بنات المنشاوي 💚 (الجزء الاول)

بنات المنشاوي الفصل السادس عشر

اتجهت آيه لمنزل صديقتها سلمي لترحب بها ام سلمي وتدلف آيه لغرفه سلمي
آيه: السلام عليكو
سلمي:وعليكم السلام ورحمه الله وبركاته.....مش مرتحالك من امتي وانتي متقيه كدة
آيه بمرح:الله بقي منا طول عمري كدة يابت
سلمي:انجزي ياحجه عندي بكرة امتحان ومش فايقالك خالص
آيه:وانا يعني هعوز منك اي يعني
سلمي :طاييييب
آيه:كنت بقول يعني
سلمي مقاطعه بمرح:انا عارفه والله انطقي بقي عاوزة ايه
آيه بضحكه عفويه:اهدي عليا بقي....انا كنت عاوزة الفستان ال كنتي مفصلاة لفرح عماد اخوكي لو ممكن يعني
سلمي بمحبه:ياخبر دة ينفع وينفع اوي ثواني استني كدة
اتجهت سلمي لضرفه الدولاب لتفتحه وتخرج منه فستان داخل الكفر الخاص به وتتجه به ناحيه آيه
سلمي:هيبقي تحفه عليكي يايويو
آيه:يارب بس يجي مقاسي
سلمي وهي تفتح الكفر وتخرج منه الفستان:امسكي ياستي قيسيه عما اخرج اجيبلك الشوز بتاعه اكيد هيبقي مقاسك بردو بعد اذنك يايويو
خرجت سلمي من الغرفه لتغيب دقائق وتعود للغرفه حامله الشوز الخاص بالفستان وتدلف للغرفه لتنبهر بآيه وهي مرتديه الفستان فقد كانت بالغه الجمال
سلمي بدهشه:يخرب عقلك يابت ياآيه ايه الحلاوة دى😍
آيه:حلو عليا ياسمسم
سلمي:يهبل ....توحفه....وهم ياماما ياماما
ام سلمي من داخل المطبخ:ايوة ياسلمي في ايه
سلمي:تعالي بسرعه وسيبي ال في ايدك
ام سلمي :خير يارب جايه اهوة علي طول
آيه:يخربيت شكلك ياشيخه سيبيها ايه الفضايح دي
سلمي:بس ياهبله انتي خلينا نشوف الارآء
ام سلمي وهي تدلف الغرفه:في ايه ياسلمي خضيتيني
سلمي وهي تشير ل آيه:ايه رايك
ام سلمي بأعجاب:مشاء اللهم بارك ايه الحلاوة دي يابت يا آيه
آيه:حلو بجد ياطنط
ام سلمي:الله اكبر عليكي داانتي هتخطفي الانظار خطف يابنتي .....الا قوليلي هتروحي بيه فرح مين
آيه:دة عيد ميلاد واحدة صاحبتي بس يعني ناس مبسوطين شويه وكدة
سلمي:رجلي علي رجلك خلص الكلام
آيه:اشطا وكمان كدة ورد هتوافق بسهوله
بعد وقت ليس بطويل عادت ورد ودعاء للمنزل لتقابلهم آيه بأبتسامتها المعتادة ليجلسو جميعا ليروو لآيه ماحدث طول النهار في يومهم وحزنت كثيرا لما حدث بين فارس ودعاء واخبرتهم هي الاخرة بعيد ميلاد ليان وسمحو لها بحضورة بعدما اطمأنو لوجود سلمي برفقتها
في قصر المنشاوي وبالتحديد في غرفه فارس ****
كان يجلس شارد الذهن يسترجع ماحدث في اول اليوم مع دعاء محبوبته ومعشوقه قلبه كيف تفعل هذا كيف تنسي اخبارة إلا هذة الدرجه نسيته او تناسته كما تناست حياتها السابقه معهم هل اصبحت تتعمد البعد عنه ام ماذا تنوي فعله ليقطع شرودة رنين الهاتف برقم غير معروف⚡⚡
فارس:الو
عاصم: الو استاذ فارس
فارس:ايوة انا انت مين وعمال ترن من بدري ليه
عاصم:انا عاصم خطيب ورد بنت عم حضرتك
