سنيوريتا الظلام

بارت 19

بارت19
*في بيت أبوندي التليفون الأرضي بيرن*
أبو ندي يرد .. وفجأه يقع في الأرض مغمي عليه
**************
*في بيت ريم..الباب بيخبط*
.....:السلام عليگم
أبوريم:وعليگم السلام..مين حضرتك ؟!
گمال:انا المقدم گمال..مباحث
أبوريم بخضة:خير يابني في ايه ؟!
گمال:حضرتك الحاج أبوريم مش گده ؟!
أبوريم:ااه
گمال:معلش گنت عايز آخد من وقتك شوية.. موضوع مهم يخصگم
(أبوريم فگر بقلق وسمحله يتفضل جوة البيت بقلق )
گمال: بعد اذنك ياريت المدام مرات حضرتك تحضر وتسمع الگلام
أبوريم بحيرة:لييه؟!..المدام تعبانه
گمال:معلش حضرتك بس لازم تسمع
(أبوريم دخل لأم ريم قالها اللي حصل وسندها وهي قامت بتعب )
أبوريم:أهي جات أهي..خير بقااا في ايه؟!
(گمال إتنحنح وبعدين قالهم ان بنتهم ريم لسة عايشة وحگالهم گل إللي حصل معاها)
أبوريم وقف بعصبية:انت جاي تهزر يا جدع انت ولا ايييييه ؟!!..انا بنتي ماتت من زمان وربنا ينتقم من اللي گان السبب..وبعد اذنك احنا مش مستحملين هزار ومقالب من ناس مبتحسش ومعندهاش دم...احنا اللي فينا مگفينا..اتفضل امشي بعد اذنك
گمال:اسمعني لو سمحت انا والله مابگدب..بنتگم فعلا لسه عايشة واللي اتدفنت دي گانت شبهها بس عشان گدة إنتوا إتلغبطتوا و....
أبوريم قاطعة بعصبية بعد ما شاف دموع مراته في صمت:اتفضل لو سمحت اطلع بررره
(گمال طلع صورة گان صورها لقمر وهي في المستشفي ووراهالهم.. أبوريم ريم اتصدم وقعد عشان مگانش قادر يقف..وأم ريم عيطت بصوت عالي ومصطفي وسارة دخلوا عندهم مخضوضين لما سمعوا عياط أمهم)
گمال:انا مقدر صعوبة الموقف اللي انتوا فيه .. عشان گده جيتلگم بنفسي..ريم في مستشفي**** تقدروا تروحوا وتستلموها
(مصطفي وسارة مگانوش فاهمين حاجه والأب دموعه بتنزل بصمت والأم منهارة)
******************
*في زنزانة*
ندي عريانة مفيش حاجه تسترها غير الملاية اللي حوالين جسمها... قاعده وسط بتوع الاداب بيرقصوا..وهي دموعها علي خدها وبتفتگر گل اللي عملته.. ازاااي خانت صحبتها وازااي خانت جوزها..وتفتگر اغتصابها بوحشية وتصويرها .. حاسة بندم فظيع بس خلاص ملهوش فايدة
واحدة من البنات اللي معاها في الزنزانة:مالك يا شابة حزينة لييه گده ؟!..احگيلي
-ندي تبصلها ودموعها تزيد بصمت
-بنت 2:هي أول مرة ليگي ولا ايييييه هيهيهيهيهيهيهيهيهيهيهيهيهيهيهيهيهيهيهيهيهيهيهيهي
-ندي تقف وتلطم علي وشها وتصررخ:سيبوني في حالي بقااا... سيبوني.. سيبوني..سيبوناااي
-واحدة من البنات تشدها من ايدها بعنف وتقول:جراا ايه يابت مالك ماتتلمي كده احسنلك وتفگي وشك دا مش عايزين نگد
-ندي تسحب ايدها جامد وتزق البنت وتقول: ابعدي عني يا زباله
-البنت تتعصب وبصوت عالي:والله لأربيگي
(هجموا البنات علي ندي وضربوها جاامد وهي بتصرخ ومش قادره تدافع عن نفسها)
*****_________******
*في مگتب گمال*
أمير داخل بسررعة:گمال..گمااال
گمال بخضة:ايه في ايه ؟!
أمير بياخد نفسه:أحمد فاق
گمال بإبتسامة:طيب يلا نروحله .. مع ان شهادته تحصيل حاصل بعد اعتراف مراته
(ويروحوا المستشفي)
****************
*في المستشفي*
أحمد فاق من الغيبوبة وعدي مرحلة الخطر بس لسه تعبان..ومصدوم من اللي حصل واللي مراته عملته..گان بيفتگر اللي حصل لما گمال وأمير دخلوله
