طلعت وياه للمطبخ كعد بصفي رفع ايدي باسها وگلي اذا راح تبقين خجلانه ومتاكلين ازعل منج
جاوبته لا راح اكل بدينا ناكل عيونه تراقبني وبدا يأكلني
الحقيقه خلاني ارتاح بتعامله ويايه
وحتى من رحنا للغرفه بقى يتغزل بيه وحسسني بقيمتي خلاني انسى زواجنامؤقت شكد ما حسسني بكم الحب وهو قريب عليه خلاني اتألم لان هالحب مؤقت ...ومن كمت من الفراش ابدل نزلت دموعي هو اتوقع اتألمت او دا اتصرف مثل اي بنيه اول مره يتقربلها رجال گلي ليش دتبچين انت مو بنيه اني عرفت هو قصده ديستفسر عن سبب دموعي ما قصد يستهزاء بس اني ردتها حجه حتى اطلع الحزن الي بداخلي گتله انت مثل اي رجال شرف المره متوقف على وجود هالشي لذلك انت طمعت بيه وهسه اخذت الي ردته ممكن تنطق يمين الطلاك عليه لان مدا اتحمل نفسي والموقف الي خليتني بي
هو اجى وگف بصفي حضني گلي فهمتيني غلط والله مقصدت اجرحج ولا بدر مني شي يخليج تكرهين نفسج وكل الي حسيتي بي جانت مشاعر صادقه مني والي تريدي يصير من ارجع من السفر هسه امشي غسلي وجهج وتعاليلي للهول نكعد سوا قبل ما تروحين
سالي :رحت غسلت وطلعت للهول لگيته مطفي الضوه ومشغل شموع ومن وصلت يمه مد ايده كعدني بصفه وخلى ايده على چتفي گلي سالي اني باجر مسافر ما ارجع اقل من اسبوع ممكن تتحمليني الى ان ارجع وانفذ اتفاقنا
مازن :اكتشفت نفسي احب هالانسانه اول ما دخلت الشقه حسيتها هي الانسانه الي جنت انتظر تنور هالمكان وتملي حياتي خلتني اتراجع عن ما متفق وياها وما افكر اطلگ بس ما كدرت اگلها ردت انطيها مجال حتى تتأكد من مشاعرها تجاهي واني اتأكد من مشاعري لذلك گتلها راح اغيب مو اقل من اسبوع وبالحقيقه اني ارجع بعد ٣ايام
بعد ما راحت سالي لبيتهم حسيت الشقه بيها شي تغير رحت بدلت ملابسي دا اطلع تذكرت ودزيتلها مسج سالي وصلتي
جاوبتني اي وصلت
سألتها خو مصارلج اشكال بسبب التأخير
جاوبتني لا الحمد لله /گتلها يله باي جاوبتني باي
طول الوقت بقيت افكر بيها صح اضحك واجامل جماعتي بس بالي يمها تمنيت ارجع للشقه الگاها هناك تنتظرني
اذا قبلت تبقى على ذمتي لازم يبقى زواجنا بالخفيه لفتره بين ما احاول اشوف طريقه اقنع اهلي لان ما اريد يصير بيني وبينهم زعل لازم اشوف طريقه اخلي اهلي يحبوها قبل ميعرفون بيها زوجتي
بليل من رجعت للبيت فتت بفراشي تذكرتها دزيتلها مسج تصبحين على خير يا احلى شي صار بحياتي
جاوبتني ورا شويه وانت من اهله توصل بالسلامه ان شاء الله
سالي :رجعت للبيت ومثل المعتاد افوت لغرفتي ابدل وبعدها اكعد ويا اهلي بس اليوم حسيت نفسي مرتبكه لان اول مره اسوي شي من ورا اهلي وبس ردت يخلص اليوم وافوت لغرفتي بدون ما يحسون اكو شي
الحمد لله محد حس بشي لان چانوا ملتهين بصور جهال محمد اخويه دازلهم صور بسيدي لجهاله واخر الفديو تطلع صوره سونر عرفنا مرته حامل بالجديد وراد يفرح امي وابويه بهالخبر على طريقته وجانت فرحتهم كلش مبينه عليهم واني هم فرحت لان احب الاطفال وتمنيت لو زواجي من مازن مو شي مؤقت ويصير عندي طفل منه
من دخلت لغرفتي وشفت منه مسج فرحت بي لان اتذكرني قبل مينام بعد ما جاوبته/ رحت طلعت تلفوني القديم وشفت مسج من لينا جايبتلي عريس دزيتلها( اختي تلفوني چان ضايع اليوم لگيته واعتذري من البنيه ما افكر بالزواج حاليا انتظرج حبيبتي شوكت راح تجون اشتاقيتلج ) بعدها رحت نمت مرتاحه
ثاني يوم
مازن :ساعه ٦.٣٠ الصبح طلعت للمطار طيارتي ب١٠
اول ما كعدت
دزيت مسج لسالي صباحك سكر❤️ بقيت انتظرها تجاوبني
سالي: كعدت ساعه ٨ مثل كل يوم لان دوامي يبدي ساعه ٩ بالصيدليه لكن الي تغير اليوم فتحت تلفوني دا اشوف شكد الساعه لكيت مسج واصلني من مازن صباحك سكر
جاوبته صباح النور
مازن اول ما دزتلي المسج دكيت عليها ردت اسمع صوتها
سالي :الو
مازن :صباح الخير /سالي:صباح النور شوكت طيارتك
مازن :بالعشره ونص /سالي:توصل بالسلامه ان شاء الله
مازن: سالي من كل قلبج تريديني ارجع سالم
سالي :اكيد ليش تتوقع العكس
مازن :بس حبيت اطمئن الدنيا حياة وموت
سالي :لا اطمئن يله اني اروح ابدل عندي دوام مع السلامه
مازن :مع السلامه
سالي : مازن من تقلع طيارتك دزلي مسج
مازن :ان شاء الله
سالي :بدلت ملابسي ونزلت سويتلي ريوگ اكلت وطلعت لشغلي
صباح الخير جاوبوني صباح النور
الدكتور :الحمد لله انك اجيتي بدي تساعديني نغير مكان بعض الادويه ونرتب الصيدليه
سالي:يله بس بالاول خلي نخطط الترتيب قبل ما انزل الادويه حتى تصير مجرد عملية تبديل مكانات ومتصير هوسه
الدكتور: تمام اماني انتِ اليوم أشوفي الزباين لحالك لبين ما نخلص
اماني :تمام
سالي انشغلت ويا الدكتور ونسيت مازن بعد ساعه ١١.٣٠ خلصنا ترتيب الادويه رحت على جنطتي شفت التلفون أتذكرت
