"حب مجهول "

البارت السابع ...❤️💁

رواية
           حب مجهول 🥺❤️

البارت 7
بقلم أمنية صابر وإيمان عوض 🦋🖤

فى منزل خالد والد روفيدا
روفيدا بعياط : مااااااماااااااا ماما علشان خاطرى فوقى 😭
خالد بصدمة : اللى حصل ي روفى امل فوقى امل حبيبتى فوقى علشان خاطرى
روفيدا : بابا بسرعة لازم نخدها على المستشفى
خالد : يلا بسرعة
خالد شال امل واخدها على المستشفى
خالد : دكتور بسرعة
الممرضين اخدوا امل والدكتور كشف عليها
الدكتور خرج
خالد : خير ي دكتور هى كويسة
الدكتور : حصلها اغماء علشان ضغطها وطى بسبب التوتر للاسف وهى كان لازم تاخد جرعة الكيمياوى النهاردة فحصل شوية مضاعفات بس الحمد لله لحقناها وتقدروا تشوفوها كمان نص ساعة عن اذنك
خالد : تمام شكرا ي دكتور وبص لروفيدا اللى كانت منهارة
خالد( وكان بيحاول يطمنها هى فى الاخر بنته برده ) : خلاص ي روفى ماما بقت كويسة
روفيدا : أنا واثقة ان ماما هتقوم بالسلامة هى مش هتسيبنا صح
خالد : صح ي قلبى تعالى اقعدى شوية لحد ما ندخل نشوفها كمان شوية
فى بيت احمد والد يوسف
احمد كان بيذاكر مع يوسف رياضة
احمد : هاا ي يوسف خلصت المسألة ولا لسه بقالى ساعة مستنى
يوسف بخوف شوية : بصراحة ي بابا مش عارف احلها لانى مذاكرتش الدرس ده كويس بس اقولك اسالنى فى أى درس تانى هكون مذاكره كويس والله
احمد بزعيق : والله ده على اساس لو جى فى الامتحان  هتقول كده فى الامتحان برده ولا ايه ي بشمهندس
يوسف : والله ي بابا هذاكر كويس بس بلاش تتعصب
احمد : لا عاوزنى اسكت عليك كمان وعلشان تضيع خالص بقى صح وعلى فكرة أنا عارف كل حاجه بتعملها وافتكر انك بتضيع نفسك بنفسك
سمية دخلت عليهم
سمية : ليه صوتكم عالى كده
احمد : اتفضلى ي هانم ابنك اللى كان كل همك تدلعيه وبس
سمية : احمد فيه ايه انا عمرى ما دلعت حد ابدا ودائما بقولهم على مصلحتهم
احمد : واحب اقولك أن ابنك المحترم كان بيكلم بنات عادى
يوسف وسمية : ايييييييه
احمد : مش ده اللى كان بيحصل ي يوسف ولا ايه
يوسف : بس والله ي بابا أنا مبقتش اكلم حد
سمية : يعنى الكلام بجد وطب وعمرك ما فكرت فى اختك مثلا ممكن يحصل فيها كده ولا بنات الناس لعبة ي استاذ
يوسف : والله ي ماما سيبتها وبقيت اركز فى دروسى والله بدأت اذاكر زى الاول ، طب ي بابا والله اشرحلى الدرس ده تانى والله هحل كويس
احمد : اتفضل لما نشوف اخرتها
يوسف : يلا
وسمية خرجت وكانت زعلانة لأن احمد اول مرة يزعقلها قدام ولادها

فى منزل محمود والد على
محمود كان طالع مأمورية للقبض على تجار اثار فى الصعيد 
محمود : أيوة مش فاهم انتى زعلانة دلوقتى ي منمن ما انا دائما بطلع ماموريات ايه الجديد بقى
منى : بس انت هتقعد كتير وكمان الصعيد والآثار خطر وانا خايفة 🥺
محمود : انتى مش واثقة فى جوزك ولا ايه
منى : لا طبعا ي حبيبى واثقة فيك طبعا بس انا بكون خايفة ومرعوبة طول ما انت فى الشغل
محمود : لا متخافيش ومفيش حاجه هتحصل غير اللى ربنا رايده وكل حاجه هتكون تمام ي قمر انت 😉😂 وكمان يستى على كبر اهو وراجل وهيكون معاكم فى البيت
منى : حاضر بس خلى بالك من نفسك
وخرجوا فى الصالة
مطر كانت بتعيط علشان بتخاف على باباها
محمود : مالك ي مطر بس
مطر حضنت والدها : هتوحشنى اوووى ي بابا لو سمحت تعالى بسرعة ممكن
محمود : حاضر هخلص المهمة واجيلك على طول هو أنا أقدر ابعد عنك برده
على : خلاص ي جماعة مش عارف اسلم على بابا
محمود : تعالى ي اهبل
على : هتوحشنى اوووى متتاخرش عليا ي بابا وخلى بالك من نفسك
محمود : يلا سلام بقى علشان كده مش هنخلص سلامات
كلهم : تروح وتيجى بالسلامة ي بابا
مطر دخلت اوضتها وكانت بتعيط
على بص لوالدته ولقاها كمان زعلانة
منى : ادخل هدى اختك ي على
على : حاضر ي امى المهم انتى كويسة ؟
منى : اه ي حبيبى ادخل لأختك
على بيخبط على باب مطر
على : ممكن اقعد مع القمر شوية
مطر بتسمح دموعها : طبعا تعالى
على : زعلانة ليه بقى
مطر : علشان بابا مشى
على : طب مش ده شغله ي قمرى ومفروض أنه بيدافع عن الوطن والظلم بالعكس مفروض دائما تكون فخورة أن والدك كده
مطر : أنا طول عمرى فخورة بيه جدا بس انا بخاف عليه برده 🥺
على : أيوة بس بابا عارفين دائما أنه  قد اى مهمة وبيطلع منها بجدارة صح وانا واثق فيه دائما
مطر : وانا كمان ي على وإن شاء الله هيرجع بالسلامة
على : إن شاء الله
على دخل اوضته وكان تليفونه بيرن
على : ازيك ي زوز
زياد : بخير الحمدلله بس مالك صوت يلا قالتلك خلينا اخوات صح طول عمرى بقول عليها خائنة اوعى تزعل ي صاحبى بكره تاخد ست البنات اه والله هى اللى هتندم ي عم اسمع منى ده انت زينة الشبااااب والله
على : باااااااااااااس ايه يخربيتك كل ده رغى وهى مين اصلا اللى هتقولى خلينا اخوات انا بس قلقان شوية علشان بابا طلع مأمورية وماما واختى متوترين
زياد : ااه اسف ي صاحبى والله بس متقلقيش انت إن شاء الله هتكون جنبهم لحد ما ولدك يرجع وعمو محمود ادها إن شاء الله متقلقيش
على : خير إن شاء الله بس بقولك يلا بتذاكر ولا لأ ي زفت
زياد : الحمد لله ماشية وبحاول اذاكر اكبر وقت على قد م اقدر وانت عامل ايه فى المذاكرة والرياضة بتاعتكم دى نفسى افهم حد يا اخى يدخل رياضة
على : ايش فهمك انت ده الرياضة دى العشق والله 😂 ده انا لو مرتبط هحب الرياضة اكتر من البت اللى مرتبط بيها
زياد : ربنا يهينكم يارب خلينا أنا فى الفيزياء مالها الفيزياء يعنى
على : ربنا يوفقك ي حضرة الظابط هقفل أنا بقى علشان اذاكر شوية تعوز حاجه
زياد : سلامتك ي كبير يلا س سل سلاااام 😂
.

