عندما احببتُ الحوت 💜

البارت الحادى عشر

بسم الله الرحمن الرحيم (البارت الحادى عشر ) من رواية (حبيس ذكرياتها )

***********

الدكتور بضحك: باين دم حضرتك خفيف

ريهام لنفسها: هو البعيد اطرش ولا ايه بقوله يقولي ايه وهو بيقول ايه

عمر بضيق شديد: دكتور وليد بعد ازنك عايز حضرتك بره

وليد: ماشي يا استاذ عمر اتفضل

خرج عمر من الغرفه وهو في قمه ضيقه ولا يعلم السبب .......

ريهام بعد خروج عمر ببرائه مزيفه: رنا هو انا عملت حاجه

رنا وهي تحاول ان تخفي ضحكتها: انتي دا انتي ملاك معملتيش حاجه

ريهام: طب انا عايزه اخرج بقا زهقت ومبحبش المستشفيات اصلا بتخنقني

رنا: استني لما نشوفوا عمر هيقول ايه وبعدين تخرجي

ريهام بغيظ: ليه كان ولي امري ولا ايه

: اه ولي امرك

ريهام بخضه وهي تحدث نفسها: دول بيطلعوا منين دول

عمر بإستهزاء: بيدخلوا من الباب يا ختي

رنا لإنقاذ الموقف: هو الدكتور قال لحضرتك ايه

عمر: اولا بلاش حضرتك احنا بره الشركه ثانيا بقا قال عادي تخرج وكمان المفروض كانت خرجت من زمان. ثم نظر اليها واكمل : بس انا الحق عليا كنت بعملها تحاليل اتأكد انها بخير

ريهام بصوت منخفض: لا فيك البركه حنين اوي ياخويا

عمر: بتقولي حاجه

ريهام : لا بقول تسلم

عمر بجديه: طيب يلا اوصلكوا البيت

رنا: لا ميصحش

عمر: لا مينفعش لازم ومتقلقوش باقي اليوم اجازه يلا اجهزوا وانا هاجي كمان شويه بعد اذنكو

رنا: اذنك معاك

ذهب عمر ومضي قليل من الوقت واوصل رنا وريهام الي منزل رنا ثم ذهب

...................

ساره بغيظ: انت مجنون ازاي تيجي تاخدني من بين الحصه كده

مازن ببرود: عادي خطيبتي وبفسحها حرام

ساره : انا مبقتش لسه خطيبتك وحتي لو خطيبتك ده ميديش ليك الحق انك تمسك ايدي وتخرجني بالعافيه من وسط الطلاب والمدرسين

مازن ببرود: وماله يوم الخطوبه نكتب الكتاب عشان اعرف اخرج معاكي

ساره وهمت بالوقوف لتمشي: انت انسان مستفذ

مازن بهدوء وصوت منخفض مرعب دب الرعب في اوصالها: مش هعيد كلامي واقعدي

ساره بخوف جاهدت في اخفائه لكنها فشلت: طب انا عايزه اروح