▪︎《وبها تغيرت حياتي 》▪︎

البارت السادس عشر

البارت السادس عشر

(صلوا على النبي وآله 💛)

اسيل: يا يامن خلاص بقى والله ماكان قصدي ..ونظرت لهم جميعا ...يا جدعان والله انا نسيت الفون ...انا اتلهيت مع الست وابنها واجراءت الدفن ..وشبهة اني انا اللى خبطته ..وطبعا امه اغمى عليها ..وبجد يوم متعب متجوش بعد كل دا تحملوني فوق طاقتي
قولت ما كنش قصدي وخلاص انا قاعدة اهو

لم ينظر لها يامن ولا اي منهم فدمعت عينها وقالت بتعب: اعملوا اللى تعملوا مش هقعد اتحايل انا مفيش حيل للمناهدة يلا سلام ...وصعدت جريًا لغرفتها

زفر يامن وهو يمسح على وجهه وقال: طب يا عمي انا مروح تصبحوا على خير

سليم : وانت من اهل الخير في رعاية الله

نظر مؤمن لهم بعد ان رحل يامن : علفكرا هى غلطت بس مش كدة ...وبعدين انتو عارفين ان اسيل مبتعرفش تفكر فى كذا حاجة فى نفس الوقت

ماجد بغضب: بطل تدافع وخلاص ...يعني اي الهانم لحد ٢ باليل محدش يعرف هى فين وتليفونها مش بترد عليه ...هى غبية اومال معاها الزفت دا لي مش عشان نطمن عليها

سهر : ماااجد ..مؤؤؤمن خلاص هتقعدوا تتخانقوا يلا كل واحد على اوضته اللى حصل حصل وهى رجعت البيت الصباح رباح بقى يلا

نظرا لبعضها بغضب ثم نظرا لها ..وقال مؤمن وهو يقوم : يلا تصبحوا على خير

وكذلك فعل ماجد وقامت كندا تصعد السلم بتعب وتساعدها سمر

قامت سهر وجلست بجانب سليم : خلاص يا حاج معلش هى مكنش دماغها فين ولا فين يعني شرطة وتحقيق والست اغمى عليها والواد مات يعني لازم نقدر وانت عارف اسيل طول عمرها بتعتمد لا عليك او على مؤمن مش بتعرف تتصرف متعودتش تفكر لوحدها هى اه غلطت بس لازم نعذرها بردو

تنهد وقال وهو يقوم : الصباح رباح يلا ننام

___________________________________________________

عند يامن

روح البيت وجد والدته تجلس في انتظاره وعندما راته وقفت بسرعة : ها يا بني لقيتوها ..حصلها حاجة

قال وهو يجلس على الكرسي بتعب: مفيش يا ماما كويسة ..هى بس شافت حادثة عيل فودته المستشفى ومات وامه اغمى عليها وشرطة وتحقيقات وتصريح دفن وموال والهانم مش تسمك تليفونها لا سايباه واحنا نقلب عليها الدنيا وهى ولا فى دماغها

زهرة وهى تجلس: يا بني ما اديك قولت بعضمة لسانك اهو موال وتحقيقات هتفضى ليكوا ولا للى هى فيه وبعدين البيت غلبانة ملهاش فى المرواح ولا المجي ..بتعمد علطول لأما على ابوها او حد من اخواتها الصبيان ...اعذروها معلش

يامن : مين مفروض يعذر مين يا ماما الواحد دماغه لفت وقالك لحسن يكون طلع عليها حد سرق العربية حد خطفها وما اجدعها تجارة الاعضاء وخطف البنات دلوقتي ..والهانم مش فهمة كدة وتقول اسفة اصرفها فين اسفة دى وتعيط كمان حرقت دمي اكتر ما هو محروق