أيام من الماضي (نغم العاصم)

الفصل5(تلصص وصدمه)

ڤوت للفصل بليز🥰

بعد ساعتين رجع حسام واكرم من المستشفى لبيت كامل، فقابلتهم فريده والتعب كان باين عليها وسألتهم: عملتوا ايه؟
حسام: متقلقيش يا طنط نغم كويسه، هي حياة فين؟؟
أكرم: وفين بابا ومراته
فريده: مراتك فوق يا حسام، وابوك واختي مشيوا يا أكرم
أكرم: طيب انا هروح تصبحوا على خير
فريده: وانت من اهله
وبصت لحسام وقالت: وانت يابني اطلع لمراتك معلش هي مرضيتش تمشي وتسيبني
حسام: ايوه يا خالتي انا اللي كلمتها وقولتلها تستنا معاكي
فريده: ربنا يبارك لك، اطلع لها طيب
حسام: طيب عن اذنك تصبحي على خير
فريده: وانت من اهله
في الوقت ده كانت حياة بتعيط في اوضتها ولما سمعت خطوات جوزها بيقرب من الاوضة قامت تغسل وشها عشان تهدأ، ولما حسام دخل الاوضة لقاها في الحمام فسألها: بتعملي ايه؟
حياة وهي بتنشف وشها: ابدا مفيش
حسام: تعالي
راحتله حياه ووشها في الارض: نعم
حسام: ارفعي وشك
اول ما رفعت وشها شاف انتفاخ عيونها وحمرتهم فسألها: ينفع كده؟
فعيطت حياة اكتر وقالت: غصب عني اختي صعبانه عليا اوي، موت ابونا واخونا سيف وحبيبها عاصم ورا بعض ودلوقتي صاحبك اللي بيحبها منعرفش عنه حاجه
ضمها حسام ليه وقال: اهدي طيب عشان البيبي ولا انتي مش خايفه عليه
بصت حياة له والدموع مغرقه وشها وقالت: لا طبعا خايفه عليه
مسح حسام دموعها وحاول يهديها: طيب يبقا نبطل عياط ونهدأ كده
فابتسمت حياة وقالت: حاضر
سابته وراحت ناحية السرير
قال حسام وهو يخلع الچاكيت: متقلقيش عليها هي كويسه
سندت حياة ظهرها عالسرير وقالت: يارب، بس معرفش ليه حمزه عمل كده؟؟
قعد حسام جنبها وقربها منه بحنيه وقال: مش عارف، بس انا هحاول اوصل له واعرف هو عمل كده ليه
حياة: ياريت يا حبيبي، ربنا يخليك ليا
حسام: ويخليكي ليا، اقولك على حاجه بس متقوليش لحد؟
حياة: ايه؟
حسام: اللي حصل لنغم
Flashback
قبل ما نغم تنزل لعمها واكرم في اوضة المكتب اتكلم حسام معاها وهما نازلين
حسام: نغم، انتي عارفه ايه اللي حصل لحمزة؟
نغم بحزن: لا
حسام: ولا انا، طيب عارفه عمك هيقول ايه؟
نغم: لا انا عقلي واقف
وقفها حسام وقال: اسمعي، عمك هيخلي اكرم يخطبك مكان حمزه اللي مجاش ولو مرضتيش هيفضحك
نغم بخوف: والعمل
حسام: وافقي واول ما يجي يلبسك الشبكه اعملي انك تعبتي عشان ننهي كل حاجه
نغم: حاضر
Back to the present
حسام: وبعد ما نغم اغمى عليها وجبنا الدكتور، انا اتفقت معاه انه يقولهم انها عندها انهيار عصبي ولازم تتنقل مستشفى
حياة باستغراب: ليه؟
حسام: عشان احميها من اكرم وابوه
حياة: يعني نغم كويسه؟
حسام: مع الاسف لما اتكلمت مع الدكتور قالي انها فعلا عندها انهيار عصبي مش تمثيل
حياة: وهو صاحب اقتراح نقلها للمستشفى؟
حسام وهو بيتاوب: لا انا اللي قولتله ينقلها عشان ابعدها عنهم
حياة: ربنا يخليك لينا
باسها من دماغها وضمها اكتر له وقفل نور الاوضة وناموا...
