بنات المنشاوي 💚 (الجزء الاول)

بنات المنشاوي الفصل السابع

آيه:هو انت!
سيف:انتي تاني!
آيه:انت ماشي ورايا ليه ياحيوان انت
سيف بحدة:احفظي لسانك يابت انتي بدل ما____
آيه بعنف لتقطع كلامه:بدل ماايه ها هتعمل فيا ايه ..ولا تقدر تعملي حاجه لسه متخلقش ال يقف قصاد آيه المنشاوي
سيف:تطلع مين آيه المنشاوي
آيه:تطلع ستك وست عيلتك بحالها
سيف:اخرسي يامهزءة انتي واحدة مش متربيه
هنا التفت عاصم ومن معه لوقوف آيه بجوار شاب عاري الصدر وصوتهم بداء بالارتفاع ليتجه نحوهما بسرعه ليصل هو وورد وخلفهم دعاء وتغريد وهناء علي صوت آيه:لا دة انت اتجنيت رسمي يابا انت فوق بدل ما افوقك
سيف بعصبية:لولا انك واحدة ست انا كنت اديتك قلم يظبطلك صواميل مخك المهويه دي
عاصم بغضب:اهدي كدة ياكابتن وكلامك معايا انا
سيف بغضب:لم اختك يامحترم وفهمها ان عيب تعلي صوتها ع واحد متعرفوش
عاصم:معلش حقك عليا ثم التفت ل آيه...في ايه ياآيه
آيه:الواد دة ماشي ورايا وخبطني وجيت اكلمه علي صوته عليا
سيف:واد مين يابت انتي متلمي نفسك
دعاء:حقك عليا ياسيف بيه متزعلش منها
سيف:دعاء!!......اختك دي ماشيه تقول شكل للبيع
دعاء:معلش متزعلش منها انا اسفه والله
آيه:اسفه ع ايه يامجنونه انتي
عاصم:خلاص ياآيه ارجعو اوضكو يلا ...حصل خير ياسيف بيه عن اذنك
اجتمعت الفتيات في غرفتهم
ورد:ايه ياآيه مالك صوتك كان عالي ليه كدة علي الراجل
هناء:عبيطه بدل ماتزعقي للمز دة كنتي وقعيه ...اتجوزيه....او حتي اديله رقم تلفوني
دعاء:ايه يابنتي كل اما تشوفيه تشاكلي معاه ليه هو عملك ايه
ورد:ميصحش كدة ياآيه
تغريد: الواد مز بصراحه ملكيش حق يايويو
هناء:طب وديني لقول لمحمد انك بتعاكسي شباب
تغريد:لا والنبي سكت خلاص اهوة
ضحكت جميع الفتيات ودقائق وقامو بتغيير ملابسهم ليأخذهم عاصم لاحدي المطاعم لتناول العشاء وبعدها همو جميعا بالمشي في شوارع شرم الشيخ والقيام ببعض التسوق
هناء وتغريد ودعاء في محل للفضيات وام عاصم وآيه في محل للملابس ومعم المهندسه رانيا اما ورد فكانت في الخارج تمشي بجوار عاصم
ورد:ليه مروحتش مع هناء
عاصم بمكر:تفتكري ليه
ورد:مش عارفه
عاصم:اممممم اكيد طبعا مش عشان امشي معاكي وطبعا طبعا مش عشان اققولك اني بحبك
توقفت ورد بمجرد سماعها كلمات عاصم
عاصم:بحبك والله ياورد من اول مرة شفتك فيها ومش قادر ابطل افكر فيكي غصب عني قلبي بيحبك كل دقيقه اكتر من ال قبلها
ورد:......
عاصم: ساكته ليه ..قوليلي انك بتحبيني انتي كمان ياوردتي
ورد:......
