مازن :لا متتأخرين
وصلنا للشقه گتلها تعالي اكعدي كدامي كعدت
بدون مقدمات گتلها اني ما اريد اطلگ بس اذا انتِ تريدين هالشي وقلبج مو الي باجر اروح اطلك
سالي :مازن بس وضعنا صعب اذا بقيت على ذمتك واهلي ميدرون
مازن :حبيبتي يعني انت ماعندج مانع نبقى متزوجين/ جاوبتني لا بس مو بيهج وضع ما اكدر اخاف ينكشف الموضوع انت متتأثر اني الي راح اتأثر بكلام الناس واهلي يتأذون
مازن :حبيبتي والله مسألة وقت اني قبل ما اجي فكرت بكلشي
بس انطيني مهله ارتب الامور وبعدها اتقدملج من اهلج رسمي بس عندي مشكله احلها وبعدها يصير الي تريدي
سالي :مازن بس يبقى وضعي مثل ماهو مو تجبرني اجيك للشقه وتهددني بالطلاگ
مازن :حبيبتي انسي سالفة التلفون والله جانت خارج عن ارادتي سالي اني حبيتج اول ما شفتج والتلفون الشغله الوحيده الي كدرت من خلالها احصلج وانسى موضوع الطلاك لان بحياتي مراح افكر بي وثانيا عندج ضمان يكسر رگبتي
سالي :مازن حاول ما انطول على هالوضع الله يخليك اذا صدك تحبني
مازن :والله اموت عليج واذيتيني من جنت ببغداد لان مسألتي ولا دزيتيلي مسج
سالي :والله حاولت ادز بس امتنعت لان كلت الي بيناتنا انتهى ماكو داعي ادز
مازن:لعد ليش دزيتي بعدين
سالي :ما اعرف قلقت عليك لان اوضاع بغداد اعرفها مو تمام وشفتك انت مادزيت ولا اتصلت صار عندي قلق
مازن : رحت وكفت گبالها جريت ايدها توگف گبالي همستلها سالي متكدرين تتأخرين ساعه حبيبتي
واخذتها بحضني وهي هم حضنتني جاوبتني لا مازن ما اكدر
مازن :سالي انت حاسه بكم اشتياقي الج
سالي :اي حاسه بس ما بيدي شي
مازن :تقربت من شفايفها لدرجه مكدرت ابتعد عنها
بس ابتعدت وتنهدت گتلها لازم اتصرف بأسرع وقت حتى تجين يمي يله خلي اوصلج راح تتأخرين
وصلتها للمول يم سيارتها ورجعت للبيت
سالي :جنت طايره من السعاده لان مراح يصير طلاك ولو الزواج مو معلن بس هو وعدني مسألة وقت ونعلن زواجنا
من وصلت للبيت دزلي مسج حبيبتي من توصلين طمنيني
دزيتله وصلت /دزلي من تفوتين بالغرفه اتصلي اريد اسمع صوتج جاوبته ماشي
بعدها وصلوا اهلي سألتهم تونستوا گلولي مكانج خالي
جاوبتهم بالعافيه اكلتوا بابا گلي اي بس سويلي فاكهه اريد اطلع اكعد بالحديقه الجو طيب
ماما كلتله اني لعد ابدل واجيكم
بقينا كاعدين تقريبا لل١٢ نسولف ونحجي عن لينا اختي لا باجر توصل لعمان بليل
بعدها گتلهم اني اروح انام تصبحون على خير
دخلت لغرفتي اتصلت على مازن بالاول مجاوب
بعدها رجع اتصل عليه
مازن: حبيبتي تأخرتي أتوقعتج نمتي
سالي: لا بس جنت بالحديقه وبا امي وابويه
مازن :حبيبتي باجر اشوفج
سالي:ما اكدر لينا اختي باجر توصل بليل
مازن انت مو بالبيت صح
مازن :لا حبيبتي طالع ويا جماعتي
سالي :مازن اني ما احب الخيانه وما احب الي يستغفلني
مازن :ههه راح نبدي نحط كلبچات
سالي :ترى منظرك ويا الراقصه لسى مناسيته يعني من دا احجي ما ظلمتك
مازن :يله انتي توبيني بس لازم تخصصيلي وقت حتى تربيني مثل متريدين
