وكيف انجو منك وانا غريقه فى بحر هواك💜
************
ولاء بصراخ: اناااااااااس
رجاء بفرحه: اخيرا يا حبيبتي فوقتي
ولاء بدموع: انس ..انس يا ماما انس فين
رجاء: متخافيش يا حبيبتي هو لسه ماشي بعد ما اطمن عليكي
ولاء بدموع: لا لا يا ماما انس مش بخير انا حاسه ان فيه حاجه قلبي مش مطمن
احتضنتها رجاء لتهدأها: حبيبتي هو بخير ماتقلقيش
ولاء وهي تتشبث في ملابس والدتها: انا دمرته يا ماما دمرته ورفضته وقولتله كلام جرحه
رجاء: ليه بس دا انتو الاتنين الحب باين في عنيكو ليه تعذبي نفسك وتعذبيه
نهضت والاء من حضن والدتها واحضرت الهاتف واعطته لوالدتها: خدي ده اتصلي عليه وطمنيني والنبي
رجاء :طيب يا حبيبتي بس اهدي كده حرام نفسك، ان شاء الله هو بخير
ولاء بأمل ودموع: يا رب ياماما يا رب
.................................
مازن بضجر: يابنتي غيري علي قناه عدله فيها حاجه تتسمع
ريهام بتركيز للتلفاز: هش هش اسكت خليني اركز
رنا: وبعدين ده مسلسل تحفه مش شايف البطل وحلاوته ياااي ولا شعره ده قمر
ساره: عندك حق ومين ميحبش كاران لوترا
مازن بضيق: مش عارف بتحبوا فيه ايه ده دول بقالهم ساعه واقفين مبيعملوش حاجه غير انهم بيبصوا لبعض وقال ايه وقعت الشال في مكان والبطل اصلا في مكان تاني وقبل الشال ماينزل علي الارض يمسكه يلبسهولها ايه ده
رنا: ده فن يابني ماهي دي الاثاره والتشويق
مازن: تشويق ايه يا ام تشويق ده قرف انتي مسميه ده فن امال مسلسلات امير كراره يبقوا ايه ده بطل
ساره : هو يعني عشان كان ظابط في مسلسل هتتكبر علينا
مازن : ماعاش ولا كان اللي يتكبر عليكو دا انتو اغلي من روحي
احمر وجهه ساره بشده فهو كان ينظر لها بحب ونظرات وقحه
ريهام بصراخ: لااااااااااا يا ولاد الجزمه
رنا بفزع: ايه فيه ايه
ريهام بضيق: المسلسل خلص علي حته نار البطله اتخطفت
مازن بضجر: اكيد البطل في اخر لحظه هينقذها زي كل مسلسل هندي
ريهام بحزن: والله حرام يفرقوا اتنين بيحبوا بعض ده ظلم
رنا بتأثر: ده مجتمع متوحش معلش اهدي
مازن بتصفيق: واو اخر تكه نعدها تاني يا ساده...ايه يا حجه منك ليها قلبتوها دراما كده ليه
أنت تقرأ
عندما احببتُ الحوت 💜
Misterio / Suspensoروايه بالعاميه المصريه هو اصبح قاسى لا يهمه غير نفسه يعيش بين طيات الماضى تأتى هى لتخرجه إلى عالمها الخاص لتتدلى مراسم الحياة فى قلبه ليعود إلى طبيعته الأولى ليحدث ما ليس فى الحُسبان........
