اهلا اخباركوا ايه كله تمام؟ تمام .
احب اعرفكوا بنفسي .
اسمي: ابراهيم سامي .
ليه انا اخترت الاسم بتاع الرواية دا بالذات عشان التصرفات اللي بتحصل دي واللي بقينا بنعملها من غير تفكير دا ادى الي حدوث مشكلة كبيرة، وهي ان احنا بقينا بنفكر بطريقة كوميدية ونقول امثال شعبيه ع هوانا ونفكر بطريقه سطحية .
طيب مفيش حد فينا قعد مع نفسه كدا ف مرة وسأل نفسه في موقف حصله وطلع نفسه ان هو برئ، وقال ليه انا برئ من الموقف دا؟
طب ليه منقعدش نفكر مع نفسنا ونعمل جلسة تصالح في كل موقف يحصل ونعمل قفزه ثلاثيه ونبدأ نقيم من منظور كل شخص ليه في الموقف دا اتصرف كدا وايه اللي خلاه يعمل كدا ونبدأ نحلل الموقف دا هل اللي انا عملته دا صح طب ايه السبب الرئيسي للموقف دا 🤔🤔
،ونبدأ نحط خطة عشان نصلح الموقف دا ونستفاد من الدرس اللي حصل .
انما بقا ايه اللي بيحصل دلوقت عقلنا اتلغى، ومثلا لما تكون مشكلة حصلت مع حد فينا ولما تيجي تنصحه وتفهمه الغلط من الصح يتعصب، أشهر الأقوال في الحتة دي بقينا نقول ايه :"بقلك ايه يا عم حل عن دماغي متفكرنيش بالموضوع دا تاني ".
بقينا بنهرب حتي من مواجهة نفسنا خايفيين نطلع غلطانين ، طب ليه واحنا كان ف ايدينا الحل ان احنا نوصل لمكان احسن من كدا بس بقينا شبه اللي بيروح يسكر عشان ينسي الوجع اللي فيه،ببساطه احنا بقينا بنحب كدا عايشيين بلا هدف .
ف أنا استخدمت مصطلح الزعابيل دا بالذات عشان اوضح الفكرة بطريقه كوميديه علي تفكيرنا.
فا انا بتمنى ان الرواية دي تعجبكوا وانا الغرض من الكتابه فيها ان انا اوصل فكرة بس واتمني تدعموني فيها بانكوا تستفادوا عشان ربنا يصلح حالنا🤲🤲 وكل واحد فينا يبدأ يفوق لنفسه، عشان كفايه انحطاط لحد كدا .
ابطال القصه هيظهروا معايا بأسماء الزعابيل وهبدأ أعرفكوا ع الزعابيل بتوعنا البارت الجاي.
سلام يا صحابي .
اشوفكوا ع خير بإذن الله 🌸🌹👌.
بقلم: ابراهيم سامي.
E.s.M.s
أنت تقرأ
مملكة الزعابيل
Mystery / Thriller" وجدت نفسي بين اناس اعتقد ان عقولهم سلبت، كل ما عليهم فعله هو تقييم غيرهم، ينظرون ويتحدثون فيما ليس من شأنهم، رأيت أشياء عجيبة تحدث بينهم، في بادئ الأمر كنت أعتقد انهم علي صواب، ولكن احيانا كنت أحلل ما يحدث لأخذ منه عبرة وجدت أنهم مخطأون فيما قالوا...
