عندما احببتُ الحوت 💜

البارت الثالث عشر

كأنك شيء نزل من فوق.. كأنك حتة مـ الجنه..
                كأنك ورده مهديه تفرحنى لسنين جايه 💜

......

ولاء بصراخ: لااااااااااااا

..استيقظت ولاء علي يد والدتها وهي تيقظها من نومها فكانت تحلم

ولاء بدموع: انس انس يا ماما هو فين

رجاء بحب: متخافيش يا حبيبتي انس بخير هو اتعدي مرحله الخطر ونقلوه اوضه عاديه والدكتور قال هيفوق قريب

ولاء بسعاده: الحمد لله يا رب يلا يا ماما عشان اشوفه

رجاء لنفسها: ربنا يديم سعادتك يا بنت بطني كان ليه كل ده من الاول

.....

.....

دخلت ولاء الي غرفه انس وانفاسها تعلوا وتهبط
حتي جلست بجانبه وبدأت في البكاء غير قادره حتي علي الكلام كأن صوتها يعاندها وقلبها يتصارع ليدق من جديد بجانبه وبصرها يتلهف لروئيته بخير

ولاء بدموع وهي تحتضن يديه: انا عارفه انك زعلان مني انا مكنش قاصدي انا بحبك والله مكنش قاصدي ازعلك مني ارجعلي بقا يا انس انا تعبت والله تعبت في بعدك عني

..اشار ادم للجميع بأن يخرجوا من الغرفه

ادم: انا هسيبك معاه خدي راحتك لو احتاجتي حاجه انا وعمر واقفين بره

ولاء بعد خروج ادم: فوق بقا يا حبيبي انا اسفه عاقبني انا انا راضيه بس قوم انس انت مش بس حبيب انت اخويا وابويا ال اتحرمت منه انت اغلي من حياتي انا قلبي مابيدقش غير وانت معايا انت الهوا ال بتنفسه انا كنت بموت وانا بعيده عنك قوم بقا انا محتجالك ..محتجالك اوي يا انس

.......
في الخارج

عمر:  يعني حالته ايه بالظبط يا دكتور

الطبيب وهو ينظر علي انس من خلال النافذه : احنا عملنا ال علينا والواضح انه بيقاوم حاجه جواه عنده خوف من حاجه مسيطره علي مخه وعلي تفكيره محجوز في دوامه حبساه جواها مبتخليش خلايا المخ بتعمل حاجه غير انها بتقاوم الوضع ال هو فيه لكن ال اقدر اقوله اني ملاحظ ان من ساعت لما دخلت الانسه جوه وضربات القلب انتظمت والمقاومه قلت

ادم بهدوء: يعني مع الوقت ممكن يستجيب مش كده

الطبيب: بالوضع ال هو فيه ده فأنا متفائل جدا انه قريب ممكن يتغلب علي الهواجس ال في دماغه ويرجع للدنيا بتاعتنا بس لازم يكون فيه سبب وانا اعتقد ان الانسه ال جوه هي السبب لانه بيتجاوب معاها حتي لو غايب عن الواقع بس قلبه بيتجاوب وبدأ يحس بالامان ودقاته انتظمت بس لازم شخص واحد بس هو ال يفضل معاه

عمر: شكرا يا دكتور تعبناك معانا

الطبيب: ولا تعب ولا حاجه ده واجبي عن ازنكم