بنات المنشاوي 💚 (الجزء الاول)

بنات المنشاوي الفصل الثالث عشر

بقلم خلود وائل 🌻
فارس:بسم الله الرحمن الرحيم
سليم:شفت عفريت اياك ولا ايه
فارس:ايه چابك لهنه الوقتي ....دي خلقه اصطبح بيها
سليم بحدة:قوم ياابن امك بسرعه چيبلي العقودات ال جددتها امبارح ورانا شغل كتير
فارس:انقلع من اهنه يابن ابوك .....غور من وشي
سليم:دقيقتين بالعدد والاقيك تحت واعمل حسابك كمان شهرين وهتروح شركه الحديدي عشان تتفچ علي المحصول ال هنطلعه اخر الموسم
فارس:وة چاي تعلمني شغلي ولا إيه؟!
سليم:قوم فز هتدنك نايم للضهر ولا إيه
القي سليم كلماته وهم بالنزول للدور الارضي بالقصر ليتجه ناحيه طاوله الطعام الفارهه ليتناول الافطار بينما يجلس جميع اخواته بأنتظار فارس
حسان:اعملي حسابك يامرام خطوبتك السبوع الجاي
مرام بدهشه:خطوبتي اني يابوي!
حسان:في حد تاني اهنيه اسمه مرام غيرك ولا ايه
مرام:بس يابوي انا ...انا لسالي سنتين في الجامعه
حسان:كلمتي بقولها مرة واحدة مبتنيهاش فهتي ولا لا
فراچ:لتكوني ناوي ترفضي وتهربي وتجبيلنا العار كيف بنات عمك الناقصين تربايه
مرام:مقصدش والله ياخوي بس
سليم:مبسش ايه يابت انتي محدش قادر عليكي ولا ايه
صفيه بخوف:مين العريس ياابو سليم
حسان:سعد ابن هارون السلانتي
سليم:وة . ...... ونعم النسب يابوي دة ابن هارون السلانتي عضو في مجلس الشعب بيضالك في القفص ياخيتي
مرام بحزن: الله يخليك ياخوي
صفيه:مبارك يابنت قلبي فرحتلك والله
فراچ:الفرحه الكبيرة لما الاقي بنات عمك وادفنهم واداري عارنا
سليم:وديني لندمهم علي اليوم ال سابو فيه القصر
فارس وهو يتجه اليهم حاملا بعض الاوراق:ايه ياچماعه صوتكم عالي ليه
صفيه بفرحه:اختك چالها عريس ياضي العين
فارس بأبتسامه:مبارك عليكي ياقلب اخوكي
مرام بحزن:يبارك فيك ربنا يخوي
فارس:مالك حزنانه اكدة ليه ..... العريس معاچبكش ولا ايه؟!
مرام بخوف:لاه ال يشوفو ابوي يمشي علي رقبتي
فارس:مين العريس يبوي؟
حسان:سعد ولد هارون السلانتي
فارس بفرحه: ونعم الناس زين مااخترت يابوي
استمعت مرام لكلماتهم وانسحبت بهدؤ لغرفتها لتسمح لدموعها المكبوته بالنزول لتلحق بها والدتها بعد دقائق قليله
صفيه:بتبكي ليه عاد ياضي العين
مرام:معوزاهوش يما معوزاش اتجوز
صفيه:يامري ....ليه اكدة يابنيتي دة سعد دة زينه شباب البلد وكل بنات بلدك تتمناه
مرام:عاوزة اكمل علامي معوزاش جواز دلوق
صفيه:يابنيتي ابوكي عطالهم كلمه معوزينش مشاكل
مرام:يابختهم بنات عمي بعدو عن ظلم ابوي.....ليه يما ابوي ميبقاش حنين كيف خالي نعمان علم بناته وجوزهم بكيفهم وبيعملهم كل ال بيتمنوة اشمعنا ابوي ال قلبه جاسي اكدة
صفيه:مقدر ومكتوب يابنيتي
...............في منزل ورد..........