فارس بحدة:وليك عين تكلمني بعد عملتك المهببه دي
عاصم:انا متصل عشان اعتذر منك كان واجب اني استأذنك بس غلط انا اسف جدا والله وياريت متزعلش مني
فارس:ويفيد بأيه اعتذارك دلوق
عاصم:حضرتك شوف اعمل ايه يرضيك ويكفر عن ذنبي وانا هعمله
فارس:اياك تقرب من شقه بنات عمي ولا تتحدت مع ورد نهائي ولو حتي في التليفون ولو وصلني انك خالفت كلامي انسي انك تتجوز ورد نهائي
عاصم بألم: حاضر ال حضرتك تشوفه
فارس:اتمني تكون عند كلمتك
عاصم:انا قدها انشاء الله يااستاذ فارس
اما في الغرفه المجاورة كانت تجلس مرام مترددة بعدما دونت رقم سعد علي الهاتف الخاص بها وتواجه صراع بداخلها تريد ان تتصل به ولكن حيائها يمنعها وبعد تفكير شديد امتنعت عن الاتصال به بصعوبه إلي ان غلبها النوم وفي صباح اليوم التالي في جامعه القاهرة وقبل انتهاء محاضرة الدكتور سيف وقف قائلا:مطلوب منكم بحث وعلي اساسه هحط درجات الكوينز ال المفروض يتعمل الشهر دة وعاوزة معمول بخط الايد مش مطبوع وكل الرسومات ال فيه بردو مرسومه يدوي حتي ولو صغيرة جدا وعاوز فيه المعلومه من اساسها بمعني من سنه اولي جامعه مش عاوز كروته الموضوع صعب انا عارف بس عاوز اشوف مين يستحق يكون مهندس ومين جاي يلعب ويهرج موضوع البحث عن (******) ومعاد التسليم يوم الاربعاء الجاي يعني قدامكو يومين بالظبط تقدرو تتفضلو
القي سيف كلماته وانسحب بهدوء كعادته تاركا الطلبه في حيرة من امرهم لصعوبه ماطلبه
الطالبه ١:الدكتور دة اتجنن ولا ايه
الطالبه ٢:دة عقله فوت خالص دة لو عاوزنا ننتحر مش هيطلبها بالطريقه دي
الطالب١:دة جنان رسمي مين هيقدر يعمل كدة في يومين بس
الطالب٢:الدكتور دة عاوز طالب جن ازرق يعمل ال طلبه
الطالب٣:شيلنا المادة رسمي يسطا
ليان :انا مش مصدقه ال سمعته دكتور سيف صعبها اوي ايه البحث العجيب دة
مي صديقه ليان:دة لو قاصد يفحتنا مذاكرة مش هيبقي كدة يابنتي البحث دة نتنيل نعمله اذاي؟!
بعد دقائق من استغراب الطلبه اتجه الكثير منهم ناحيه مكتبه الجامعه ليبدائو بأعداد البحث واخرون فضلو العودة لمنازلهم لبدء ماارادة دكتور سيف اما ليان فجلست قليلا مع صديقتها وبعدها اتجهت ناحيه كافتيريه الجامعه لتلتقي بآيه وهي في قمه حزنها
آيه:مالك يالينو
ليان:مخنوقه هموت هطق
آيه:ياستار يارب بعد الشر عليكي ياحبيبتي مالك بس
ليان:دكتور سيف طالب بحث ال مفروض يعمله واحد من شياطين الجان
انفجرت آيه بالضحك :ايه دمك شربات يالينو والله
ليان:انتي بتضحكي دي مصيبه سودة
آيه : قبل اي حاجه ابعتيلي الريكوردات ال سجلتيها لمحاضرة النهاردة وبعدها فهميني بحث العفاريت دة مطلوب فيه ايه
نفذت ليان ماطلبته آيه ثم روت لها ماطلبه سيف في البحث لتندهش آيه بشدة وتصمت لبرهه
آيه:يابن الايه ياسيف دة الدكتور دة جايبها من تحت السلم دة ولا تعذيب كفار قريش🤣🤣
ليان بضحك رغم عنها:والحل بقي