عاصم:مالك ياورد
ورد بتوتر:انا عاوزة اروح ارجوك روحني اوضتي
عاصم بحزن:حاضر ياورد اتفضلي
بعد فترة في غرفه الفتيات تجلس ورد في التراس لتداعب نسمات الهواء خصلات شعرها الاسود الحريري بينما تنظر عيناها في الفراغ لتدخل عليها هناء بمرحها المعتاد
هناء بصوت اقرب للغناء:قالهالي حبيبي قالهالي وبقي بالنسبالي .....
ورد:ها بتقولي ايه
هناء:انتي فين يابنتي
ورد:معاكي اهوة
هناء:امممم دا عاصم اخويا دة مجرم غرقك في شبر مايه
ورد:قصدك ايه
هناء:قصدي انك من ساعه ماقالك انه بيحبك وانتي طايرة من الفرحه
ورد بأستغراب:هو قالك كدة
هناء:بصراحه هو مقاليش اي حاجه بس انا عارفه انه بيحبك من يوم ماشافك عندنا في البيت ومن ساعتها وهو هيتجنن عليكي ومش بيبطل يتكلم عنك
ورد:بجد
هناء:وربنا
ورد:.....
هناء:بتحبيه ياورد؟
ورد:مش عارفه ...هو محترم وزوق بجد مش مجامله والله وانتو ناس طيبين بس ..بس
هناء:بس ايه...طب قوليلي لما بتشوفيه بتحسي بأيه؟
ورد:مش عارفه ببقي متلخبطه اوي ومحروجه وجوايا حجات مش فهماها
هناء بمرح:هو بغباوته بسلطاته ببابا غنوجه
ورد:هو ايه دا
هناء:الحب ياورد انتي بتحبيه بتحبيه
ورد:هششششش اسكتي
هناء بصياح:ورد بتحبك يا____
وضعت ورد يدها علي فم هناء لتمنعها من اكمال كلمتها ليدخل عليها اخواتها وتغريد
تغريد:في ايه ورد بتحب مين
ورد بتوتر:مفيش دي بت هبله
هناء:كنت هقول ورد بتحب البحر تخيلي عاوزة تنزل الميه الوقتي
تغريد بعدم تصديق:لا طبعا مينفعش طالع النهار يلا بينا ننام
مر الليل علي ابطالنا جميعا منهم الحزين ومنهم منهك التفكير ومنهم السعيد....
صباحا في غرفه عاصم وزملائه
محمود:بس البنات ال طالعين معاك ياعصوم دول صواريخ يخرب بيت كدة جبتهم منين دول
كريم:البت ال شعرها اسود وطويل دي حكايه يالهوييييي
عاصم بغضب:لم نفسك يلا انت وهو دول قرايبي مش جايبهم من الشارع وديني لو لمحت واحد منكم بيبص نحيتهم هقتله بدم بارد سامع منك له
كريم:طول بالك يانجم احنا بنهزر معاك
عاصم:ولا هزار ولا زفت
محمود:خلاص ياعم متزعلش وبعدين هنبصلهم فين وانت واخدهم طول اليوم بعيد عننا
عاصم :غور يلا من وشي احسنلك....ولا اققولك انا ماشي وسيبهالك
في غرفه الفتيات
تغريد:البس البرمودة دي ياورد ولا الفستان دة
ورد:الاتنين قصيرين اوي ياتغريد
تغريد:عاصم بيحبهم عليا اوي
ورد بحزن:اشمعنا يعني
تغريد:عادي كل ماكنت بلبسهم كان بيقعد يقولي اني حلوة فيهم وكدة يعني
