"حب مجهول "

البارت الخامس ..♥️💁

كومنتات وتصويت ي جماعه 🙂♥️

..

رواية
           " حب مجهول ❤️"
Part:5
بقلم:أمنيه صابر وايمان عوض 💁🖤

فى بيت يوسف
يوسف كان بيكلم على وزياد
يوسف : نفسى افهم ليه لما ارن مبتردوش بسرعة عاملين نفسكم مشغولين اوى
على : يا بنى انت مصاحب ناس مهمة اصلا مينفعش نرد  بسرعة وكده
زياد : صح يا على علشان البرستيج بتاعنا يا چو 😂
يوسف : ده انا لو لمحتكم قدامى همسح ببرستيجكم ده الأرض الله يرحم يا معفن انت وهو ده انتوا لسه متعلمين انجليزى امبارح 😂
على : لو سمحتوا اتكلموا عن نفسكوا أنا عندى برستيجى واحترامى
يوسف وزياد فى نفس الوقت : بس يا مهزأ 
على : هو صح يا يوسف انت اتصلت علشان تهزقنا ولا ايه 😂 اوعى يكون وحشناك ولا حاجه
يوسف : لا يا عم استغفر الله هو أنا طايقكم اصلا 😂 أنا كنت برن علشان اطمن عاملين ايه فى المذاكرة وكده وعاوزين نبدا نحل كتير علشان نلحق على اخر السنة نكون خلصنا كله
على : عندك حق فعلا احنا لازم نبدا نشد من دلوقتى احنا نعمل جدول ونمشى عليه علشان ننظم وقتنا
زياد : وانا معاكم جدا كل واحد يظبط يومه ونبدا نذاكر بجد
يوسف : كده تمام اووى يلا كل واحد يروح يذاكر بقى علشان الوقت وهسلم لامى التليفون علشان ميعطلنيش
على وزياد : اشطا واحنا كمان سلاااام

"فى السنتر عند تاج وأميرة "

المستر : اين يبدا هضم الكربوهيدرات ؟!
تاج : يبدأ فى الفم ويستمر فى البلعوم ويتوقف فى المعدة ثم يتم هضمه فى الأمعاء
المستر : برافو يا تاج
أميرة : على فكرة يا مستر السؤال سهل جدا مش محتاج اى حد ممكن يجاوبه
وفى الوقت ده تاج حست أن أميرة مش بتحبها بس برده اتعاملت معاها عادى
المستر : يا اميرة مش بسهولة السؤال او غيره اهم حاجه تكون واثق من نفسك والسؤال التافه ده ممكن  يكون مهم جدا
والمستر كمل شرح وتاج كانت مركزة جدا معاه وبتكتب وراه لان الاحياء مادتها المفضلة ، أميرة كمان ممتازة بس بتبص لغيرها
خليك دايما واثق من نفسك ومتلتفتش لغيرك 🖤🥀

"فى بيت روفيدا "

الباب كان بيخبط
امل : روفيدا افتحى الباب ممكن يكون والدك جه
روفيدا : حاضر يا امى
روفيدا لبست الاسدال وفتحت الباب
روفيدا : مين حضرتك
الشخص : دي تحاليل مدام امل
روفيدا : تحاليل ايه
الشخص : مش عارف انا بوصل وبس ممكن حضرتك تمضى انك استلمتيها
روفيدا مضت واخدت التحاليل
وكانت تحاليل فيروس C
وروفيدا قرأت التحاليل وفمهت أن والدتها مريضة بالسرطان ( روفيدا عرفت تقرأ التحاليل لأن عندها شغف القراءة و البحث و خصوصا في مجال الطب )
روفيدا دخلت لوالدتها وحضنتها وعيطت
امل : مالك يا روفا ايه اللى حصل بس في ايه
روفيدا بصوت متقطع من البكاء : انتى كنتي تعبانة و عملتي تحاليل من غير ما تقوليلى  ليه؟!!
امل : يا بنتى كل حاجه بتاعت ربنا واللى ربنا كتبه هو اللى هيكون وبعدين لازم يكون عندنا صبر وثقة بالله
روفيدا : ونعم بالله بس يا ماما لازم تبدأى علاج علشان تخفى بسرعة وانا كمان هفضل معاكى على طول
امل : طب بطلى عياط بقى علشان مزعلش منك
روفيدا : ربنا يحفظك ليا أنا مليش حد  غيرك فى الدنيا
امل : ويديمك ليا يا بنتى💜🐥

