فصلية العمارة والضباط جواد

البارت السادس

#" فصلية العماره والضابط جواد" (حقيقية) 

# للكاتب حسين الحاجي

البارت السادس...

كلت اروح البستان اهناك انتظرهم  لذولي شغلت سيارتي

وطلعت، لاحظت اكو سيارة تراقبني لكن ماتحاول تبين وبهل

الاثناء تعرض سيارة كدامي ثواني نزلوا ومااشوف اله طوقوني

تفاجئت بلي صار واستغربت وبالي ضل يطرح اسئلة منو ذولي

احد الأشخاص.. بصياح، انزل وبدون أي مقاومة

جواد.. بخزر وانزعاج، احجي عدل لا اخليها تلطم عليك الليلة

احد الأشخاص.. بابتسامه استهزاء، شرائيك اني اني اخليها تلطم

جواد.. هه، انته حشره وياصديقي الحشرة لدوس فقط، ونزلت

من السيارة اباوع المنطقة شبة الساكنة لا حركة ولا رويش ابدا

جواد.. واني ادقق بيهم واخزر، انتوو منوو وشنو الي تردوا مني

احد الأشخاص.. مو احنا الي نريد تاج راسك هو الي يريد

جواد.. بعصبيه وصياح، تاج راسك انته مو اني، شهل الهتليه

احد الأشخاص.. امشي ويانه واشتري حياتك يبن الشيخ

جواد.. شوفوا زبايل الي يريدني هوا يجي لهنا وغير هذا ماكوو

احد الأشخاص.. الظاهر انته مشتهي الموت استاذ جواد

جواد.. بنبرة غاضبة، شوف يانكرة اكو معقولة مااعرف إذ سامع

بيها جنابك السوقي او لا واهيه "إذ كان الموت محقق فلا تعش

جبان"، اني كلت الي عندي ومااتحرك من مكاني لو مهما يكون،

احتاروا ويردون طريقة ماكوو لحتى اروح وياهم، ايسوا اتصلوا

تقريبا ربع ساعه جتي سيارتين عاليات نزلوا منها وأعتقد هذا

المسؤول تبعهم، انتجيت على السيارة بكل استرخاء وراحة

َالقفل (الاسم الحركي).. اني تاجر سلاح ومخدرات، جواد من

أهم أعدائي لموقف حصل قبل 4 سنوات عدما اعتقلت ب مره

من المرات جان ضابط التحقيق هوا واذاني كلش هوايه يومها، 

حقدت وكلت اله اردها اله بيوم من الايام مستحيل انساها ابدا

القفل.. صرت اكباله، اووو حضرت الضابط جواد ياهلا والله

جواد.. باستغراب، انته منوو ومنين تعرفني؟

القفل.. افاااااا و الله معقوله يهلالي، اعذرك شكلي تغير حيل،

اني نفسه الشخص اله سهرت وياه لصبح بغرفة التعذيب 😱