أيام من الماضي (نغم العاصم)

الفصل15(حقيقه)

ڤوت للفصل بليز🥰

"في مصحة نغم"
اتصل عاصم بسيف اللي حكاله عن اللي حصل فقفل عاصم الخط وبص لنغم وقال: انا لازم امشي
نغم: عاصم! حصل حاجه
عاصم: اااا، انا لازم امشي
نغم: انا جايه معاك
عاصم: لا
سابها وخرج فخرجت وعد وراه وهي بتنادي عليه
عاصم: ايه يا وعد؟!
وعد: انا جايه معاك
عاصم: لا خليكي هنا مع نغم
وعد: طيب قول لي اللي حصل
عاصم: مامت نغم واختها في المستشفى وحالتهم خطر
وعد: مستشفى ايه؟ انا جايه معاك
نغم من وراهم: مامااااا، حيااااة
وجريت على عاصم بتعيط فقال عاصم: اهدي يا نغم
اتعلقت به نغم وقالت: انا جايه معاك
بص عاصم لوعد وسالها: هينفع؟!
وعد: ايوه يلا بينا
وطلعوا عالمستشفى بعربية وعد، ولما وصلوا لقوا حسام وسيف وصفا واللواء رفعت واقفين بقلق قدام اوضة العمليات، واول ما نغم شافت اخوها جريت عليه وهي بتقول: ماما يا سيف
سيف: اهدي هي بخير
وقرب عاصم من ابوه وسأله: حالتهم ايه؟
رفعت: لسه جوا ف العمليات
وبعد كام ساعه خرج الدكتور وقال لهم: الحمدلله هما بخير
سيف: امي عامله ايه؟
الدكتور: متقلقش الجرح سطحي وعملنا اللازم ليها
حسام: وحياة، والبيبي
الدكتور: كويسه، الرصاصه مجاتش فيها ده خدش مش اكتر، بس جالها نزيف وقدرنا نوقفه الحمدلله والبيبي سليم
حسام: الحمدلله
سيف: ينفع نطمن عليهم
الطبيب: لا كمان يومين بالكتير
وعد: من فضلك انا ممكن اتابع حالتهم
الدكتور: دكتوره وعد فاروق بنفسها؟! اتفضلي طبعا
وعد: شكرا
وسابهم الدكتور ومشي، وبصت وعد ليهم وقالت: يلا اتفضلوا عالبيت
صفا: لا انا هستنا هنا معاهم
حسام: يلا يا ماما عالبيت ووعد معاهم متقلقيش
وعد: خلي نغم معاكم
حسام: بس هي لسه ماخدتش اذن بالخروج
وعد: انا هقوم باللازم
سيف: شكرا يا وعد
وعد لسيف: هتعمل ايه يا سيف؟
سيف: هطلع عالقسم
عاصم: انا جاي معاك
رفعت: يلا بينا
******************
"وفي القسم"
وصل سيف وعاصم واللواء رفعت لمتابعة التحقيق مع أكرم وباقي العصابه، فدخلوا للمأمور واتكلموا معاه
سيف: ايه الاخبار
المأمور: احنا فتشنا بيت اكرم ولقينا بلاوي
سيف: ازاي؟
المأمور: اكرم وعلي بيشتغلوا في تجارة الاعضاء والمخدرات، وواخدين السياحه واجهه ليهم
عاصم: اللهم صل عالنبي
سيف: كمل من فضلك
المأمور: وكمان لقينا اوراق باسماء الضحايا اللي باعوا اعضائهم للمافيا اللي برا، ولقينا كمان ورق صفقات مخدرات مع عصابه هنا في مصر، وجاري اتخاذ كافه الاجراءات للقبض عليهم
سيف: وعلي؟!
المأمور: للاسف معرفناش نوصله، بس احنا هنفضل ورا اكرم لحد ما يعترف عليه
عاصم: طيب انا عاوز اقابل الضابط اللي قبض على اكرم
المأمور: دقيقه واحده
ونده المأمور على عسكري عشان ينادي على الضابط سامي اللي قبض على اكرم وبعد دقايق دخل الضابط سامي عليهم واخده عاصم على جنب يتكلم معاه، اما رفعت فبص للمأمور وقال: طيب احنا هنفضل مع حضرتك على اتصال اول بأول
المأمور: دقيقه من فضلك
رفعت: خير
المأمور: الورق ده يخص سيف باشا، اتفضل
أعطى المأمور شوية ورق لسيف، ففتحه سيف وابتسم وقال: مكانش مسجله؟!
المأمور: لا يا فندم عشان كان فاضل نغم اخت حضرتك هي اللي كانت موقفه الدنيا معاه
سيف: نغم!! طيب شكرا جدا
المأمور: في حاجه كمان
سيف: ايه؟
المأمور: انت متاكد ان علي يبقا عمك؟!
سيف: قصدك ايه؟
المأمور: في الورق اللي مكتوب اسم (علي زاهر) واسم عيلتكم (سالم)
سيف: وضح اكتر
المأمور: احنا شوفنا بطاقة اكرم ولقينا اسمه (اكرم علي زاهر) وهنا في الورق نفس الاسم، يعني كده (علي) مش عمك او يمكن قريبكم من بعيد
سيف: استنا كده
افتكر سيف الورق اللي قال له عنه والده قبل وفاته وبصلهم وقال: خليكم هنا
رفعت: على فين؟!
سيف: عالبنك هجيب حاجه وجاي
عاصم: بنك ايه يابني دلوقتي، خليها لبكره
سيف: طيب
سيف للمأمور: بكره الصبح هعدي عليك
المأمور: ماشي يا سيف باشا
عاصم: يلا بينا ولا ايه؟!
سيف: استنا هنا انت كنت عاوز الضابط ليه؟
عاصم: بسأل على اكرم
سيف: اوعا تكون عملت اللي في دماغي
عاصم: حصل، حق نغم رجع واكرم بقا ست خلاص
ضحك سيف وسأل: خالص خالص؟
عاصم: خالص
سيف: طيب يلا بينا
عاصم: يلا...