عاد ورد من الصيدليه ظهرا لتعد طعام الغداء قبل عودة اخوتها من الخارج لتتفاجئ بهاتفها يرن ومن شدة الصدمه هوي الهاتف من يديها ارضا لتنهمر الدموع من عينيها لتستعيد رشدها بعد دقائق وتمسك الهاتف وتجيب المتصل
ورد:الو
سليم:منوياش ترچعي ولا ايه
ورد:لا منوياش وشيلني من دماغك عاد
سليم: والله وطلعلك لسان ياورد وبقيتي تتكلمي
ورد: وطلعي ايدين كمان اققدر الطشك كف ع وشك بيهم
سليم بحدة:اسمعي يامخبله انتي انا قربت منيكي قوي وكلتها ايام وهمسكك بيدي وساعتها مش هرحمك ياورد وديني لدفعك تمن هروبك انتي وخواتك غالي غالي چوى چوى
انتفضت ورد بشدة من تهديدات سليم ولم تستطع فعل شئ سوي اغلاق الخط وانهاء المكالمه وبعد فترة طويله من البكاء عاودت ورد ماكانت تفعل لتنتهي من اعداد الطعام وتعود سريعا للصيدليه ليستوقفها عاصم:الجميل رايح فين
ورد:راجعه الصيدليه
عاصم: مالك ياقلبي عنيكي مورمه ليه
ورد:مفيش بس كنت بقطع بصل
عاصم بحنو:يابخت البصله والله بس هربيهالك من عنيا حاضر
ورظ:اذاي بقي
عاصم:ياخبر ابيض دى خلتك تعيطي داانا هقطعها واسلقها ونعمل شوربه حكايه
ورد:😂😂😂😂
عاصم:ايوة كدة خلي ضحكتك تنور دنيتي
ورد:احم طب انا همشي بقي عشان وقفتنا في الشارع دي مش حلوة خالص
عاصم:ماشي ياقمري خلصي ال وراكي وهكلمك عشان بالعند في ابن عمك هاخدك افسحك بكرة وبعدة معزومه ع الغدا عندنا انتي واخواتك وكمان عشان تشوفي شقتك
ورد:طيب ماشي سلام
انهت ورد حديثها واستكملت طريقها لتدخل الصيدليه لتجدها فارغه والدكتور محمد في انتظارها
اما فارس فقد تعجب من اسلوب ورد :طيب وماشي وسلام .....مالك ياوردتي باينك عامله حساب لابن عمك وربنا لما نتجوز لنسهر برة لوش الفجر واطلبه اعرفه بالعند فيه😂😂
في الصيدليه:
محمد:دكتورة ورد كنت عاوز اتكلم معاكي في موضوع مهم وشخصي شويه
ورد بتعجب:اتفضل يادكتور محمد
محمد:خليها محمد بس
ورد:العفو.....اذاي يعني لا طبعا
محمد: بصي ياورد انا مليش في المقدمات بس انا صراحتن معجب بيكي وبأخلاقك واحترامك جدا وحابب اني اطلب ايدك واتجوزك علي سنه الله ورسوله قلتي ايه
ورد بصدمه:تتجوزني!!
محمد:ايوة طبعا ياورد
ورد:بص يادكتور محمد انت بالنسبالي اخ فاضل ومش هتكون اكتر من كدة وكمان انا مخطوبه وفرحي كمان شهرين
محمد بصدمه اشد منها:نعم ....مخطوبه.....امتي ومين واذاي دة حصل؟!!!!!
ورد:اظن ان دي حياتي الشخصيه وانا حرة فيها وحضرتك مش من حقك تعرف تفاصيلها نهائي وكمان لو الموضوع دة هيأثر علي شغلي انا ممكن اسيب الصيدليه عادي مفيش مشكله
محمد بحزن:لا ولا اي حاجه انا بس اتفاجئت ....مين سعيد الحظ بقي
ورد :البشمهندس عاصم صقر
اتسعت عيني محمد من شدة المفاجأة:عاصم....عاصم صاحبي!
ورد:مالع عاصم يادكتور!
محمد:ابدا عاصم دة صاحبي واخويا وعشرة عمري وصراحه هو طيب وابن حلال ويستاهل كل خير......الف مبروك وربنا يهنيكو يارب
القي محمد كلماته وهم بالخروج من الصيدليه لتستوقفه كلمات ورد:حضرتك مروح
محمد:ايوة تعبان شويه وعاوز ارتاح وهاجي قبل ماالشفت بتاعك يخلص
في كافتيريه الجامعه عند آيه......
آيه:انا في حياتي مشفت غباء بالشكل دة
ليان:في ايه امال اعمل ايه يعني منتي ال مناخيرك في السما ومش راضيه تعتزري
آيه:بقولك ايه اققلبيلي علي الثيرة دى احسنلك
ليان:طب هتعملي ايه منتي مبتفهميش مني اعمل ايه بقي
آيه:متسجلي ام المحاضرة
ليان:مينفعش دكتور سيف لو عرف هيطردني برة ونقعد سوا في الكافتيريا انا وانتي ناكل ساندوتشات ونشرب كانز😂😂
آيه:وديني لربيك ياسيف يابن....... متعرفيش امه اسمها ايه؟
ليان بأندفاع:اسمها نورة
آيه: وديني لربيك ياسيف ياابن نورة.....الا انتي عرفتي اسم امه منين
ليان:ها!!!!!
