ڤوت للفصل بليز🥰
"في جامعه القاهرة"
قابلت نغم صاحبتها دينا وراحوا للمحاضره، وطول المحاضره ودماغ نغم عماله تودي وتجيب في قرار عمها وظلمه ليها والدموع تتجمع في عينيها، فتمسحها بأيدها وتحاول تركز ف المحاضره، ودينا جنبها بتراقب اللي بيحصل، لحد ما خلصوا وراحوا لكافيتريا الكلية عشان يفصلوا شويه وهما قاعدين بياكلوا سالتها دينا: ايه يا بنتي مالك من الصبح وشك متغير
نغم: ابدا مفيش
دينا: لا في وواضح انها حاجه كبيره، احكي
اتنهدت نغم وقالت: عمي هيجوزني ابنه أكرم
دينا: طيب وماله
دمعت نغم وقالت: وماله ازاي بس، انتي مش هتفهمي
وغمضت عينيها بوجع وسرحت في يوم من الماضي
Flashback
نغم: انا خايفه يا عاصم
عاصم: من ايه يا حبيبتي
نغم: خايفه تسيبني
مسك عاصم ايدها بقوه وقال: عمري ما اسيبك انا مصدقت لقيتك، انا بحبك
نغم: انا كمان بحبك اوي، خليك جنبي
قال عاصم: صدقيني غصب عني اللي هيحصل وعارف انه صعب ف وقت زي ده بس هعمل ايه هو الشغل كده
تأففت نغم: اوووفف، كان لازم يختاروك انت ما في ضباط غيرك اشمعنا انت
عاصم: انا اللي طلبت اكون مع اخوكي، لازم ابقا جنبه
نغم: سيف!! والله صعبان عليا من اللي حصله
عاصم: وانا كمان بس كان لازم يعرف
نغم بلوم: مكانش لازم تقول له
عاصم: يعني اسيب صاحب عمري يقع واقعه زي دي؟!
نغم بحزن: عندك حق، بس الصدمه كانت شديده عليه خصوصا ف الوقت ده
عاصم: هو اصلا كان شاكك فيها من فتره
نغم: تعرف بتمنى ايه؟!
عاصم: ايه يا حبيبتي؟!
نغم: يلاقي وعد
ابتسم عاصم: ماهو بيدور عليها تاني، واهو احنا رايحين انجلترا يمكن يلاقيها هناك
نغم: يارب يلاقيها دي كانت بتحبه اوي
عاصم: وهو بيحبها بس هنا وقعت بينهم يوم ما قالتله ان وعد بتحب حد تاني
نغم: وادي جزائها اهو سابها
واخدت نفس عميق عشان تداري حزنها وغيرت الموضوع فقالت: بس انا سمعت من اخويا ان الشغل ده صعب وممكن يحصل حاجه فيه
عاصم بنبرة طمأنينة: سنه وهتعدي متقلقيش كله خير بإذن الله، اهدي كده، مبحبش اشوف دموع ف عينيكي
نغم: حاضر
وفتحت شنطتها وطلعت منها حاجه فضه واديتهاله وقالت: خلي دي معاك تحفظك وتردك ليا
عاصم: ايه دي يا حبيبتي؟
نغم: ميداليه فضه مكتوب عليها أية الكرسي
عاصم: ربنا ميحرمنيش منك، انا كمان جبتلك حاجه
وطلع علبة صغيره من جيبه وادهالها وقال: اوعي تفتحيها الا لما تروحي
نغم: حاضر يا حبيبي
Back to the present
فاقت نغم من سرحانها على صوت دينا وهو بتقولها باستغراب: ايه يا بنتي روحتي فين؟
نغم: ها؟!! ولا حاجه
ومسكت نغم السلسله اللي في رقبتها ومسحت دموعها وتمتمت بضيق: راضية يارب باللي فاضلي منه
دينا: بتقولي حاجه؟
نغم: لا
******************
في الوقت ده دخل حمزه صديق نغم المقرب الكافيتريا ( بيشتغل معيد في نفس الكليه) وراح لنغم ودينا واول ما دينا لمحته جاي قالت لنغم: اهدي واكيد في حل وامسحي دموعك عشان حمزه جاي
نغم: طيب
فمسحت دموعها وحاولت تبتسم
قعد حمزه قدامهم وقال: صباح الخير
دينا: صباح الخير يا دكتور حمزه
نغم: صباح النور
بص حمزه الى نغم وسألها: مالك؟
نغم: مفيش
دينا: هو ايه اللي مفيش ما تقولي يا بنتي اللي حصل
حمزه: ما تفهموني يا جماعه
دينا: عمها هيجوزها ابنه
حمزه: وانتي ايه رأيك يا نغم؟
نغم: انت عارف رأيي يا حمزه
حمزه: انا جاتلي فكره بس يارب توافقي عليها
دينا: خير يا دكتور
حمزه: اسمعي يا نغم انا هاجي اخبطك
قالت نغم بصدمه: ايه؟
حمزه بأبتسامه: زي ما سمعتي كده، هاجي اخطبك قبله انا بحبك
دينا بغيرة: لا طبعا
حمزه باستغراب: ليه لا؟
دينا بتوتر: قصدي مش هيوافقوا عليك
نغم: انا مش عارفه اقول لك ايه؟!
