عاصم بحنو:يا حبيبه قلبي متخافيش اختك ضغطها وطي عشان من الصبح مداقتش الاكل ووقعت من طولها بس الحمد لله فوقناها وجبنالها علاج وانا بنفسي اكلتها وقاعدين معاها من بدري متخافيش ياحبيبتي هي بقت ذي الفل اهي
ورد:متخافيش ياآيه والله انا بقيت كويسه متقلقيش
آيه:مش مصدقاكو مش عارفه ليه
هناء:في ايه يابت ايه جو المفتش كورومبو دة قلنالك حلوة ذي الفل كنتي تعالي شوفيها في حضن____
لم تكمل هناء كلامها لتقطعه دعاء بنظراتها الحادة لتفهم هناء انها علي وشك الوقوع بمشكله لا تحمد عقباها لتنهي كلامها بتمتمه غير مفهومه
آيه بشك:كنت اشوفها في حضن مين انا مش فاهمه حاجه!!
دعاء: قصدها وهي في حضني بتضحك لحد ماكانت هتموت من نكت هناء
تنهدت آيه بتعب:انا مش فايقه والله بس لما افضي عاوزة اسمع النكت دى يكش تخليني افرفش شويه ....المهم انا يدوب اخد دش واغير هدومي واروح لليان انا وسلمي
دعاء:هو عيد ميلادها مش يوم الثلات يابنتي؟
آيه:مهو النهاردة الثلات ياحبيبتي ...سلامتك
دعاء : ها ....بجد مش عارفه الواحد تايهه ليه
ام عاصم:والله يابنتي الايام كلها بقت شبه بعضها
آيه:طب استأذن انا بقي س س سلام