بعد اربع شهور مروا على إبطال روايتنا
يوسف وعلى وزوز رجعوا يذاكروا بتركيز وبيجيبوا درجات كويسة وتاج بعدت شوية عن أميرة لما حست انها بتغير منها بس برده هتفضل صاحبتها ومطر ولينا بيساندوا بعض فى المذاكرة ولبسوا الخماار وكانوا "اجمل حوريات" 🥺❤️ امير  كمان كان بيذاكر دروسه اول باول ولو حاجه مش عارفها كان بيسال زياد ورسائل صراحة كل يوم كانت بتيجى لتاج وتديها امل أنها تكمل حلمها 🥺❤️ ووالدة روفيدا بدأت تتعالج وروفيدا دائما بتروح معاها

يوم راس السنة
فى بيت يوسف
يوسف كان عاوز يخرج بس مش هيعرف يقنع والده وجاتله فكره أنه يخلى تاج هى اللى تقنعه
يوسف : ماما هى تاج فين
سمية : لسه نايمة جوا ادخل صحيها
يوسف دخل لتاج
يوسف : تاجى تااااااج اختاااااااه
تاج : ايه يا بنى ادم فيه حد يصحى حد كده معندكش دم يلاا
يوسف : أنا يتقالى يلاااااا
وطلع يجرى وراها فى الاوضة
تاج : خلاص بالله مش قادرة اتحرك أنا لسه صاحية من النوم
يوسف : استنى يخربيت اقولك خبر قمر زيى 🌚
تاج : قول ما انا مش مستبشرة بيك بس مش مهم
يوسف : الوزير أجل الامتحانات بتاعتكم والرئيس قال إن أولى وتانية احتمال يمتحنوا فى البيت
تاج : احلف يا جدع قول والله كده 😂
يوسف : والله يا بنتى أنا هكدب عليكى ليه
تاج : يحيا العدل  طول عمرى بقول ما يجيبها الا ريسنا القمر ده وطلعت تجرى يا سيسييييي بنحبككك بنحبككك يا سيييسى 😂😂💜
يوسف : اه يا هبلة يا مجنونة اتهدى بقى بما أنى جبتلك اخبار قمر أنا عاوز أخرج وحيااات عيالك اشيخة 😂 أنا مطحون فى المذاكرة من شهر ٧ اقنعى امك و ابوكي والله هاخدك معايا واصورك وافسحك وكل اللى انتى عاوزاه كمان
تاج : مصلحجى بس صعبت عليا هقنعهم حاضر 😂
يوسف : اشوفك دكتورة يا بنتى والله مردودالك فى الافراح 😂❤️
تاج : كفاية شحاتة بقى مليتوا البلد
يوسف : أخرج بس واجى انفخك على كلامك يا تاجى 😒
تاج اقنعت والدها ووالدتها انها تخرج هى ويوسف علشان يغيروا جو
تاج : يلا يا عم وافقوا أننا نخرج عد الجمايل بقى 😂
يوسف : حاضر من عنيا هعدها على قفاكى 😂
يوسف رن على زوز وعلى وقالهم عشان يخرجوا سوا وعلى هيجيب لينا ومطر معاه وزوز وأمير كمان

يا ترى ايه اللى هيحصل فى الخروجة دى ووالده روفيدا هيحصل معاها ايه؟!
#حب_مجهول