زمت ورد شفتيها بضيق:البسي ال يعجبك
هناء:بترغو في ايه من الصبح
تغريد:عادي يابنتي كنا بنختار هنلبس ايه
هناء:هتلبسي ايه ياورد
ورد:اي حاجه
هناء:دة ال هو اذاي يعني قومي البسي الفستان دة هننزل نفطر ونتمشي في الشوارع ونتسوق حبه جد واخر النهار هننزل البحر وهنتعشي في مطعم محترم قريب من الفندق وبليل بقي في سهرة حكايه عاصم محضرهالنا
آيه:طب والغدا يانؤة
هناء:لا الغدا هنقضيها سندويتشات واحنا بنتفسح
آيه:لو مجبتليش بيبسي انا هعمل مظاهرات وانتو حريين
دعاء:طفسه من يومك ياقلبي
آيه ببرود:معليييييش
اجتمعو جميعا في مطعم قريب من الفندق وبدائو بتناول طعام الافطار وعاصم ينظر لورد بنظرات غاضبه بسبب ماكانت ترتديه فكانت ترتدي فستان اسود من الستان الناعم يصل لفوق ركبتيها وبكت من علي الاكتاف وبه بعض النقشات الذهبيه واطلقت العنان لشعرها الاسود الطويل
هناء:هتودينا فين النهاردة ياسمسم
عاصم :ذي ماقولتلك امبارح
هناء:طب ورد كانت عاوزة تروح اوضتها اصل نست تليفونها هناك
ورد بدهشه:انا
دهست هناء علي قدم ورد من اسفل مائدة الطعام لتفهم ورد ماترمي اليه هناء بكلامها
عاصم:طب اطلبيلي قهوة سادة عما اجي ..يلا يااستاذة ورد اتفضلي قدامي
مضي عاصم للخروج من المطعم وخلفه ورد واثناء مشيهم في طرقه الغرف
ورد:ع فكرة انا منستش تليفوني
توقف عاصم:امال خليتي هناء تقول كدة ليه؟
ورد:انا مقولتلهاش تقول حاجه
عاصم:وهي هتعمل كدة من نفسها ليه يعني
ورد:معرفش ...ممكن تكون انت ال قولتلها
عاصم:وهقولها ليه يعني هموت واكلمك مثلا
ورد :طب يلا نرجع تاني
عاصم:لا مش هنرجع
ورد:ليه
عاصم:تروحي اوضتك تغيري قميص النوم ال انتي لابساه دة وتلمي شعرك واياكي اشوفك سيباه كدة تاني
ورد:انا حرة البس ال انا عيزاة واعمل ال يعجبني انت مالك
عاصم:لا مش حرة وهتعملي ال بقولك عليه الوقتي حالا
ورد:وان معملتش ؟
فجأه بدون مقدمات حمل عاصم ورد رغما عنها واتجه بها ناحيه غرفتها بينما كانت ورد تضربه بلكمات سريعه وتصرخ به ولكنه لم يهتم وفتح باب الغرفه وانزلها علي الارض
عاصم:الوقتي حالا تلبسي حاجه محترمه والا وربنا متعرفي هعمل معاكي ايه
ورد:اطلع برة
عاصم:دقيقتين وتخرجي والا هدخل البسك انا بطريقتي
دقائق وخرجت ورد لعاصم الذي كان بأنتظارها خارج الغرفه مرتديه فستان ميني دريس ابيض وقامت بلف شعرها كعكه ...
عاصم بأبتسامه:عقبال متلبسيلي فستان الفرح
ورد بخجل: انشاء الله
اتسعت ابتسامه عاصم ببلاهه:بجد ياورد بجد !
