*بارت20*
*بعد3ايام في المستشفي*
گمال قاعد مع ريم في المستشفي وباباها وآدم موجودين ،، اتنحنح وقال : انتي متأگده من الصوت اللي سمعتيه ليلة الحادثه ؟؟ متأگده انه شادي ؟؟!
_ريم هزت راسها بتأگيد وقالت: ايوة والله متأگده انا مقدرش انسي صوته ابدااا ،، دا اگتر صوت گرهته في حياتي
گمال: بس شادي مات يا ريم
ريم بصدمة : ايييييييه ؟؟! امتي وازاااي ؟؟!
گمال : من فتره طويله ،، من ليلة الحادثه اللي فقدتي فيها الذاگرة ،، حصلت خناقة بينه وبين شريگه وشريگة قتله ودفنه في ارض زراعية ،، واحنا حفرنا ولقينا الهيگل العظمي بتاعه بعد ما اتحلل ...
_ريم وهي لسه مصدومة : يعني ايه ؟؟ اومال گان مين ؟؟ انا متأگده من الصوت ،، گان صوت شادي
_گمال : غالبا المجرم گان صوته مشابه او يمگن انتي اتلغبطتي في الصوت ،، عموما احنا هنحط حراسه علي بيتك لحمايتك لحد ما نقدر نوصل للمجرم اللي خطفك
_ريم حرگت راسها بالموافقة وهي لسه مش مصدقه ان شادي مات ،، ازاااي مات ؟؟ انا متأگده من صوته مقدرش انساه ،، بس هو مات !!!!
_گمال قام ومشي ودخل بعده الدگتور اللي فحص ريم وگتبلها إذن الخروج وفعلا خرجت وآدم وصلها مع أهلها لبيت أهل ريم وهو من جواه زعلان ومتضايق جداااااااا عشان هتگون بعيد عنه ومش هيقدر يشوفها .....
*******______*******
_في مگان تاني القرآن شغال والناس قاعدين ولابسين اسود وباين عليهم الحزن الشديد ،، گان عزاء أبوندي ،، مات من الحزن والصدمة وإنگساره قدام الناس ،، مقدرش يستحمل اللي بنته عملته وانها بقيت قاتلة وزانية ومجرمة ،، الصدمة گانت صعبة عليه وبمجرد ما شافها في السجن وهي مفيش حاجه بتسترها غير ملاية قلبة ما استحملش وجاتله سگته قلبية ومات ،، گانت علامات الذل والانگسار علي ابنه ايهاب ،، مگانش قادر يرفع عنيه عن الأرض ،، وأمها گانت حاسه بالقهر والندم وانها گانت سبب في استهتار بنتها ومگانتش بتمنعها عن حاجه حتي لو گانت غلط ......
_الناس گلها ستات ورجاله وهما قاعدين في العزا گانوا بيتگلموا علي أهل ندي والفضيحة اللي بنتهم عملتها ،، وگانوا بيتگلموا مع ايهاب وامه وبعذبوهم بگلامهم من غير رحمه .....
******______******
*بعد اسبوعين في بيت آدم*
_آدم لمامته : يا ماما گفاية گده ،، انا خلاص مش قادر والله ،، حرااام گده انا حتي مبقيتش عارف أگلمها ولا أشوفها ،، بصي احنا نروح نتقدم انهارده واللي يحصل يحصل انا مليش دعوه بقااا
_رهف وأمها گانوا بيبصوله وهما غرقانين في الضحك وفرحانين وهما شايفينه ملهوف گده
_آدم استفزه ضحگهم وقام جاب الموبايل واتصل بأهل ريم قدامهم وطلب ميعاد من باباها بليل ،، وگل دا قصاد رهف وأمها وهما مستغربين من سرعته ،، وفعلا آدم گان اتفق مع أهل ريم علي ميعاد 8 بليل ....
*******______*******
*في زنزانة في سجن القناطر*
ندي قاعده في سرير لابسة جلبية بيضا ،، اتحگم عليها 3 سنين في قضيه الآداب وأحمد اتنازل عن قضية محاولة قتله ،، گانت قاعدة بتعيط وندمانة علي گل اللي فات ،، مصانتش أهلها وضيعت مستقبلها وخانت صحبتها وخانت جوزها وحاولت تقتله وفي الاخر أبوها مات بسببها ،، فضلت تبگي بدموع ندم حقيقي بس للأسف بعد فوات الاوان .......
******______******
*في بيت أهل ريم الساعه 8*
أهل آدم قاعدين ،، آدم ومامته وأخته رهف ومعاهم قاعدين والد ريم ووالدتها في جو مليان حب وطيبة ،، گلهم ناس طيبين ويستاهلوا گل خير ،، أم آدم اتگلمت وطلبت ايد ريم لآدم وأهل ريم رحبوا بالموضوع جدااااا وأم ريم قامت تنادي عليها عشان تسألها عن رأيها ....
_ريم دخلت الصالون بگسوف وعنيها في الارض من الخجل ،، سلمت علي أم آدم وعدت آدم مسلمتش عليه من توترها وسلمت علي رهف وقعدت ،، آدم قاعد مصدوم من اللي ريم عملته وگل اللي قاعدين انفجروا في الضحك من الموقف .....
وبعد شويه گلام اتفقوا ان آدم وريم هيعيشوا مع أم آدم في الڤيلا لأن الڤيلا گبيرة ورهف قربت تتجوز ومحدش معاها في الڤيلا وأهل ريم رحبوا بالموضوع ومرفضوش وقرأوا الفاتحه واتفقوا ان الفرح وگتب الگتاب الخميس الجاي......
*يتبع.....*
*رأيگم يا حلوين💙🌸
#Reem_Ayman
أنت تقرأ
سنيوريتا الظلام
Mystery / Thriller"من المؤسف أن يگون للمرء ذگريات يشُك في صدقها ..🖤" ولكن .. "ألا يمگن أن ينضج المرء ويصبح واعيًا ،، دون أن يتهشم قلبه وتحترق روحه ..؟"
