"حب مجهول "

البارت الرابع ..♥️💁

رواية
            "حب مجهول"

Part :4

بقلم :امنية صابر وايمان عوض 🖤💁

على : أنا هعرفك من دى اللى قمر يا رووووحمك
الشاب : روح أم مين يلاااااا
وعلى مسك فى الولد وضربه بوكس فى وشه الولد وقع على الأرض
على : علشان تبقى تبص لحاجه متخصكش بعد كده يا حيوووان
وبص لمطر ولينا
على : قدامى انتى وهى يلا وحسابكوا فى البيت
و وصلوا لينا بيتها وعلى ومطر روحوا
مطر : انا اسفه والله يا على مكنش قصدى اضحك والله 🥺
على : امشى من وشى ويستحسن مشوفش وشك قدامى يلاا
مطر دخلت لوالدتها وحكتلها اللى حصل
منى : بس يا مطر انتى فعلا غلطانة يا مطر انتى كبيرة ومينفعش صوتك يطلع فى الشارع
مطر : والله يا ماما ما كان قصدى وعلى زعل منى
منى : خلاص يا روحى اللى حصل ميتكررش تانى تمام وتقومى تعتذرى لأخوكى
مطر : حاضر يا ماما 😔

فى بيت ' احمد والد يوسف "
تاج كانت بتذاكر رياضة
تاج : يووووه بقا انا م فاهمه حاجه ف الرياضه دى ومش عارفه  بحل صح ولا غلط  انا هخلى بابا يشرحهالى انا بفهم كويس منه
تاج خرجت لوالدها
تاج : بابا هو حضرتك فاضى شوية
احمد : فاضى يا قلبى ولو مش فاضى افضالك هو أنا عندى كام تاج يعنى
تاج : تسلملى يا بابا اشرحلى بقى درس الرياضة بتاع الدوال علشان مش فاهمه فيه اى حاجة 😂
يوسف فى الوقت ده كان خارج من اوضته يجيب حاجة
يوسف : والله عيب عليكى يا بنتى دى الرياضة دى مانجا الثانوية العامة
احمد : ملكش دعوة بيها خليك فى مذاكرتك انت بس وصح انت ايه اللى خرجك ده انت ملحقتش تذاكر حاجه
يوسف : عطشاااان يا حاج اموت يعنى 😂
احمد : لا يا اخويا روح اشرب وبطل لماضة
وأحمد بدأ يشرح لتاج وهى مركزة معاه ويوسف دخل المطبخ
يوسف : لما اشوف حاجه اكلها من التلاجة بالمرة
وفتح التلاجة و كان فيه تفاح
يوسف : أنا هاخد تفاحه وأقطع شوية لتاج 🍎☺️ ( طبعا مفيش أخ كدة غير يوسف يارب تتعلموا منه بس 😂)
وقطع التفاح وخرج
يوسف : اتفضلي كلي تفاح وانتى بتذاكرى
تاج : شكرا يا يوسف 🥺❤️
ويوسف دخل اوضته علشان يكمل مذاكرة وتاج خلصت ودخلت هى كمان اوضتها وفتحت تليفونها وكانت زى كل يوم فى رسالة على صراحة
مجهول : ايا كان تعبك هتنسيه لما توصلى خليكى فاكرة أنى جنبك على طول وركزى فى مذاكرتك  يا تاج قلبى ❤️
تاج فى نفسها : حقيقى كمية بهجة فى الرسائل دى تحفة 🥺❤️

فى بيت زياد
زياد : ماما هو بابا لسه نايم ولا ممكن ادخل اشوفه
سارة : ادخل شوفه واطمن عليه وتعالى علشان عاوزاك فى حاجه
زياد : حاضر يا امى
زياد بيخبط على باب اوضة والده
محمد : اتفضل
زياد : عامل ايه يا بابا
محمد : بخير يا زوز الحمد لله
زياد : على فكره يا بابا انت لازم تهتم بصحتك بجد مينفعش كده كلنا كنا خايفين عليك ليه تقلقنا وبعدين انت عارف انك صاحبى الاول واهم صاحب وابويا وبجد مليش غيرك
محمد حضنه : وانت بالنسبالي اكتر من صاحب مش ابنى وبس ويا سيدى حاضر ههتم بصحتى بعد كده علشانكم
زياد : يديمك لينا يا سيد الناس كلها
محمد : هاا بقى عامل ايه فى مذاكرتك ؟!
زياد : هو الحمد لله بس بصراحة مش بذاكر اوووى وكمان جبت درجة مش كويسة فى الكيمياء
محمد : طب وده ينفع يعنى دى اهم سنة فى حياتك يا زوز ولازم تذاكر فيها كويس جدا علشان متندمش بعدين لازم تحقق حلمك مش على اخر سنة متذاكرش وتضيع تعبك طول السنين دى كلها ولو على الدرجة مش عاوز اعرف هى كام بس اللى يهمنى أنها تتحسن مع الوقت وترجع تذاكر زى الاول واحسن
زياد : حاضر يا بابا هذاكر واعمل كل اللى عليا بإذن الله
محمد : ربنا يوفقك يا حضرة الظابط
زياد : والله طالعة منك قمر هروح اشوف امى كانت عاوزانى
محمد : تمام 😊 
زياد خرج لوالدته
زياد : هاا يا ست الكل كنت عاوزانى فى ايه
سارة : عملت ايه فى امتحان الكيمياء
زياد : لحظة بس انتى كنتى تعرفى أن فيه امتحان
سارة : اه كنت عارفه بس قولت اسيبك علشان تتعلم وتذاكر كويس وعلى فكرة أنا عارفه انت جبت كام
زياد : والله يا ماما ما هتتكرر تانى ابدا وهرجع اذاكر احسن من الاول بس متزعليش منى
سارة : أنا مش زعلانة منك بس خايفة عليك تضيع تعبك على الفاضى وتندم بعدين
زياد : لا يا امى هرجع اذاكر بإذن الله ومش هيخيب ظنكم ولا هيضيع حلمى ابدا ☺️ وهدخل اذاكر حالا بالا فالا 😂
سارة : ماشى يا اهبل 😂
زياد : تشكرى يا ست الكل