،فى المستشفى
روفيدا كانت لسه برده منهارة والدكتور سمحلهم يدخلوا
خالد : روفيدا حاولى متعيطيش علشان والدتك متقلقش اكتر
روفيدا : حاضر
ودخلت شافت والدتها وحضنتها
روفيدا : حمد لله على سلامتك ي امى
امل : الله يسلمك ي روحى ❤️ وبصت لخالد نظرة عتاب
خالد قرب منها وباس جبينها
خالد : أنا اسف والله مكنش قصدى أن حالتك تتدهور كده اسف
امل بابتسامة : خلاص المهم انكم جانبى دلوقتى ( ستات مهزقة بكلمة واحده تتصالح😂)
خالد : طب يلا شدى حيلك بقى علشان نرجع البيت
امل : إن شاء الله خير 🤍

فى بيت احمد والد يوسف
يوسف كان قاعد بيذاكر وافتكر أن والدته زعلانه منه وخرج يصالحها
يوسف : امى
سمية :..........
يوسف : امى والله انا اسفة ومبقتش اكلم اى حد والله وبدأت اذاكر زى الاول واحسن علشان خاطرى متزعليش منى
سمية سابته ودخلت المطبخ
يوسف : مش هكررها تانى بس علشان خاطرى سامحينى
سمية : يعنى بجد انت تعمل كده ي يوسف وتخون ثقتنا فيك طيب ما فكرتش أنها ممكن تتردلك فى حد من أهلك ولا خوفت عليهم وشعور والدك ايه وده حتى بسببك ابوك اول مرة يعلى صوته عليا ويزعقلى
يوسف : والله اسف علشان خاطرى بالله ي امى
سمية : اوعدنى مش هتتكرر تانى
يوسف : اوعدك ي امى هاتى حضن بقى 😂
احمد جه من وراه
احمد : تحضن مين يلا ده انا هولع فيك
يوسف : استهدى بالله بس ي حج دى زى امى برده
احمد : اياك تقرب منها وانا اقتلك ي يوسف الكلب
يوسف باس أمه فى خدها وطلع يجرى
احمد : ما انت حيوان وجبان اصلا وطلعت تجرى
يوسف من بره : ما خلاص ي غيور الله دى امى برده 😂
احمد رجع بص لسمية وحس أنها زعلانة حاول يفتح نقاش
احمد : سوما عامله اكل ايه النهاردة
سمية : عادى اكل زى كل يوم مفيش جديد عن اذنك هحط الاكل
احمد : استنى بس هنا والله اسف هو ابن الكلب اللى بره ده هو اللى نرفزنى عليكى
سمية : محصلش حاجه عادى 🙂
احمد فى نفسه : الزعل شكله مطول معانا إن ما ربيتك ي يوسف الكلب حاضر
واتغدوا وسمية مش بتكلم احمد برده 😂 ( حلو نوع سمية ده 😂)
احمد نده على يوسف ودخل عن تاج
احمد : امك دلوقتى زعلانة منى ومش راضية تصالحنى وكله بسببك وكان باصص على يوسف
يوسف : الله وانا مالى أنا مش انت اللى زعقت فيها ي حج
احمد : بطل رغى علشان أنا مش طايقك اصلا وقولى حل علشان ترضى تصالحنى
تاج : بااااس جتلى فكرة ممتازة 

ي ترى ايه فكرة تاج وايه اللى هيحصل اللى احداث الجاية مع ابطالنا
#حب_مجهول
#امنيه_صابر
#ايمان_عوض
تصويت ي جماعه 🙂🙂🙂