آيه:بقول عرفتي اسم امه منين؟
ليان:اصل ...اصل.... اه مهو دكتور رخم وعلي طول مطلع عنينا ف عملنا تحريتنا وعرفنا عنه كل حاجه
آيه:امممم طب إذا كان كدة كنت عاوزة اعرف مراته عايشه معاه اذاي وهو كائن سمج رخوي قفل
ليان:😂😂😂😂😂😂يالهوي علي التشبيه ....انتي عرفتي انه متجوز منين
آيه:منا كمان عملت تحرياتي😌😌
ليان: ياستي عايشين ذيهم ذي اي اتنين متجوزين...... بتسألي ليه
آيه ببرود:عادي
ليان:طب ايه.....هتشيلي المادة ولا ايه؟
آيه:لا طبعا داانا برتب علي الدفعه هاجي هنا واسقط مستحيل
ليان:طب متسمعي كلامي المرة دى
آيه:امممم اشجيني
ليان:تعالي نروحله مكتبه ونعتزرله وهيسامحك انا متأكدة دكتور سيف طيوبه خالص والله
آيه:ياتي كوتي كوتي 😂😂 ولذوذة بقي اكيد ...هو سوسن ولا ايه
ليان:بت اتلمي احسنلك
آيه:عينك منو ياجميل ولا ايه؟😉
ليان:لا طبعا انا بحب واحد تاني وهيخطبني قريب يعني قريين فاتحه عما يجي من السفر
آيه:ايوا بقي اخيرا موضوع عليه الطلب نرغي فيه
ليان:هحكيلك من طق طق لسلاموعليكو لو اعتذرتي لدكتور سيف انا والله حبيتك اووي واعتبرتك اختي وخايفه عليكي
بعد محاولات كثيرة من ليان اقتنعت آيه وتوجهو لمكتب سيف اما في منزل دكتور محمد.....دلف محمد للمنزل وعلي وجهه علامات الحزن ليجلس في غرفته وحيدا لتلحق به تغريد بعد فترة
تغريد:يلا ياحمو الغدا هيبرد
محمد:مليش نفس
تغريد:دة محشي كرنب وبطايه محترمه هتندم والله
محمد بحدة:قلت مليش نفس
تغريد وهي تغلق الباب:هشششش وطي صوتك بابا برة
محمد بألم:طلعت بتحبه ياتغريد وهتتجوزو
تغريد بعدم فهم:هي مين!
محمد:ورد .. ورد هتتجوز
تغريد:طب كويس والله هم وانزاح مين المعتوة ال هيتجوزها
محمد:عاصم
لم تبد تغريد اي رد فعل وكان الصمت هو سيد الموقف لتنسحب تغريد بهدؤء لتعود لغرفتها لتستوقفها امها في طرقه المنزل
ثنيه: مالك يابت ياتغريد مش هتتغدي انتي واخوكي
تغريد بعنف:مليش نفس
القت كلمتها ودلفت بسرعه للحمام لتجلس اسفل الدش وتنهمر عليها الماء الباردة لتهدئ من نوبه البكاء الهستيري الذي حل بها
امام مكتب سيف تقف الفتاتان بتوتر لتطرق ليان الباب ⚡⚡⚡
سيف:اتفضل
دلفت ليان وخلفها آيه لمكتب سيف ليتوقفو امامه
ليان:اذيك يادكتور
سيف :بخير
ليان:احم آيه كانت جايه تعتزر لحضرتك عن تصرفها الغبي معاك وبتتمني ان حضرتك تقبل انها تحضر المحضرات من تاني
سيف ببرود:وانتي بتتكلمي عنها ليه ملهاش لسان ولا ايه؟
آيه بأندفاع:متتكلم عدل ياعم انت
سيف:لمي لسانك يابت انتي احسنلك
ليان:صلو علي النبي ياجماعه واستهدو بالله
سيف وآيه:عليه الصلاة والسلام..
ليان:اعتذري ياآيه يلا
آيه:انتي شيفاه بيبصلي اذاي
سيف:انا كلمتك اصلا
آيه:هو انت تطول تكلمني يلا انت
سيف بعنف:ولا انا ولا
وضعت ليان يديها فوق رأسها بخيبه امل مستشعره بمشكله جديدة بينهما