بقا طول اليوم ويايه مسجات بس من اجوي عيال لينا التهيت ويا هم وكل شويه اصعد للغرفه احجي وياه وانزل ساعه١٠ بليل يله .....طلعوا خطارنا حضرت ملابسي لان اتفقت ويا ضحى يمرولي ب ٧ نروح للمؤتمر وبقيت الليل كله احجي ويا مازن
ثاني يوم الصبح وصلنا للبحر الميت واستلمنا كل واحد غرفته دخلت اني والدكتور المؤتمر شفت مازن هناك اجى سلم بعدها كعدنا كل واحد بمكانه نسمع الندوه
وراها صار تعارف بين الشركات والضيوف اني واگفه ويا الدكتور ويا مجموعه موضفين بشركه معدات طبيه واحد منهم
بقى يسولف ويايه بالاول شغل بعدين بشكل غير مباشر انت سكنة وين ومن هالحجي اني من شفته هيج سحبت نفسي وترخصت الولد اظاهر انعجب بيه
مازن قبل منخلص المؤتمر اجى وكف ويايه گلي هذا رقم غرفتي وانطاني نسخه من المفتاح وگلي نتغدا سوا
بعدها خلصنا المؤتمر رحنا لغرفنا اجتي ضحى گلتلي يله نروح نتغدا گتلها ضحى اريد اگلج شي اني ضامته عنج قبل ما تعرفي بس توعديني محد يعرف حتى الدكتور
گلتلي شكو سالي قلقتيني
گتلها اني متزوجه بالاول اتفاجئت من حجيتلها القصه كامله وعرفت مازن هو رجلي
گلتلي انت ِمو صغيره واكيد تعرفين مصلحتج واذا حابتة وهو حابج مابيها شي زواجكم قانوني وشرعي بس ليش ميعلن زواجكم
گتلها هو محجالي السبب گلي يرتب الامور ويا اهله وبعدها يعلن زواجنا كدامهم واتوقع المشكله لان اني مطلقه واكيد اهله مراح يقبلون لان هو شاب اعزب مناقصه شي ليش يرتبط بمطلقه مو ببنيه
ضحى :ليش مو اهله عايشين برا وتگولين هو ذبته مثل الاجانب
سالي :هو مولود هناك فاكيد يتعلم من المجتمع الي عاش بي
بس امه واخو الجبير بعدهم على عادات العراق ونظرته للمطلقه
ضحى :زين هو يعرف سبب انفصالج عن بسام
سالي :لا لان ميقبل اجيب سيرته ولا اسمه
ضحى :بس لازم تگليله ....سالي حبيت قصتكم
ان شاء الله يعوضج عن كل الايام الي تعبتي بيها
من خلال الحجي عرفته صداق وياج
سالي :اعرف بس خايفه من الظروف لاتوگف ضدنا
ضحى :هو مو صغير حتى امره بأيد اهله وتخافين هو محرد ميريد يصير زعل بينه وبينهم يعني اذا ما وافقوا على زواجكم تصوري ينفصل عنج
سالي :ما اعرف بس هو گلي مستحيل افكر بالانفصال وحتى كتبلي عقد بيع وشراء حصته بشركه اهله حتى اطمئن
ضحى :اوه لج سالي هذا واگع على الاخير لاتخافين الي يحب ميكدر يستغني يله لعد انتي روحي لمازن واني اروح لشادي
سالي رحت فتحت الباب ودخلت لگيته بالحمام صاح سالي
جاوبه اي
ورا دقايق طلع طلبنا اكل وبعدها بقينا سوية كعدنا المغرب گلي خلي نطلع اكو حفله جوا بالاوتيل گتله اخاف اشوف احد عرف
مازن: ننزل ندخل كل واحد وحده اذا مشفتي احد عرف نكعد سوا
سالي : بدلنا ونزلنا هو شاف ولد صديقه هناك ويا جماعه اجى بصفي
مازن: اكو احد
سالي: لا
مازن: لعد اختاري مكان بين ما اسلم على صديقي وارجع
سالي:لعد شلون راح تكعد ويايه
مازن: لا يعرف انتي مرتي وخاطبج من اهلج بس اهلي ميدرون كايله
سالي :راح اكعد هنا
مازن :ماشي حبيبتي دقايق وارجعلج
