عندما احببتُ الحوت 💜

البارت السادس

بسم الله الرحمن الرحيم
( روايةحبيس ذكرياتها )

_____//////////______

فجأه وجدت من يحاوطها بين زراعيه ويأخذها في احضانه في وسط هذا الجمع وكان يتلقي الضربات عنها

مازن: ساره ايه ال جابك هنا ودخلتي في وسط العيال دي ازاي

ساره والدموع مازالت تتساقط كقطرات المطر علي لوح زجاج النافذه ويعطي له منظر جذاب: معرفش كل ال انا اعرفه اني كنت معديه رايحه السنتر عشان الشغل معرفش

مازن حاول ان يهدأها واخذها خارج العراك

مازن: اهدي خالص مفيش حاجه والعركه دي هتخلص بس ثواني وجايلك

ذهب مازن وفك العراك بعد ان هددهم ان يسجنهم واخرج لهم كارنيه الشرطه خاصته
ثم ذهب وجلس بجانب ساره التي كانت تبكي بشده

مازن شعر كأن قلبه يتمزق عليها من الممكن لأنها تشبه اخته رنا جدا في طيبتها وشكلها هذا ما قاله

مازن: بس بقا كل حاجه خلصت بتعيطي ليه دلوقت

ساره وهي تمسح دموعها مثل الاطفال: عشان انت اتهريت ضرب بسببي انا اسفه

مازن بمرح: انا هتغاضي عن اتهريت دي بس فداكي عمري كله

لم يعرف كيف قال هذا الكلام لكنه لم يشعر كيف قاله ثم قال: مش هنمشي بقا ولا هنبات هنا

ساره بخجل: اه يلا بس انت رايح فين

مازن: النهارده ياستي اترقيت وكنت رايح اجيب هديه لماما ورنا عشان افرحهم

ساره بفرحه: الف مبروك يا ميزو ربنا معاك

مازن: احلي ميزو دي ولا ايه يلا هوصلك واروح

ساره بخجل: لا متتعبش نفسك هروح لوحدي

مازن بحزم: هوصلك يعني هوصلك قدامي يلا

ساره : بس

مازن: مبسش قولت يلا يبقا يلا

ساره لنفسها: هو هيطلع عليا الظابط ال جواه ولا ايه

مازن بضحك: سمعتك علي فكره ياهبله انا اصلا ظابط قدامي قدامي

ساره : يلا وامري لله

____//////_____

دخل انس ورنا مكتب ادم بعد ان سمح لهم بالدخول

انس: عم الناس

ادم ببرود وهو ينظر للملف : عايز ايه يا زفت اخلص مش فايقلك

انس: احم طب احترمني قدام الناس طيب

ادم: هتخلص ولا ايه

انس: خلاص ياعم انا بس جبتلك السكرتيره الجديده اهي

ادم : هو انا طلبت منك حاجه

انس : طب بص حتي للـ بيكلمك

ادم رفع وجهه ونظر الي انس ولم يأخذ باله من وجود رنا: والله تحب اعرفك هبصلك ازاي