وحش الداخلية في مهمة كوميدية
روني محمد
الجزء الثاني
بعد أسبوع
أدهم رجع لشغله الي كان غايب عنه بسبب مرضه لما وصل ركن عربيته وكان طالع مكتبه اتقابل هو ورنا عالسلم ، فالأول بصلها بغيظ وبعدين سابها وكان طالع ، بس هي ندهت عليه
رنا : أ أ أستاذ قصدي حضرة الرائد أدهم ممكن تستنى لحظة!!
وقف أدهم في مكانه من غير ما يبصلها وقال
-: نعم!!!
رنا : أنا كنت عاوزة أعتزرلك على الي حصل في المهمة الأخيرة ، بس بوعدك انها مش هتتكرر وهتكون أخر مرة...
رد أدهم عليها بضيق وقال
-: طيب
كمل طريقة لمكتبه واتفاجأ بصديقه حاتم ماشي بيعرج برجله ، استغرب أدهم وسأله
-: هو في ايه مالك ايه جرالك !
حاتم بحزن: أسكت يا أدهم متفكرنيش ده كان يوم مهبب يوم ما دخلت شرطة..
أدهم : هي مين دي قصدك على مين ؟
حاتم : ومين غيرها ربنا ينتقم منها ومن أبوها اللوا طارق
أدهم :هههههههههه طب وطي صوتك وتعالا جوه فالمكتب نتكلم..
دخلوا الاتنين المكتب وأدهم قفل الباب وراح قعد على كرسيه ورا المكتب اما حاتم فقعد قصاده وقال
-: البت دي لو كملت معانا هتخلص على كل الرجالة ، انا عندي أعد فالبيت أخرط بصل ولا أني أشتغل معاها تاني
-: هههههههههه يا عيني عليك قولي عملتلك ايه
،،، بقلمي روني محمد
-: تصور ان اللوا طارق جبهالي وقلي خليها تدرب وتبقى تحت قيادتك عقبال ما أدهم يرجع.. اوم ايه انا قلت نبدا بالنشان ، واخدتها ورحنا وياريتنا ما روحنا
أدهم : ليه ايه الي حصل
حاتم : دي حولة بدال ما تنشن عالهدف نشنت عليه مع أني كنت واقف جمبها..
أدهم : ههههههههه أنا قلت بردو ان البت دي ملهاش فالشرطة
حاتم : عارف قالتلي ايه بعد ما اتصابت
أدهم : قول اشجيني
حاتم بصوت رفيع وهو بيقلد رنا : قالتلي سوري أصل في دبانة كانت واقفة عالمسدس ولغبتطني ... تخيل كنت هموت بسبب دبانة...
قام أدهم من كرسيه وراح خبط على كتفه وقال
-: تعيش وتاخد غيرها يا بطل.
حاتم : أعيش ايه .... هي البت دي لو فضلت معانا هتسيب حد عايش دي هتخلص علينا واحد واحد ، انا شاكك انها تكون من الأعداء
أدهم : هههههههههه أحنا بس أستحملنا وعدينا الي فات عشان جمايل اللوا طارق علينا ، انما طالما وصلت لكده يبقى يقدملها في معهد الباليه....
حاتم : صح عندك حق انا هقوم أقوله ان بنتك متنفعش فالشرطة روح قدم لها في معهد الباليه