************************
"نروح مع أكرم للفيلا بتاعته"
كان الكل نايمين ساعة ما وصل اكرم وهو سكران بعد ما خلص سهرته ودخل الڤيلا  يغني بصوت عالي، وهو طالع لأوضته سمع صوت والده بيتكلم مع حد في اوضة المكتب، فوقف ورا الباب يسمعه بيقول ايه؟!
الحج علي: انا مقولتش يموت
-:كان لازم يا حج
الحج علي: ليه؟
-:لانه عرف احنا مين وحاول يهرب
الحج علي: وبعدين؟
-:ولا حاجه حبيت اهوشه عشان يخاف قامت المطوه سارحه مني وجابت رقبته وثواني ومات
الحج علي: وعملتوا ايه ف المصيبه دي؟
-: مش عارفين يا حج مستنين الاوامر
الحج علي: طيب شوفلك مكان تاني غير ده
-:وفلوسنا يا حج
الحج علي: مفيش فلوس
-: لا كده الرجاله يزعلوا وانت عارف اللي هيحصل
الحج علي بقلق: طيب خلاص هبعتلك فلوسك
-: تمام كده نبقا حبايب، سلام يا حج
الحج علي: سلام
******************
خلص الحج علي مكالمته وفتح الباب فجأه فوقع اكرم قدامه عالارض فسأله الحج علي بتوتر: انت هنا من امتى؟
اكرم بابتسامة: من ساعة القتل، هو ده اللي عملته فيه
علي بقلق: انا مكنتش اقصد اقتل
قعد اكرم على كرسي واتنهد وقال: هات شنطة الاسعافات من وراك عشان صوابع ايدي مكسورة
اخد الحج علي شنطة الاسعافات من وراه واداها لأكرم وسأله: اتكسرت من ايه؟
أكرم وهو بيفتح الشنطة بعصبية: نغم كسرتها
الحج علي: طيب وسع اربطهالك انا
وبدأ الحج علي يربط صوابع أكرم
فسأله أكرم بخبث: قتلت مين؟
خلص الحج علي ربط صوابع اكرم وقاله بعصبية: قولتلك مكنتش اقصد يتقتل
مسك اكرم رأسه من الصداع بسبب الخمره الكتيره اللي شربها وقال: عادي وهي يعني اول مره؟
الحج علي: قصدك ايه؟
أكرم: انت عارف انا اقصد ايه؟
الحج علي: لا معرفش وضح كلامك
قال أكرم وهو تحت تأثير الكحول: حادثة كامل وسيف ابنه عشان الميراث، واللي حصّل لسيف لما بعتنا رجاله تخلص عليه هو وصاحبه وهما بره مصر، وفي الاخر قالوا انه ماس كهربائي مسك في البيت واتفحموا، وصفا مرات عادل اللي اتجوزتها عشان استكترتها عليه بعد ما حليت في عينيك وفرقت بينهم ومات بمرضه لوحده
علي: ما تتكلم عدل انت ناسي انهم اعمامك
ضحك اكرم وقال: اعمامي ايه بقا ما انت عارف اللي فيها، وعارف انهم......
