▪︎《وبها تغيرت حياتي 》▪︎

البارت الاول

البارت الاول :-

فى بيت متوسط فى حارة فى القاهرة كان يتكلم بغضب

يامن بغضب : ماما مش اللى هنعيده هنزيدو انا مش بنت جمبك هتعنس انا مش هتجوز وكفاية بقى

زهرة بدموع:-يا حبيبي عشان خاطري عاوزة اشوف ولادك انا مش هعيش قد اللي عيشته

ذهب وباس راسها وقال بهدوء: ربنا يديكي طول العمر يا رب .. وبعدين يا ماما ما اخواتي اتجوزو اهم وسارة جابتلك علي وبقتي جدة عاوزة اي تاني ..انا كنت بوافقك علطول من بعد اللى حصل أخر مرة مش مستعد اكسر نفسي أكتر من كدة أرجوكي لو بتحبني يا أمي ...وباس ايديها

حسست على شعره بهدوء ومسحت دموعها وقالت : يا حبيبي انا اخترتلك غلط المرة اللى فاتت بس المرة دي صدقني بنت ناس ومحترمة واخلاق والله أخر مرة يا حبيبي عشان خاطري

يامن:- ماما خلاص لو سمحتي الموضوع دا منتهي
وذهب الى غرفته سريعا واغلق الباب وادمعت عيناه فاستغفر ربه وذهب لحمامه الملحق بالغرفة ليتوضأ ويصلي فرضه ويدعو ربه ان يفك كربه وذهب للنوم
ففي كل يوم وعندما يعود من عمله تقول نفس الشىء

________________________________________

في فيلا الأحمدي

مؤمن :- يا اسيل هو انت كل يوم بفكرة يا بنتي اعتقى امي العيانة اثبتي على حل عشان انا زهقت

أسيل بملل وهي تجلس وتعمل قطتين وبيجامة شتوية اسبونج بوب وتنظر له :- أموووني بيلللز مش كل شوية كدة يا بني تقبل حالتى ومزاجى وأعملي اللى عاوزاه طهه يعني فيها أية لما اقولك اني عاوزة اعمل عيادة وابقى اخصائية نفسية للمجانين اللى ذيك هاا فهمني بس

مؤمن وهو يمسح على وجهه بنفاذ صبر:- حببتي مش انت قولتيلى من يومين أنك عاوزاني اكلم دار نشر عشان تنشري اشعارك الجامدة واني لازم اقدرك واقف جمبك ومعرفش اي هاا هو كل يوم حاجة النهاردة لا خلاص يا أمووني انا عاوزة عيادة خاصة بيا هاا دا انت يا روحي عاوزة تتعالجي مش انا

اسيل وهى تمثل البكاء:- يعني هو انا حرام اتشرط عليك مش انت اخويا بردو هاا الاخ سند المفروض تنفذلى اللى انا عاوزاه هاا وتسايسني كدة مش تقولى عاوزة تتعالجي قدر أني عندى مواهب كتير ومش عاوزاها تروح هدر بس أنا بقول مش وقت نشر الاشعار دى أظبطها كدة وازود عليها حاجات كدة عشان تبقى محبوكة حرام يعني هاا فهمني وبربشت بعنيها وبصت للارض بحزن مزيف فهي تعلم مدى تأثيرها عليه

قام من على الكنبة وجلس الى جانبها ونظر لها بحنان وهو يقول :- سيلي يا روحي والله انا نفسي تعملى كل حاجة بتحبيها بس اثبتي عشان انا دلوقتى كلمت دار النشر والميعاد بكرة والعيادة لما تعملي دبلومة هااا خليها شوية خلينا في اشعارك عشان ننشرها وتكسر السوق