سويتلي چاي وطلعت لبلكونه غرفتي سمعت الباب انفتح انداريت دخل مازن
مازن: ليش نزلتي
سالي: هناك بقيت وحدي وهنا وحدي بس الفرق هناك انغثيت هنا لا
مازن :وشنو الي غثج
سالي: انت انسان ادور ونسه وبنات وشرب واني كل هذا ما اتقبله ويمكن تنزعج من كلامي بس ما اتحمل اسكت
مازن :وگفت كدامها يعني حسيتي بالغيره وعرفتي شعوري من سأل عليج الولد /بس ظلمتيني سبحت وطلبت عصير تفاح وبقيت كاعد اتفرج على الناس والله نظرات عاديه مو مقصوده يعني ماكو شي يخص الي گلتي (البنات والشرب )شنو هالسمعه حبيبتي
سالي :مازن لاتبدي اداهرني ساعه تعيط وساعه تضحك
مازن: ابتسمتلها شفتي للوجه الثاني بس بقمة عصبيتي علمتج شلون تتعاملين ويايه هاي دليل شكد احبج واخاف اجرحج
الله يعين امي شكد تحملت مني هسه اجى الدور عليج تتحمليني ولو انتِ جنتي تستحقين بس هالمره مشيتها اذا تنعاد حسابج عسير
سالي :لا ما اعيدها بس مازن انت تضرب
مازن :والله حبيبتي حسب الحاله بس اتذكر مره باستراليا بايام المراهقه ضربت صديقتي
سالي: جانت عندك صديقه
مازن: انت تلقطين الحجي حبيبتي على مزاجج انت عليج حاليا لا ماعندي غيرج صديقه وحبيبه وزوجه يله گومي بدلي حتى نطلع متواعدين ويا الناس
سالي :هسه ابدل /وراها طلعنا دكيت على ضحى گلتلي دننتظركم جوا بنفس المكان رحنا عليهم گعدنا تونسنا وضحكنا الدكتور طلب شرب مازن اندار عليه گلي شوفي حتى الدكتورة يشرب گتله هاي اول مره ادري بي
همسلي مو عدل انت حارمتني گتله حبيبي اطلب تفاح نفس الشي وضحكت گلي لا سالي صدك عاجبني جاوبته اذا تطلب متتقربلي گتلك سابقا ما احب الريحه
مازن: اوف شلون عنوديه والله هاي دعوات امي جنت شالع قلبها دائما تگلي يم المره راح تمشي بمزاجها
سالي :هسه شنو تختار حبيبي /مازن :لا طبعا اختارج انتِ
سالي: كلش تونسنا بالكعده وبعدها رجعنا حضرت ملابسي وملابس مازن لان باجر من الصبح نرجع لعمان كل واحد لبيته
ثاني يوم كعدنا الصبح نزلنا تريكنا طلعت ويا ضحى والدكتور لعمان ومازن ورانا وصلوني لبيتنا
دخلت لگيتهم ديتريگون سلمت عليهم وبقينا اني ولينا خلال اليوم سوا وطلعنا العصر للمول وبعدها التمينا ويا البنات تأخرنا تقريبا لل ١٢.٣٠ لان رجل لينا كال يمر يرجعنا طبعا مازن بنفس الكافيه جايب جماعته لان من جنت ابدل گتله حبيبي راح اطلع لفلان مكان گلي براحتج رحت لگيته قبلنا هو وجماعته ابتسمتله غمزلي وبقينا متواصلين خلال الكعده مسجات لينا انتبهت عليه گلتلي ولج شنو مكابله التلفون ويا منو ....گتلها ويا ضحى گلتلي من هاي بالمسجات /دزلي لازم اشوفج هاليومين لان وراها مسافر لبغداد وللامارات عندي شغل ابقى تقريبا اسبوعين جاوبته احاول من يصير عندي مجال امر
من دنطلع طلبنا الحساب گالوا الحساب مدفوع لينا والبنات سألوا العامل منو دفعه گلهم مابعرف ....اني عرفت مازن دفعه
باوعت عليه رفعلي ايده اشرلي على اصبعه شفته لابس حلقه كلش فرحت
اول ما رجعنا للبيت لينا سولفتلهم وبعدها تريد تعرف منو الي دفع الحساب اني من دخلت لغرفتي دزيتله مسج تصبح على خير حبيبي دگ عليه گلي شوكت اشوفج جاوبته ما اعرف
مازن: مو ردت اشوفج حلقاتنا اني لبستها حتى تأمنين بعد محد تباوع عليه رجال متزوج
سالي :جماعتك ما سألوك جاوبني لا سألوني گتلهم كطعت مهر