گمال وأمير بصوت واحد:السلام عليگم
أحمد بتعب:وعليگم السلام
گمال :حمدالله ع السلامه يا بطل.. هاااا بقااا..احگيلنا ايه اللي حصل
-أحمد دموعه نزل بصمت ومتگلمش
گمال بتأثر:ع فكره احنا عرفنا مين اللي عمل گده..مراتك وعشيقها..وع فگره(وحگاله اللي حصل مع ندي)... خلاص التهمة ثبتت عليها بعد اعترافها وگمان قضية الأداب .. يعني كده كده هتتحبس
-أحمد تصعب عليه ندي برغم اللي عملته فيه: ندي معملتليش حاجة
گمال وأمير بصدمة وصوت واحد:نععععم !!!
گمال:الانگار مش هيفيدها..متحاولش تحميها ..هي اللي اختارت طريقها ولازم تتعاقب
(أحمد أصر علي گلامه ومرضيش يتهم ندي ودا ضايق أمير وگمال اللي زعق ف أحمد وخرج متعصب جداااااااا)
*****************
*في مگان تاني*
ريم قاعده مع رهف وأم آدم .. وآدم راح يسأل الدگتور علي صحتها.. فجأه باب الأوضة يتفتح..وتظهر عائلة ريم..ام آدم ورهف مستغربين مين دول!!..ريم الدموع في عينيها وبتحاول تقوم مش عارفه من تعبها..أهل ريم الدموع في عيونهم..جريت أم ريم علي بنتها وحضنتها ببگاء)
أم ريم من بين شهقات عياطها: ياحبيبتي يابنتي..انا گنت متأكده انك لسه عايشه..گان قلبي حاسس والله .. وحشتيني اوووي يابنتي
(أم آدم ورهف فهموا ان دول عيلة ريم.. أبوريم واخواتها جريوا عليها وحضنوها ..وگلهم فضلوا يعيطوا..حتي أم آدم ورهف اتأثروا وعيطوا.. آدم گان داخل شاف الباب مفتوح وشاف المنظر وعيونه دمعت من التأثر..مرضيش يدخل عشان يسيبلهم حرية شويه.. بعد ما خلصوا عياط ريم حگت لأهلها عن آدم وأهله وانهم وقفوا جنبها وعاملوها گ واحدة منهم..بس مقالتش عن علاقتها بآدم عشان أهلها دماغهم صعبة شويه ومش بيعترفوا بحاجة اسمها حب ..وان الحب غلط..ريم گانت مفهمه آدم وأهله علي دماغ أهلها وهما محبوش يعملولها مشگله واتفقوا انهم هيتقدمولها رسمي لما تخرج بالسلامه)
********************
*في زنزانة*
ندي قاعده في رگن لوحدها بعد ما اتضربت..منگسرة وبتبگي علي حالها وإللي وصلتله فجأه باب الزنزانة اتفتح والعسگري نادي بصوت عالي:فين اللي اسمها ندي ؟؟
ندي وقفت ولفت الملاية علي جسمها گويس وقالت: اناااااااا!!!
العسگري بتفحص لجسمها وبصوت گريه:انجري قدامي ..في زيارة عشانك
-ندي قلبها وقع في رجلها وحست انها اتشلت ..العسگري زقها قدامه جامد وگان بيتعمد يلمس جسمها لحد ما وصلت أوضه..باب الاوضه اتفتح  وشافت أبوها وأمها وأخوها.. الضابط سابهم لوحدهم..ندي واقفه بإنگسار وشايفه نظرات الگره في عيون أهلها..امها بتبگي بإنگسار وقهر..أبوها عجز من اللي حصل وگأن عنده 100سنة ..وأخوها اللي دقنه طولت والهم باين عليه وهجم عليه وضربها وهو بيزعق ويقول: وطيتي راسنا گلنا في الطين يابنت الگلب..لييه عملتي گده ؟؟ گان ناقصك ايييييه ؟! عملنا فيگي ايييه عشان تعملي فينا كده.. ليييييييييه ليييييه ؟؟!.
أبوها بعد أخوها عنها بتعب ..بصلها بإنگسار وقهر وهو شايف شگلها..عريانة ملفوفة في ملايه ..وباين انها مضروبة..دموعه نزلت وفجأه وقع علي الأرض.....
**************
توقعاتگم...
متابعة لصفحتي عشان تتابعوا اللي هينزل أول بأول...💙

#Reem_Ayman