فصلية العمارة والضباط جواد

البارت الثالث عشر والأخير

#" فصلية العماره والضابط جواد" (حقيقية) 

# للكاتب حسين الحاجي

البارت الثالث عشر...

جواد.. طلعت من الغرفه واني اجر نفس براحه ألحمد الله شوي

احسن صارت، بالممر امشي ادور ع الدكتور ولن اشوف شوفه

لطشت عقلي معقوله هاذي نونو الليل جريت العجيبة هاي

شنو هذا اللعب، تقربت اكثر بدون ماتشوفني تمشي بشوفت

نفس ولا هامها شي والحماية منا ومنا، دخلت غرفة العلاج و

الكل مخبوص بيها عبالك أميرة العصر موو هيج، اتصلت على

ملازم أول صباح اريد اعرف الفلم شنوو وهاذي ليش طالعة

صباح.. هلا بيك سيدي شخبارك

جواد.. بنبرة منفعل، الحمد لله، صباح منو أطلق سراح نانو اليل

تاجر مخدرات وعليها قضايا بكد الدنيا تتبختر هاي بيا قانون ها

صباح.. بنبرة اسف، سيدي الأمر اجانه من فوك وقوة خاصة

جتي خذتها مع انو المدير واجهم وماقبل لكن اتصال اجاه وقع

على أمر إخلاء سبيل ورتبوها من يمهم واخذوها عينك عينك

جواد.. يسولف واني فرت لسمه، انعل ابوهم لابو القانون الطايح

حضه، لك للعاقل اسولفها يضل يضحك، لكن مو شي جديد

بالعراق، مع كل الأسف نتعب ونخاطر وتاليها اتصال يطلعهم

صباح.. سيدي، والدها جدا تأثيره بارز وأيده واصله لأبعد الحدود

جواد.. كمل تحقيق وي البقيه، صباح مايطلع احد وإذ صار شي 

او جتي اي أوامر او تبليغ تحطني بالصوره فورا وما أوصيك ها 

صباح.. تامر سيدي

جواد.. كفوو منك، خلصت اتصال وي صباح واني حاير والحيرة

ماتنوصف ومن صدكَ وجعني كلبي على كل الي يصير وما

اريد كل هذا و الله ولو اني موجود لو اعرف اخسر رتبتي ولا هيج

يصير وتطلع هل القذره، رحت غرفت الدكتور دخلت سلمت

الدكتور.. اهلا بيك اخي

جواد.. واني اتنفس بقوه، دكتور زوجتي وعت وجوعانه فجيت

أسألك دكتور شنو الاكل الي يناسبها لحتى اجيب الها وتاكل

الدكتور.. الأفضل شي سائل وخفيف، جيب الها شوربه مفيده

جواد.. تمام دكتور، تشكرته وطلعت بعدها رحت على قسيم