حط الحج علي ايده على فم ابنه وقال: اخرس هتفضحنا
ابعد أكرم ايد علي عنه وقال: متقلقش كله نايم بس قول ايه اللي حصل، قتلت خطيب نغم ليه؟
حكى الحج علي لأبنه عن اللي حصل وبدأوا يفكروا مع بعض لحد ما أكرم قال: انا نازل رايحلهم
علي: ليه؟؟
أكرم: لما ارجع هقول لك
******************
في الوقت ده كانت صفا قلقت بسبب صوتهم العالي وقامت تتسحب على اطراف رجليها عشان تعرف بيقولوا ايه، واول ما سمعت كلامهم حست ان الدنيا بتدور بيها ورجليها مش شايلاها فجت على نفسها ورجعت الاوضه بهدوء وقعدت عالسرير ودموعها مغرقه وشها وسرحت في ذكرى مع عادل
Flash Back
صفا: انا مش عاوزه اعيش معاك خلاص
عادل: فهميني ليه طيب؟
صفا: كفايه عليك اللي تعرفهم واللي بتسهر معاهم كل ليله ووصل بيك الحال انك تبات بره كمان
عادل: مين اللي قال لك الكلام ده؟
صفا: مش مهم مين، انا عرفت وخلاص ومن فضلك طلقني من غير شوشره
عادل: انتي بتسبيني ف اكتر وقت انا محتاجلك فيه
قالت صفا وهي بتلم حاجاتها وحاجة ابنها حسام: لا
عادل بأستعطاف: طيب سيبي الولد معايا
صفا: عاوزني اسيبه معاك عشان يطلع زيك
وفجأه دخل حسام وهما بيتكلموا وجري على حضن ابوه وهو بيعيط وبيقول: ماما، انا هقعد مع بابا
صفا: اخرس، يلا عشان نمشي
عادل وهو بيحضن ابنه بقوه ويقول برجاء: متسبنيش انا بحبك وحياة حسام انتو حياتي
شدت صفا حسام من حضن عادل بالعافية وقالت: انا هستنا ورقتي في بيت بابا
خرجت صفا من باب الشقه وهي بتعيط ورزعت الباب وراها، وبعد كام شهر على طلاقهم، سمعت صفا ان عادل بيموت في المستشفى وطالب يشوفها، فحنت وندمت وقررت تروحله، بس ملحقتهوش وكان مات فقعدت جنبه عالسرير وهو ميت وحضنته وقالت وهي بتعيط: لا متسبنيش، سامحني، انا ظلمتك
طبطب كامل على كتفها وقال: قومي معادش ينفع الكلام خلاص
أنهارت صفا وخلاص هيغمى عليها لولا اختها فريده لحقتها وسندتها وراحت بيها لأوضة تانيه، وبعد كام يوم كانت صفا عند فريده في بيتها وبيتكلموا فقالت فريده: تعرفي ان عادل كان بيحبك اوي
صفا بحزن: ايوه عارفه، الله يرحمه
فريده: ومخانكيش زي ما انتي فاكره
صفا: عرفتي ازاي؟
فريده: لأنه بعد ما طلقك جه هنا واتكلم مع جوزي وهو بيعيط وحكاله عن مرضه
صفا: مرض ايه؟
فريدة: كانسر
انصدمت صفا وعيطت كتير وقالت: كملي
فريده: قال له انه هيوقف العلاج طالما انتي خرجتي من حياته هيعيش لمين، وقال له انه بيحبك اوي وعمل حاجه يمكن تسامحيه بيها
صفا بحزن: ايه؟
فريده: كتب كل حاجه ملكه بأسمك واسم ابنه حتى البيت اللي كان عايش فيه معاكي كتبه بأسمك
عيطت صفا اكتر وقالت: الله يرحمه
ومرت الايام وماتت مرات الحج علي في ظروف غامضه، فأستغل علي الفرصه وقرب من صفا ووقعها في حبه واتجوزها بحجه ان الولاد يتربوا مع بعض احسن
Back to the present
فاقت صفا على صوت الحج علي اللي كان واقف قدامها بينادي عليها بغضب، فانتبهت وردت عليه: انت واقف من امتى؟
علي: من زمااااان، من ساعة الله يرحمك يا عادل
صفا بقلق: ايه؟
علي: مالك كنتي سرحانه في ايه؟
صفا: ابدا ولا حاجه ده عادل جه على بالي فطلبتله الرحمه
علي: وايه اللي مصحيكي لحد دلوقتي؟؟
صفا: انا كنت نايمه وقلقت قمت اشرب وقعدت شويه مع نفسي، تصبح على خير
علي: وانتي من اهله