حمزه: متقوليش حاجه، وقولي لمامتك اني جاي يوم الخميس
دينا ببرود: مبروك، يلا بينا عشان المحاضرات
نغم: يلا عن اذنك يا حمزه
حمزه: نغم!! هبقا معاكي على اتصال
نغم: ان شاء الله
******************
رجعوا نغم ودينا يكملوا محاضرات، وراح حمزه يكمل شغله وبين محاضراته وشرحه في وقت الراحه اتصل بصاحبه حسام ابن عم نغم، وبلغه بقراره
حسام: الو ايه يابني فينك واحشني
حمزه بضيق: ازيك يا حسام
حسام: مالك في ايه؟؟
حمزه: انت عرفت اللي عمك عايز يعمله؟
حسام: ايوه، وحاولت اقنعه انه مينفعش بس هو دماغه قفلت على كده وانت عارف كلمته امر
حمزه: طيب اسمعني انا هخطبها يوم الخميس الجاي هاجي لعمك البلد واخطبها منه
حسام: تخطبها ازاي؟ هو انت قولتلها؟؟
حمزه: ايوه النهارده
حسام: بس انت عارف ان قلبها مع عاصم
حمزه: وعاصم مات خلاص وهي لازم تعيش حياتها
حسام: طيب ورأيها ايه؟
حمزه: مش مهم، انا المهم عندي سعادتها حتى لو مش بتحبني كفايه عليا اني افضل جنبها
حسام: للدرجادي؟؟
حمزه: ايوه يا حسام انا بحبها اوي، بس اهي محاوله يمكن تحبني وعشان عمها وابنه يبعدوا عنها، يلا سلام عشان وقت المحاضرة جه
حسام: ماشي سلام
******************
نروح لبيت أكرم في القاهرة، كان اكرم نايم في سريره ساعة ما صحي على رنة تليفونه فمد ايده ومسكه فشاف رقم ابوه عالشاشه فقام بنعاس ورد وهو بيتاووب وبيحاول يفوق: ايوه يا بابا ازيك واحشني اوي
الحج علي بغضب: فوقلي واسمع الكلمتين دول
أكرم بقلق: خير يا بابا
الحج علي بحزم: خطوبتك على بنت عمك الجمعه الجايه
أكرم: نعم؟
الحج علي: ايه مش موافق ولا ايه؟
أكرم: لا موافق طبعا كلمتك امر
الحج علي: كويس جهز نفسك بقا
أكرم: امرك يا والدي، مع السلامه
الحج علي: مع السلامه
خلص اكرم المكالمه مع باباه وبص للفون بتاعه وفجأه رزعه ف الحيط فأتقسم نصين وقام من سريره وفضل رايح جاي في اوضته بيفكر بصوت عالي في نغم وبعدين بص لنفسه في المرايه وعينيه لمعوا بشهوه وقال بطمع: وماله واهي طريقه عشان اوصل ليها طالما فضلت عليا عاصم بتاعها وابقا ضربت عصفورين بحجر واحد الميراث واخد اللي انا عايزه منها
وضحك بصوت عالي وكمل: اه اتسلى كام يوم لحد ما ابويا ياخد الميراث وبعدين اطلقها ماهو ف الاخر الفلوس دي كلها ليا
أنت تقرأ
أيام من الماضي (نغم العاصم)
Romantizmقرب منها بحذر وهمس في ودنها: حبيبي بتعمل ايه؟! مردتش عليه، فقال بعتاب: لسه زعلانه مني؟! قالت ببرود: عادي وانت يعني يفرق معاك زعلي شدها ووقفها قصاده ولفها له، لقى دموعها مغرقه وشها، فبدأ يمسح دموعها برقه وباس راسها وقال: انا اسف، والله ما قصدي انا اف...