آيه:ابو لهب دة عاوز بحث من نار
ليان:انا حاسه ان عقلي هيطير يابنتي
آيه:ولا يطير ولا حاجه اسمعيني.....لو ركزتي هتلاقي ان موضوع البحث نفسه متقسم علي سنين الدراسه ال فاتو كلهم بمعني ان الطالب ال مذاكر كويس هيفكر براحه ويفهم المطلوب بالظبط بس اسمحيلي اققول ان دكتور سيف دة دماغ بصراحه
ليان:ايوة يختي مهو مطلع الدماغ دي علي ال خلفونا
آيه:الموضوع محتاج شويه تركيز مش اكتر
ليان:انا هركز في عيد ميلادي ولا في البحث ولا اعمل ايه ياربي
آيه: ياتي كوتي كوتي 😂
ليان:بس ياهبله والله انتي ماحسه بالمصيبه ال الدفعه كلها فيها
آيه:😂😂دكتور سيف دة بيفكرني بدكتور منير الخطير الله يمسيه بالخير
ليان:يطلع مين دة يختي
آيه:دة دكتور رخم كدة كان حاططني في دماغه ومبيطقنيش بس شرحه كان كويس جدا وكنت قرفاه في عيشه ال خلفوة بس ولا مرة عرف يمسك عليا حاجه
ليان:شكلك سوابق
آيه:عيب عليكي داانا ملاك بجنحات
ليان:اي اي طرف الجناح دخل في عيني
آيه:يخرب عقلك😂😂😂😂
ليان:عيد ميلادي بكرة مش محتاجه ازن عليكي تيجي بدري ها
آيه:عنيا الاتنين حاضر من بدري هكون عندك
مساءا في شقه ورد دعاء في غرفتها تبكي علي ماحل بينها وبين فارس فهو لا يجيب علي اتصالتها ولا يري رسائلها اما آيه فهي في غرفتها تعد البحث بدقه عاليه ولما لا فهي من اوائل دفعتها كل عام وتعلم تحديدا ما يريدة سيف في البحث المطلوب من جميع الطلبه اما ورد فها هي تحادث هناء لتروي لها ماحدث بين عاصم وفارس لتنهمر الدموع من عينيها بشدة
هناء:خلاص ياورد عشان خاطري بطلي عييط بقي
ورد:اذاي هبعد عن عاصم ياهناء اذاي فرحنا كمان شويه ويبعد عني ليه كدة يافارس
هناء:ياحبيبه قلبي هدي نفسك والله عاصم غصب عنه بس مش عاوز يخسرك
ورد:انا فاهمه ياهناء بس كدة حرام والله
هناء:فوضي امرك لله ولو عليا انا هيجيلك كل يوم والايام هتجري بسرعه
ورد: متحرمش منك ابدا ياهناء ربنا يخليكي ليا
في فيلا الحديدي ****
بعد انتهاء العشاء اتجه كلا من سامر وسيف لمكتب والدهم لانهاء بعض الاعمال الورقيه بينما اتجهت ليان لغرفتها لتبداء بأعداد البحث بضجر وغضب وبعد ساعات طويله وفي وقت متأخر تثأبت ليان لتغلق الكتب التي امامها وتتجه ناحيه السرير قائلا:الله يسامحك ياسيف منك لله
ليتصادف كلامها مع فتح الباب
سيف:بتجيبي سيرتي ليه
ليان:اهلا انت جيت
سيف:ايه البرود دة مفيش سلامات ولا اي حاجه
ليان:لا صباح ولا مسا ولا اي حاجه كويسه انت منك لله ايه البحث ال طلبته النهاردة دة
سيف:صعب البحث ولا ايه
ليان:لا ياشيخ
سيف:والله ال بيذاكر هيعرف يعمله الدور والباقي بقي علي....
ضربت ليان سيف في صدرة بقبضه يديها بغيظ
سيف:اه يابنت المفتريه
ليان:امشي من هنا ياسيف روح نام الله يخليك
سيف: بكرة تحتاجيني وانتي بتذاكري وابقي قابليني
ليان بضيق:تصبح علي خير ياسيف