ريم : من شفت مازن اخويه ومرته شكلهم يخبل سوا متوالمين سالي كلش جميله وانيقه من وصلو يمي بوست مازن وانطيت الورد لسالي بوستها انداريت على مازن لك احلى من الصور من يومك مجنص يله امشو هاك المفتاح انت سوق اني اكعد ورا يم سالي
مازن :واني شنو السايق مالتكم وحده تجي تكعد بالصدر
ريم :اهو مازن اتزوجت وبعدك على كلشي تنقنق جيب اني اسوق
مازن: انداريت على سالي گتلها شوفي ماي انجل اني بس وياج غيرشكل
سالي:متاكد انت ويايه متنقنق وثانيا شنو هاي ماي انجل طلعت فجأه
مازن : اممم بدايه متبشر بخير اصعدي
ريم:مازن شد الحزام احنه مو بالعراق ما ادري بعمان يشدوا لو لا / سالي :اي لازم عليه غرامه
مازن :اني صرت اللبسه بعمان من وراها ماخذ شرطي مرور اذا ما اشده هي تسحبلياه وتخلي بالقفل
ريم :انت خالف تعرف من يومك امك فرحانه بيك كالعاده انت وياها متصافين اول يومين بعدين نسمع صوتكم
مازن :لا هالمره لازم امشي على مرامها حتى اكمل مهمتي بسرعه وارجع عندي شغل
ريم :اي سالي شلونه مازن واطباعه
سالي: ما اعرف //ريم :هههههههههه مبين مطلع عينج
مازن :انداريت على سالي هاي تاليتها تخليني بحلك ريم
سالي:لا حبيبي اني قصدت اطباعك ما اعرف بس انت كلك على بعض حباب
ريم :ها جر بوشج گمتي ادارين مشاعره /صدگ نسيت اگلك تغيرت الخطه سالي تجي تكعد عندي لان وسام باجر مسافر الصبح والشقه الي بعمارتي راحت حبيبي ما لحگت اروح اسحب فلوس لگيتهم مأجريها
سالي :لا حبي اخذي راحتج مازن يحجزلي باي اوتيل
مازن :لا والله وشلون اعوفج وحدج ردت هاي الشقه لان بعماره ريم وعمارة اهلي قريبه حتى اگضي الوقت يمج
ريم :هسه مصار شي وسام گتله بالموضوع وباجر يسافر عنده شغل
مازن :اي ريم وبعد منو يدري انت هاي مشكلتج تشتغلين من راسج
ريم :بس خالتي ووسام
مازن :الله عليج گلتيلها لخالتي وتصورين خالتي لهسه محجت لامي
ريم :لا متحجي بس ردتها تأثر على امي ويايه
مازن :خلي نشوف وين راح يودينا راسج الگوي هاي اني نبهتج لو ممنبهج حتى امي تدري
ريم : بقلبي رايدلك تتربى مزوني وهالبنيه مبينه راح تربيك بسكوتها وهدوءها والله لا اشتغلك اصبرلي
مازن :حبيبتي سمعينا صوتج انداريت لگيتها مخليه ايدها على حلگها وفاتحه جيس الورق مال الطياره عرفتها لعبانه نفسها گتلها ريم اوگفي على صفحه وكفت ريم /نزلت ونزلت سالي اخذتها على صفحه استفرغت رجعت لريم گتلها عندج مي
ريم: شكو
مازن: بعدين افهمج
ريم: حامل
مازن: اي
نزلت ادور بالسياره لگينا شويه مي غسلتلها وجها ارتاحت ورجعنا للسياره
ريم بقت متفاجئه سألتها هسه احسن سالي هزت راسها
من تحسين مضايقه كوليلي اوگف مازن ارجع انت ورا لان الي يكعد ورا يدوخ اكثر
مازن بدلت المكانات /الاتفاق جان نوصل سالي للشقه واني وريم نروح لابيت اهلي بس تغيرت هسه راح نروح لشقة ريم نعوف سالي وحدها هناك ونطلع اني وريم وسامر لشقة امي
وصلنا لبيت ريم دخلت غراض سالي بغرفة ابن ريم وريم جانت مسويتلها اكل لان راح نعوفها
مازن :حبيبتي هذا تلفوني بي خط اماراتي من تريدين شي دگي على اسم ريما يله اروح ما اتأخر عليج ان شاء الله
سالي :مازن عفيه مو تلتهي عني اني استحي هنا كل متكدر مر //مازن : اوكي طلعنا بأتجاه شقة امي