ورد:هو ايه ال بجد
عاصم:موافقه تتجوزيني
هزت ورد رأسها بمعني الموافقه لتجد نفسها بين احضان عاصم يحملها ويلف بيها مرارا وتكرارا
ورد:نزلني يامجنون
انزلها عاصم ويعلو وجههمها ابتسامه الفرح والسعادة
احدي السائحات كانت واقفه تتابعهم من بعيد بأبتسامه
السائحه: what's going on
عاصم:she said yes.she said yes
السائحه:ooh🤩 congrats
السائحه: ماذا يحدث
عاصم:وافقت تتجوزني وافقت تتجوزني
السائحه:اوووة الف مبروك
ورد بأبتسامه:بس ياعاصم بلاش جنان
عاصم:داانا ابقي مجنون لو مفرحتش كدة انتي فرحه قلبي ياوردتي
احمرت وجنتي ورد من كلمات عاصم الذي لا تسعه الدنيا من الفرحه بينما كانت تتابعهم من بعيد عيون مليئه بالشر
بعد دقائق عادت ورد وعاصم لاكمال الافطار مع العائله ثم انطلقو لقضاء يوم مليئ بالبهجه خاصه مع عاصم وورد
ام عاصم: الواد عاصم ماله كدة وشه منور ياهناء
هناء: سبيه يفرح براحته ياماما باين ورد رضت عليه
ام عاصم:وهي بسلامتها ممكن مترضاش عليه ليه انشاء الله
هناء:عادي ياماما ايه ال يغصبها ع عاصم
ام عاصم:ليه يابنتي اخوكي مهندس قد الدنيا وشقته جاهزة من مجاميعه وعندة محل ابوكي الله يرحمه والعمارة بتاعتنا ناقصه ايه يعني علشان ورد هانم مترضاش بيه
هناء:ياحبيبه قلبي انا مقلتش كدة بس ورد طيبه وغلبانه ومش عاوزة تتجوز وتسيب اخواتها
ام عاصم:بكرة ربنا يبعتلهم ولاد الحلال يابنتي وبعدين هي هتسيبهم وتروح بلد تانيه دة الباب في الباب
هناء بفرحه:يعني انتي موافقه انهم يتجوزو ياماما
ام عاصم:وموافقش ليه يابنتي ورد مشاء الله عليها يت البنات ادب واخلاق وكمان دكتورة بس...
هناء:سيبك منها
ام عاصم:اذاي يابنتي دااحنا جيران ويعتبر اهل
هناء:اسمعي كلامي تغريد دي بت غلاويه وسودة من جوة وسواء ورد او غيرها انا عمري مكنت هخلي عاصم يتجوزها
ام عاصم:اهم حاجة راحه اخوكي يابنتي
دعاء:ايه ياخالتي بتعملي ايه انتي وهناء هنا وسايبنا لوحدنا
ام عاصم:رجلي تعبتني شويه ياحبيبتي فقلت اققعد ارتاح
دعاء:طب يلا اليوم هيضيع
هناء:بقولك متيجي نتصور بتليفونك المكان هنا يجنن
دعاء:عيوني
التقطت دعاء وهناء بضعه صور لتقاطعهم تغريد
تغريد:ممكن اتصور معاكم
هناء: تعالي يااختي
تغريد:اممممم منين الايفون دة يادعاء
دعاء: من محل التليفونات ايه السؤال الغبي دة
تغريد :منا عارفه انا قصدي ان دة ايفون حديث تقريبا موديل السنه جبتي تمنه منين
دعاء بتوتر:دة صيني مش اصلي
تغريد:لا اصلي هو انا هبله دة تمنه حوالي٣٠٠٠٠جنيه
هناء:وانتي مالك اصلي ولا صيني لو مش عاجبك متتصوريش معانا
تغريد :خلاص ياختي انتي وهيا سكت اهوة
آيه: فين ورد وعاصم يابنات
هناء بمكر:مش عارفه اختفو فجأه كدة
دعاء:انا هكلمها
تغريد:انا هكلم عاصم
هناء بحدة:بقولك ايه انتي وهيا هما مش عيال صغيرين الوقتي هيجو والغايب حجته معاه
ام عاصم:ايوة يابنات ورد كانت بتقول عاوزة تجيب حاجه كدة اكيد عاصم راح معاها
نظرت هناء لوالدتها التي ساعدتها في تغطيه خطتهم الصغيرة
في مكان ما تجلس ورد وعاصم
عاصم:اول مانرجع مصر هنكتب كتابنا ايه رايك
ورد:🤨🤨