فى بيت على
مطر : يووووه طب أنا هصالحه ازاى ده دلوقتى ده دماغه مقفله خالص ، هو دلوقتى قاعد بره أنا هطلع أكلمه وخلاص 🙂
مطر خرجت وكان على قاعد فى الصالة
مطر : على
على : ........
مطر : على طيب رد عليا والله ما هعمل حاجه تزعلك تانى ابدا
على سابها ودخل أوضته من غير ما يرد عليها
مطر : طب اعمل ايه دلوقتى ، صح جاتلى فكره انا أقوم اعمله قهوة وأدخله وهو هيصالحنى على طول
عملت القهوة ودخلت
مطر : ممكن ادخل
على : هو بعيد عن أنك دخلتى اصلا بس مش عاوز اسمع منك حاجه واطلعى بره لو سمحتى
مطر : طب سيبنى بس اتكلم والله مش هعمل كده تانى ابدا
على : وانا قولت مش عاوز اسمع منك حاجه ومش عاوز اتكلم معاكى اصلا
مطر : طب أنا عملتلك القهوة علشان انت بتحبها
على : هو انتى مبتفهميش أنا مش قولت مش عاوز منك حاجه
مطر فى الوقت ده مقدرتش تمسك نفسها من العياط وراحت بدأت فى العياط بقى
على لما شافها بتعيط خاف عليها وقلبه حن لأنها مهما كانت أخته وهو عاوز يعرفها أنها غلطت وبس قرب منها وحضنها
على : خلاص خلاص اسكتى مكنش قصدى ازعقلك خالص
مطر لسه بتعيط
على : خلاص يا مطر لو مبطلتيش عياط مش هسامحك ومش هكلمك تانى
مطر : يعنى هتسامحنى وتكلمنى صح 🥺
على : لو بطلتى عياط تمام
مطر : ماشى ماشى خلاص أهو مش هعيط تانى
على : شطورة يا بنوتي ❤️ واوعدينى أن اللى حصل مش هيتكرر تانى ابدا
مطر : والله ما هيتكرر تانى ابدا وهمشى فى الشارع مش هتكلم بصوت عالى اقولك مش هتكلم خالص اصلا 😂
على : اصلا 😂
مطر : اصلا 😂❤️ على انت احن واجمل اخ ف الدنيا
على : وانتى اشطر كتكوته فى الدنيا ❤️

فى بيت روفيدا
روفيدا ووالدتها قاعدين بيتفرجوا على التليفزيون ووالدها رجع من الشغل
خالد : السلام عليكم
روفيدا وامل : وعليكم السلام
خالد : روفيدا قومى حضرى العشا عشان اكل وانام انا هموت من التعب
روفيدا : حاضر يا بابا
روفيدا قامت حضرت الاكل
روفيدا : اتفضل يا بابا
خالد : شكرا
واكل ودخل نام
روفيدا : ماما هو أنا ليه معنديش أصحاب ولا حد اتكلم معاه
امل : ليه يا بنتى بتقولى كده اومال أنا بعمل ايه يعنى مش انا صاحبتك وامك
روفيدا : مش قصدى يا ماما انتى اكتر من. صاحبه والله بس قصدى يعنى مثلا تروح معايا الدروس ونتكلم مع بعض وكده
امل حضنتها : طب يا روفا نفترض كان عندك أصحاب مش يمكن يكونوا وحشيين ويخلوكى تعملى حاجات وحشة زيهم وميكنوش صحبة صالحة يبقى ساعتها ايه لازمتها بقى يا روفا اهم حاجه تكون صحبتك صالحة وانا واثقة إن شاء الله انك هتلاقى صاحبة جدعة وقمر زيك كده
روفيدا : يارب يا ماما الاقيها 🥺❤️
امل : يلا بقى يا روفا علشان تدخلى تنامى علشان دروسك ومدرستك
روفيدا : يلا يا ماما
ووالدتها دخلت معاها ونامت
امل وهى خارجه : ربنا معاكى يا بنتى ويكون اللى فى دماغى غلط

يا ترى ايه اللى ف دماغ والدة روفيدا
وايه اللى هيحصل البارت الجاى ❤️
#حب_مجهول