يكفينى منك ان نتقاتل مع استبدال'التاء' بالـ'الباء' كى نتعانق ❤️
.....
فى حى شعبى بسيط مع اصوات الشوارع المليئه بالاشخاص والاطفال والمرح نراها تركض وتنادى بصوت صاخب
جواهر:ورحمه ابويا مانا سيباك يازباله ياتربيه الشوارع امسكوووه حراااااامى
تجمع اهل الحى على صوتها وتمكنو من امساك اللص
جواهر وهى تلهس وتأخد انفاسها بسرعه: است استنى يا حرامى عليا والله لسجنك
وليد: خلاص يا ست جواهر والله اخر مره
جواهر: لو تحلف على المايه تجمد مش هصدق واحد زباله زيك بقا انا يالااا تستغفلنى
ودينى وما اعبد لوديك فى حديد
صلاح: ايه يا ست جواهر فيه حاجه ولا ايه
جواهر: تسلم يا معلم انا هتصرف
ثم امسكت وليد من ملابسه بشده وذهبت به الى مغفر الشرطه
امين الشرطه: اخدمك فى حاجه يا ست
جواهر: كنت عايزة اعمل محضر فى ال مايتسمى ده
امين الشرطه:هو مين
جواهر:ده
ثم نظرت بجانبها لكنها لم تجد احد
جواهر بصراخ: اااه يا زباله والله لوريك
ثم خرجت من القسم وهى تسب وتقسم له ان تربيه
جواهر: هتكون روحت فين يعنى هجيبك يعني هجيبك مش جواهر بنت السلطان ال يضحك علي......
ولكن فجأه ظهرت سياره تقود بسرعه اطاحت بها ارضا
لم ترى شىء بعدها توقفت عقارب الساعه اغمضت عينيها والدماء تسيل منها.....
...........
عمر بصدمه : انتى مين وايه ال جابك هنا
الفتاه وهى تبكى: خدت منى ال عايزة وجاى تسألنى انا مين
عمر بعصبيه وقد امسك خصلات شعرها بقوه : بت انتى مش ناقصه مياعه قولى انتى مين وخلى يومك يطلعله نهار
الفتاه وهى تقترب منه وتتمايل عليه وتقول بصوت انوثى: مش النهار ده ال مكنتش عايزه يطلع طول الليل
ظل عمر يفرك عينيه ويحاول استجماع شتات نفسه لكنه غير قادر على التذكر
الفتاه بدلع: على اى حال اسمى سناء وبيدلعونى بيقولولى يا سوونه
وجدت ما يسقط على خديها التى احمرت من اثر الكف فقد فاض به الكيل
عمر: وحياة امك لعرفك انا بيدلعوكى بيقولولك ايه
.......
استيقظت رنا وريهام وكاميليا وولاء وهم فى غايه النشاط
ريهام: احكيلى بقا عن نفسك ملحقناش نتعرف امبارح
كاميليا: بصى يا ستى انا مامتى ميته من اول ما اتولدت يعنى بالعربى مشوفتهاش كنا طول حياتنا انا وبابا بره بابا اتجوز وانا عندي 17 سنه مكنتش بكون صداقات بالساهل او مكنتش بكون صداقات اصلا يعتبر مكنش عندى صحاب
ثم بدأت عينيها باللمعان كأنها انتقلت لعالم اخر: جه هو ودخل حياتى اصبح صحابى واصبح عالمى التاني مكنتش بحس بحاجه وحشه فى وجوده بس
أنت تقرأ
عندما احببتُ الحوت 💜
Misteri / Thrillerروايه بالعاميه المصريه هو اصبح قاسى لا يهمه غير نفسه يعيش بين طيات الماضى تأتى هى لتخرجه إلى عالمها الخاص لتتدلى مراسم الحياة فى قلبه ليعود إلى طبيعته الأولى ليحدث ما ليس فى الحُسبان........
